غور ده عایلهلردن قطارینینگ ایتیشلریچه، اوتگن ایکی ییلده ایشسیزلیک و کمبغللیک کوپهیشی و انسانسیورلیک یاردملر کمهیشی بیلن، بو ولایتده بالهلرنینگ توییب آوقتلنمسلیککه چلینیشی کوپهیگن.
هرات ولایتیدهگی ایسیقخانهلردن قطارینینگ ایگهلریگه کوره، ایسیقخانه ایکینلری عایلهلرنینگ درآمدی و احتیاجلرینی تامینلش اوچون امکانیتلر یرهتگن بولسهده، لیکن اولردن کوپ قطاریگه اقتصادی برقرارلیکنی تامین قیلمهی، اولر مالی باسیملر همده نسیه ساتیب آلیشگه تیگیشلی بولیش بیلن روپهره بولگنلر.
سلاموطندارنینگ افغانستان بعضی ولایتلریده ۲۸ نفر عیال بیلن اوتکزگن صحبت نتیجهلری شونی کورستهدی کی، بو عیاللرنینگ ۱۶ نفری بالهلرینینگ تقدیری و تربیهسیده هیچ قندهی رولی بولمهگن. شوندهی وضعیتده حقوقشناسلر و دین عالملری عیاللرنینگ، خصوصاً آنهلرنینگ عایلهدهگی مهم قرارلرده اینیقسه بالهلرینینگ تقدیری و تربیهسیده رولی مهم ایکنلیگینی تأکیدلهیدیلر و آنهنینگ رولینی اعتبارسیز قالدیریش عاقبتلری حقیده آگاهلنتیرهدیلر.
بادغیس خوفسیزلیک رسمیلرینینگ ایتیشلریچه، بادغیس-هرات قتناو یولیده ۴۰۴ رسوملی یولاوچی تاشووچی بیر موترنینگ چپه بولگنی نتیجهسیده، ۹ کیشی اولیب و ۳۵ کیشی یرهلنگن.
کابل ده جاپان ایلچیخانهسینینگ ایتیشیچه، افغانستان ده قیتریلگن عیال قاچقینلرنی قوللب-قوتلش اوچون بیرلشگن ملتلر تشکیلاتینینگ عیاللر بولیمی بیلن قوشمه لایحهنی عملگه آشیرگن.
نوار غزهنینگ بیر قطار بولیملریگه اسرائیل آرقهلی اویوشتیریلگن اینگ ینگی هجوملرده، کمیده ایکی فلسطینلیک قربان بولیب و آتیش کیسین برقرار بولگنیدن حاضرگچه قربانلرنینگ توپلم سانی ۶۱۴ کیشیگه ییتیشگن.
«افغانستان پولیودن بوش» نهادی، عایلهلردن بالهلرینی دایمی فلجلیکدن سقلش اوچون اولرگه ایکی قطره پولیو واکسینینینگ بیریشلرینی سورهگن.
فاریاب ده قیش موسومیدهگی یاغینگرچیلیکلر آز مدتلی بولسهده، سوو منبعلری کوچلنیشی و ایکینچیلیک یخشیلنیشی اوچون مناسب بیر امکانیت دیر. فاریاب ایکینچیلیک، سووغاریش و چاروهچیلیک همده سوو و انرژی ریاستلری مسئوللرینینگ اورغولشیچه، قیش موسومی یاغیشلری ییر آستی و سحطی سوو منبعلرینی تامینلنیشیده اساسی اورینگه ایگه بولیب و بو منبعلردن درست فایدهلنیش، اوتگن ییللردهگی قوروقچیلیک اثرلرینی کمهیتیره آلهدی.
جوزجان مرکزی شبرغان شهری اوزاق قیشلاقلریدن بیرینینگ توپراقلی سرکلریده، ۴۰ یاشر بیر عیال هیداوچیلیک بیلن عایله نیازلرینی تامینلهیدی. سایره اسملی اوشبو عیال اوچون هیداوچیلیک یالغیز بیر ایش ایمس، بلکیم عایلهسینی باقیش و تقدیریگه قرشی تیک توریش یولی دیر.
بیرلشگن ملتلر تشکیلاتی بالهلرنی قوللب-قوتلاوچی صندیغی (یونیسف)، نینگ اعلام قیلیشیچه، افغانستاننینگ اوزاق منطقهلریدهگی عایلهلر و بالهلردن کوپ قطاری، «چیدهب بولمهگن و کوپ قیین» بیر قیشنی اوتکزماقده.
بیرلشگن ملتلر تشکیلاتینینگ تعلیم، بیلیم و مدنیت تشکیلاتی (یونسکو)، خلقارا آنه تیلی کونی مناسبتی بیلن ایتیشیچه، کوپینچه تیلنینگ یوقالیشی بیلن تیل خیلمه-خیللیگی یوقالیش خوفی آستیده قالماقده.
فاریاب مرکزی میمنه شهریده کیچیک تجارتلر و قول صناعتی بولیملریده یوزلب عیالنینگ تعلیم کورگنی بیرحالده، بازار کسادلیگی، ساتیب آلیش امکانیتی کملیگی و سرمایه آزلیگی، بو شهردهگی عیاللرگه مخصوص بازارده عیاللر فعالیتینی جدی قیینچیلیکلر بیلن روپهره قیلگن؛ بو ایسه…
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن بیش مینگ ۸۹۸ افغانستانلیک چیقریلگن.
مبارک رمضان آیی کیریب کیلیشی بیلن یشاوچیلر بو آینی معنوی شادلیک بیلن کوتیب آلدیلر. بعضی یشاوچیلر رمضان آیینی رحمت، برکت و گناهلر کیچیریلهدیگن آی دیب بیلیب، بو فرصتدن الله گه ینهده یقینلشیش و یخشی اخلاقنی مستحکملش اوچون فایدهلنیش حقیده تأکید ایتیشهدی.
ایرلری کوپ خاتینلیک بولگن عیاللردن بعضیلرینینگ ایتیشیچه، ایرلری ایکینچی مرته اویلنگچ، ایری نفقه و برچه قانونی رعایت قیلمهگن؛ بیراق دین عالملری و حقوق بیلرمانلری، ایر تامانیدن عیال حقوقی رعایت قیلینمهگن حالده، عیاللر عدلی نهادلر گه شکایت قیله آلیشینی ایتهدیلر. بو عیاللر اقتصادی باسیملر گه دوچ کیلهیاتگنینی و اوز قانونی حقوقلری حقیده ییترلی معلومات گه ایگه ایمسلیکلرینی ایتیشهدی.
بدخشان مرکزی فیضآباد شهریده «لعل» آتیده خصوصی بیر رادیو فعالیت گه باشلهدی.
