۲۱-اسد، یک‌شنبه کونی کیچ قورون کابل شهری غربی قسمی «دشت برچی» حدودلریده یوک تاشووچی بیر موتر ده ییرلشتیریلگن ماین پارتلشی بیلن، اوشبو شهر اینیقسه دشت برچی اهالیسی خوفسیزلیک اداره‌لردن امنیت‌لری تأمین اېتیلیشی خصوصیده دقت قیلیش‌لرینی اېسته‌یدیلر.
اسرائیل اردوسی نینگ غزه ده هجوملری عاقبتیده فلسطین‌لیک آلتی کیشی هلاک بولگن. تورکیه آناتولی آژانسی گه کوره، بوگون (۱۸-اسد، پنج‌شنبه) اسرائیل اردوسی نینگ غزه شهریده ایکّی یشش اوی ده اۉیوشتیرگن هجوملری عاقبتیده آلتی کیشی قربان بولیب و باشقه بیرقطار کیشیلر یره‌لنگن.
روسیه حربی کوچلری نینگ اوکراین شمال-شرقی حدودلری خارکیف ده راکته هجومی عاقبتیده بیر کیشی هلاک بولیب و باشقه ۱۲ کیشی یره‌لنگن. رویترز آژانسی، روسیه حربی کوچلری ۱۶-اسد، سه‌شنبه کونی اوکراین نینک شمال-شرقی حدودلری خارکیف ده راکته هجوم اۉیوشتیرگنینی معلوم قیلگن.
اسرائیل اردوسی نینگ غزه شهری ده آوارهلر مکتبی همده رفح شهری جنوبی حدودلریده هوا هجوملری عاقبتیده فلسطین‌لیک ۲۴ کیشی قربان بولگن. رویترز نینگ گزارشی اساسیده، اسرائیل اردوسی ۱۳-اسد، شنبه کونی غزه حدودلری «شیخ رضوان» ده آوارهلر ییرلشگن مکتب ده اۉیوشتیرگن هوا هجوملریده فلسطین‌لیک ۱۵ کیشی قربان بولگن.
امریکا مدافعه وزیرلیگی (پنتاگون) اوشبو مملکت اسرائیل دن دفاع قیلیش و ایران همده بو مملکت نیابتی گروه‌لری نینگ احتمالی تهدیدلری اوچون اۉرته شرققه کوپراق حربی کېمه یوباریشینی معلوم قیلگن. رویترز آژانسی گه کوره، امریکا مدافعه وزیری لوید آستین ۱۲-اسد، جمعه کونی اۉرته شرق و اروپا گه بالستیک راکته‌لرنی یوق قیلیش گه قادر بولگن حربی کېمه یوباریلیش بویروغینی بیرگن.
اسرائیل اردوسی نینگ غزه شهری شمالی حدودلریده اۉیوشتیرگن هوا هجوملری عاقبتیده الجزیره نینگ ایکّی خبرچیسی هلاک بولگن. الجزیره ۱۰-اسد، چهارشنبه کونی ترقه‌تگن گزارشیده، بو خبرچیلری نینگ موتری حماس سیاسی رهبری اسماعیل هنیه نینگ اوی یقینیده، اسرائیل هوا کوچلری تامانیدن نشانگه آلینگنینی معلوم قیلگن.
بوگون (۱۰-اسد، چهارشنبه) فلسطین خلقی مسجدلر نینگ بلند گوی‌لری آرقه‌لی حماس نینگ سیاسی رهبری اسماعیل هنیه نینگ ترور اېتیلیش خبریدن آگاه بولدیلر. اسماعیل هنیه ایران ینگی جمهور باشلیغی مسعود پزشکیان نینگ آنت اېچیش مراسمیده اشتراک اېتیش اوچون تهران گه بارگندی، بوگون بامداد پیتی تهران شهری ده بیر قوریقچیسی بیلن مخصوص ترور جاییده هوا آرقه‌لی ترور بولگنلر.
ایران نینگ مذهبی رهبری آیت‌الله علی خامنه‌ای، حماس نینگ سیاسی اداره باشلیغی اسماعیل هنیه ترور ایتیلیش قصاصی آلینیشنی اۉز وظیفه‌سی بیله‌دی. ایران نینگ مذهبی رهبری آیت‌الله علی خامنه‌ای، حماس نینگ سیاسی اداره باشلیغی اسماعیل هنیه، بوگون (۱۰-اسد، چهارشنبه) بامداد پیتی اوشبو مملکت پایتختی تهران ده ترور اېتیلیشی گه مناسبت بیلدیرگن.
