بلخ امنیتی رسمیلری، عاشورا مراسمی عرفهسیده اوشبو ولایت ده مسجدلر و تکیهخانهلرنی باریب کورگنلر. بلخ ولایتی خوفسیزلیک رسمیلری، مذکور ولایت ده مسجدلر و تکیهخانهلرنی کوریش پیتیده، شیعهلر گه مذهبی مراسملرینی اوتکزیش اوچون خوفسیزلیک تأمین ایتیلیشیدن ایشانچ بیرگنلر.
کابل امنیه قوماندانلیگی، اوشبو ولایت ده محرم کونلری اینیقسه عاشورا مراسمی دن نشانلش کونیده تکیهخانهلر و مسجدلر امنیتی تأمین ایتیلیشیدن ایشانچ بیریب ایتیشلریچه، کابل شهری خوفسیزلیگی تأمین ایتیلیشی اوچون امنیتی ارگانلر و شیعهلر نینگ بویوکلری اورتهسیده قوشمه بیر کمیسیون شکللنگن.
میدیالرده ترقهتیلگن گزارشلر اساسیده، جاری ییل سرطان آییده، فراه، پکتیا، پکتیکا، هرات، پروان، بلخ، تخار، فاریاب، بادغیس و خوست ولایتلریده، ۱۸ کیشی اولدیریلگن که، اولردن کوپینچهسی نینگ عاملی ناتانیش قوراللی کیشیلر ایکن.
پایتخت یشاوچیلریدن قطاری، سونگی کونلر قوراللی اوغریلیکلر کوپهیگنی خصوصیده خواطر بیلدیریب ایتیشلریچه، ناتانیش کیشیلر یشاوچیلر نینگ تیلیفون، نقدی پول و باشقه نرسهلری نی اوغیرلهیدیلر.
پاکستان مدافعه وزیری خواجه محمدآصف، اوتگن کون (سهشنبه، ۱۳-سرطان)، تاجیکستان مدافعه وزیری شیرعلی میرزو بیلن اوچرهشیب ایتیشیچه، ایکی مملکت افغانستان بیلن قوشنی بولگنی سبب، خوفسیزلیک تهدیدلر بیلن روپهرهلر.
خلقارا ییتکیرمهلر نینگ معلوماتی اساسیده، اسرائیل حربی کوچلری اوتگن ییگیرمه ییل ده کرانهی باختری گه قیلگن اینگ بویوک عملیاتلریدن بیری ده، دوشنبه کونی، ۱۲ سرطان/۳ جولای، کرانهی باختری جنین شهری گه هوایی هجوم قیلگن.
فرانسه ده بیر یاش ییگیت مذکور مملکت پولیسی تامانیدن آتیب اولدیریلیشی گه قرشی اعتراضلر دوام ایتر ایکن، حاضرگچه ۸۷۱ عمومی مکان آلاو بیریلگن.
افغانستان چیگره خوفسیزلیک مسئوللری، یکشنبه، ۱۱ سرطان، بامداد چاغی ساعت ۱:۰۰ اطرافی ده، ایران چیگرهچیلری افغانستانلیک بیش کیشینی چیگره حدودلرده آتیب اولدیرگنیدن خبر بیرگنلر. نیمروز چیگره خوفسیزلیک اوچینچی کندک سوزلاوچسی عبدالرحیم منور نینگ ایتیشیچه، قاچاق روشده ایران گه اوتیشنی قصد قیلگن مذکور بیش کیشی، ایران چیگرهچیلری تامانیدن آتیب اولدیریلگنلر.
فاریاب دهگی محلی منبعلر نینگ ایتیشلریچه، اوشبو ولایت نینگ خواجهسبزپوش تومنیده ماین پارتلشی عاقبتیده اوچ کیشی هلاک بولیب و باشقه اوچ کیشی یرهلنگن. منبعلر گه کوره، مذکور حادثه یکشنبه کونی، ۱۱ سرطان، توش چاغی ده خواجهسبزپوش تومنی «شباختو» منطقهسیده بالهلر بیر حولی ده اوینش پیتیده یوز بیرگن.
