Category: سپورت

رئال مادرید قهرمان‌لر لیگی فینالی ده بورسیا دورتموند جماعه‌سینی ۲-۰ حسابی بیلن مغلوب قیلیب و ۱۵-مراتبه اوشبو لیگ غالبی بولدی. اروپا قهرمان‌لر لیگی فینالی شنبه دن یک‌شنبه گه اوتر کیچه (۱۲-جوزا/۱جون) رئال مادرید و بورسیا دورتموند جماعه‌لری اۉرته‌سیده بولیب اوتدی. اوشبو مسابقه ده فوتبال بوییچه اروپا پادشاه‌سی رئال مادرید دنی کارواخال و وینیسیوس جونیور نینگ گل‌لری بیلن دورتموند نی ۲:۰ حسابی بیلن مغلوب قیلیب و قهرمان‌لر لیگی ده ۱۵-مراتبه قهرمان‌لیگینی نشانله‌دی.

اروپا قهرمان‌‌لر لیگی فینالی، بو کیچه بریتانیا پایتختی لندن شهری ده بولیب اۉتیشی کوتیله‌دی. اسپانیا مملکتی نماینده‌لیگیدن رئال مادرید و جرمنی نماینده‌لیگیدن دورتموند، بو کیچه (۱۲-جوزا/۱-جون)، افغانستان وقتی بیلن ساعت ۱۱:۳۰ اطرافی ده، اروپا قهرمان‌لر لیگی فینالی ده بریتانیا پایتختی لندن شهری ده ییرلشگن «ومبلی» سپورت میدانیده قرشی لشه‌دیلر.