کیچیک غرفهدن بویوک برندگچه؛ تکنالوژی ساحهسیده موفقیتگه ایریشگن عیالنینگ حکایهسی
جمعیتده عیاللردن کوپ قطارینینگ فعالیتی کوپراق قول صناعتی و تیکووچیلیککه چیکلنگنی بیرحالده، قیشلاقلیک یاش قیز عیاللرنینگ تکنالوژی ساحهسیده هم موفقیتگه ایریشه آلیشینی نمایش گه قویگن. بلخ یشاوچیسی و کمپیوترساینس بولیمیده تحصیل قیلگن ۲۵ یاشر آمنه امیری، ایشلاوچیلیک ایمس، بلکیم تدبیرکارلیک آرزوسی بیلن فرقلی بیر یولنی تنلهگن. آمنهنینگ ایتیشیچه، مکتب و بیلیم یورتگه باریش پیتدن، دولتی ایش یا-ده میز آرقهسیده اولتیریب ایشلشگه قیزیقمس ایکن.