تخار خوفسیزلیک مسئوللری اوشبو ولایت مرکزی و تومنلریده خوفسیزلیک تدبیرلر آلینگنیدن خبر بیریب ایتیشلریچه، هییت کونلریده اهالی گه تشویش ایجاد بولمهسلیگی اوچون هیچ کیم گه رخصت بیریلمهیدی.
کابل یشاوچیلریدن قطاری اسلام امیرلیگی رسمیلریدن، هییت کونلریده گوجوملیک کوچهیشی و مغرض کیشیلر نینگ سوءاستفاده قیله آلمسلیگی اوچون، خوفسیزلیگ چاره تدبیر کوریشلرینی طلب قیلهدیلر.
«مرکزی ۳۱۳» قول اردو اورین باسری امینالله طیب، سلاموطندار بیلن اوتکزگن صحبتیده، قربان هییت بیرمی کونلریده مرکزی زون اینیقسه کابل خوفسیزلیگینی تأمینلش اوچون، ۱۰ مینگ عسکر وظیفهلنتیریلگنینی ایتگن. مرکزی ۳۱۳ قول اردو اورین باسری نینگ کوپهیتیریشیچه، اسلام امیرلیگی حاکمیتیدن کیین اولکه بویلب امنیت تأمینلنگن بولسه ده؛ بیراق هییت کونلریده هیچ واقعه صادر بولمسلیگی مقصدیده سعیوحرکت قیلماقدهلر.
سونگی کونلر، افغانستان ده قتل واقعهلر کوپهیگن که، هر کون میدیالرده بیر یا-ده نیچه قتل واقعهسی ترقهتیلهدی. میدیالرده ترقهتیلگن گزارشلر اساسیده، سونگی ایکی هفتهده (۲۱-جوزا دن ۳-سرطان) گچه، ۱۲ ولایتده ۱۶ قتل واقعهسی یوز بیرگن؛ بیراق بوندن آلدینگی ایکی هفتهده (۹-جوزا دن، ۲۲-جوزا) گچه بیش ولایتده آلتی قتل واقعهسی یوز بیرگن که بو، قتل واقعهلری نینگ ۶۲ فایز کوپهیگنی نی کورستهدی.
میدانوردک تومنلریدن قطاری و میدانشهر یشاوچیلری، اوتگن اوروشلر جریانیدن پارتلمهی قالگن مادهلر و ماینلر بارلیگیدن شکایت قیلیب ایتیشلریچه، مذکور مادهلر پارتلشی، دایم اوشبو ولایت یشاوچیلری اینیقسه بالهلردن قربانلیک آلگن.
طبیعی آفتلرنی باشقریش ایشلری بوییچه دولت وزیرلیگی مسئوللری نینگ ایتیشلریچه، افغانستان ده ۲۰۲۳_ییل باشلهنیشیدن حاضرگه قدر اوتگن اوروشلردن قالگن ماینلر و یراغلر پارتلشی عاقبتیده، قریب ۳۰۰ کیشی هلاک بولگن.
جوزجان، غزنی و بادغیس ولایتلریده یالغیز سهشنبه کونی، ۲۳ جوزا، اوچ کیشی اوزلرینی دار گه آسیب یا ده آتیب اولدیرگنلر. جوزجان امنیه قوماندانلیگی سوزلاوچیسی عبدالستار حلیمی نینگ سلاموطندار گه ایتیشیچه، اوتگن کونی توش چاغی ساعت ۱۲:۳۰ اطرافی ده، اوشبو ولایت نینگ قرقین تومنی «شورتیپه» قیشلاغیده ۱۷ یاشر بیر قیز اوزینی دار گه آسیب اولدیرگن.