رویترز ۹-اسد، سه‌شنبه کونی ترقه‌تگن گزارشی ده بو هجوم لبنان پایتختی بیروت شهریده اۉیوشتیریلگن. رویترز نینگ گزارشی اساسیده، اوشبو هجومده اسرائیل تامانیدن باسیب آلینگن جولان بلندلریده سپورت میدانیده اۉیوشتیریلگن راکته هجوم مسوولی حزب‌الله نینگ بیر ییریک قوماندانی نشانگه آلینگن.
غزه ده‌گی بحران حاضرگه قدر قریب ۳۹ مینگ دن کوپراق تینچ اهالی نینگ اولیمی و ۹۰ مینگ دن کوپراق اهالی نینگ یره‌لنیشی گه سبب بولگن، همان دوام اېتماقده دیر. اسرائیل و حماس اۉرته‌سیده قانلی اوروش دوام اېتماقده اېکن، مملکت‌لر غزه ده آتش کېسین برقرار اېتیلیشی اوچون سعی-حرکت‌لری گه دوام بیرماقده‌لر.
حزب‌الله لبنان نینگ اسرائیل گه راکته هجوملری عاقبتیده ۲۴ کیشی هلاک بولیب و یره‌لنگن. رویترز ۶-اسد، شنبه کونی کېچ قورون ترقه‌تگن گزارشی اساسیده، حزب‌الله لبنان نینگ اسرائیل گه راکته هجوملری عاقبتیده اوشبو مملکت نینگ اشغالی جولان بلندلری فوتبال میدانیده ۱۱ کیشی هلاک بولیب و باشقه ۱۳ کیشی یره‌لنگن
رویترز آژانسی، بو هجوم ۱-اسد، دوشنبه کونی خانس‌یونس نینگ شرقی حدودلری «بنی‌سهیلا» و باشقه بیرقطار شهرلریده اۉیوشتیریلگنینی معلوم قیلگن. معلومات‌لر اساسیده، اوشبو هجوملر عاقبتیده چمه‌سی ۷۰ کیشی هلاک بولیب و باشقه ۲۰۰ دن آرتیق کیشی یره‌لنگن. اوشبو منطقه‌لر اهالیسی نینگ رویترز گه ایتیشلریچه، اسرائیل اردوسی نینگ تانک‌لری ایکّی کیلومتردن کوپراق بنی‌سهیلا شهری گه یقینلشیب و اولرنی اوی-جایلرینی ترک اېتیش گه مجبور قیلگن.
رویترز ۳۱-سرطان، یک‌شنبه کونی، اسرائیل حربی کوچلری رفح شهری مرکزی ده مینگلب آواره جایلشگن کمپ نی نشانگه آلگنینی معلوم قیلگن. اوشبو گزارش اساسیده، اسرائیل حربی کوچلری «تل السلطان» ده حماس جنگری‌لرینی نشانگه آلیب و اولر گه عاید قورال-یراغ و آست قورمه‌لرنی یوق اېتگنلرینی ادعا قیلگن.
ایران اسلامی جمهوریتی نینگ ملی کینگش خوفسیزلیک کمیسیون اعضاسی یعقوب رضازاده، ینگی‌لیکده افغانستان و پاکستان حکومت‌لری نینگ چیگره حدودلریده کنتروللری بولمه‌گنی و او ییرده قاچاقچیلر بیلن ترورچیلرلر نینگ فعالیتی بولگنی نی ادعا قیلگن.
حماس و اسرائیل اۉرته‌سیده آتیش کېسین مذاکره‌لری توخته‌تیلگن بیرحالده، مذکور مملکت اردوسی ۲۶-سرطان، سه‌شنبه کونی غزه نینگ بیرقطار حدودلریده کېنگ کولمده هجوملری گه دوام بیرگن. معلومات‌لر اساسیده اسرائیل نینگ غزه مرکزی و جنوبی حدودلریده اۉیوشتیرگن هجوملری عاقبتیده چمه‌سی ۵۷ کیشی قربان بولگن.
پاکستان یېتکرمه‌لری نینگ معلوماتی اساسیده، پاکستان خوفسیزلیک کوچلری نینگ بیر بیکتی (ایست بازرسی) ده شبه‌نظامی‌لر نینگ هجومی عاقبتیده اوشبو مملکت نینگ تورت عسکری هلاک بولیب و تینچ اهالی شامل باشقه اونلب کیشی یره‌لنگن.
