اسرائیل هجومی‌ده صدا و سیمانینگ ایکی ایشلاوچیسی اولدی
اسرائیل‌نینگ تهران ده صدا‌وسیما بناسی‌گه اویوشتیرگن هجومی نتیجه‌سیده، بو ییتکرمه‌نینگ یره‌لنگن ایکی ایشلاوچیسی، جانلرینی قولدن بیرگنلر.
اسرائیل‌نینگ تهران ده صدا‌وسیما بناسی‌گه اویوشتیرگن هجومی نتیجه‌سیده، بو ییتکرمه‌نینگ یره‌لنگن ایکی ایشلاوچیسی، جانلرینی قولدن بیرگنلر.
خلق‌ارا ییتکرمه‌لر‌نینگ گزارش بیریشیچه، دوشنبه کونی ایرتنگ چاغی‌دن حاضرگچه نوار غزه گه اسرائیل اردوسی‌نینگ اویوشتیرگن هجوملریده، کمیده ۵۶ فلسطین‌لیک قربان بولگن.
اسرائیل باش وزیری اداره‌سی‌نینگ اعلام قیلیشیچه، جمعه کونی توقنشوولر باشلنگنیدن دوشنبه کونی ایرته‌لیگچه، اسرائیل ده قریب ۲۴ کیشی هلاک بولیب و ۵۹۲ کیشی یره‌لنگن.
العربیه، اسرائیل امنیتی منبعلریدن نقل قیلیب، ایران اسرائیل‌لیک حربی منبعلر و قوماندانلرنینگ یشش اوی‌لرینی نشانگه آلیشنی باشله‌گنینی معلوم قیلگن. عین‌حالده، ۲۵-جوزا، یک‌شنبه‌دن دوشنبه گه اوتر کیچه، ایران اسرائیل پایتختی تل‌آویو شامل حیفا و باشقه بیرقطار شهرلرینی نشانگه آلگن.
خلق‌ارا ییتکرمه‌لر‌نینگ گزارش بیریشیچه، اوتگن کیچه اسرائیل گه ایران‌نینگ اویوشتیرگن راکته هجوملری نتیجه‌سیده، کمیده اوچ کیشی اولگن که توپلم شکلده قربانی‌لر رقمی ۱۷ کیشی‌گه ییتیشگن. «سی‌ان‌ان» خبری ترماغی‌نینگ گزارش بیریشیچه، مذکور اوچ کیشی اسرائیل پایتختی تل‌آویو ده هلاک بولگنلر.
خلق‌ارا ییتکرمه‌لر، ایران‌نینگ اسرائیل گه اویوشتیرگن هجوملری نتیجه‌سیده، ۱۰ کیشی‌نینگ اولگنی‌دن خبر بیرگن. الجزیره خبری ترماغی‌نینگ گزارش بیریشیچه، مذکور کیشی‌لر ایران آرقه‌لی اسرائیل‌نینگ تورلی بولیم‌لری‌گه اویوشتیریلگن هجوملرده اولگنلر.
ایران و اسرائیل اورته‌سیده حربی توقنشوو دوام اېتماقده اېکن، ایران سپاه پاسداران اسرائیل گه قرشی راکته و اوچووچی‌سیز اوچاق آرقه‌لی ینگی هجوملرینی باشله‌گن. ایران یېتکرمه‌لری گه کوره، بوگون (۲۵-جوزا، یک‌شنبه) بامداد چاغی «وعده صادق ۳» عملیاتی دوامی بیر بولیمیده، اسرائیل‌نینگ تل‌آویو، اشدود، بت‌یا و بن گورین هوا قونالغه‌سی» نشانگه آلینگن.
فرانسه جمهور باشلیغی امانوئل مکرون‌نینگ ایتیشیچه، فرانسه و سعودی عربستان میزبان‌لیگی بیلن اوتکزیله‌دیگن اسرائیل و فلسطین اوچون ایککی دولتلی ییچیمی حقیده بیرلشگن ملتلر تشکیلاتی ییغیلیشی، اسرائیل و ایران‌نینگ حربی هجوملری‌دن کیین آرتگه قالدیریلگن.
ایران ییتکرمه‌لری‌نینگ گزارش بیریشیچه، کیسکین‌لیکلر دوامیده اسرائیل شرقی آذریجان ده نیچه حدودنی نشان گه آلیب و تورلی منطقه‌لرده نیچه پارتلش سیسی ایشیتیلگن.
ایران ده هرانا آژانسی‌نینگ گزارش بیریشیچه، ایران‌نینگ ۱۲ ولایتی‌گه اسرائیل آرقه‌لی اویوشتیریلگن هجوملر نتیجه‌سیده، حربی آست‌قورمه‌لر یانیده، تینچ اهالی و یشش بولیم‌لر هم نشانگه آلینگن.
خلق‌ارا ییتکرمه‌لر‌نینگ گزارش بیریشیچه، ایران آرقه‌لی اسرائیل‌گه اویوشتیریلگن راکته هجوملر نتیجه‌سیده، حاضرگچه قریب اوچ کیشی اولیب و اونلب کیشی یره‌لنگن.
تورکیه جمهور باشلیغی رجب طیب اردوغان، اکس صحیفه‌سیده بیر بیانیه آرقه‌لی یازیشیچه، اسرائیل اینیقسه غزه نی قان، کوز یاشی و بی‌قرار‌لیککه باتیریش استراتیژی‌سی‌نی، حاضر ایران گه قیلگن هجومی بیلن جوده‌یم خوفلی باسقیچ‌گه آلیب بارگن.
هاکبی گه کوره، ۲۳-جوزا، جمعه‌دن شنبه گه اوتر کیچه، ایران‌نینگ اسرائیل گه هجوملری عاقبتیده خطر قونغیراغی نیچه مرته چلینگن و او کیچه دوامیده بیش مرته باش پنه‌گه باریش گه مجبور بولگن. خلق‌ارا یېتکرمه‌لرنینگ معلوماتی اساسیده، ایران‌نینگ اسرائیل گه راکته هجوملری عاقبتیده حاضرگه قدر ایککی کیشی هلاک بولیب وباشقه ۴۰ کیشی یره‌لنگن. الجزیره، بوگون ترقه‌تگن گزارشی‌ده، ایران اسرائیل بویلب نیچه حدودنی نشانگه آلگنیدن خبر بیرگن.
خلق‌ارا ییتکرمه‌لر‌نینگ گزارش بیریشیچه، حاضرگچه ایران‌نینگ اسرائیل‌گه اویوشتیرگن راکته هجوملری نتیجه‌سیده، کمیده ۴۰ کیشی یره‌لنگن.
بیرلشگن ملتلر تشکیلاتی باش‌کاتبی آنتونیو گوترش، ایران و اسرائیل دن اوز ارا هجوملری‌نینگ توخته‌تیشلرینی ایسته‌گن. گوترش، بوگون ایرته‌لب (۲۴-جوزا، شنبه)، اکس صحیفه‌سیده «شونچه ییتر» دیب یازگن.
ایران یېتکرمه‌لری، اسرائیل‌نینگ هسته‌ای تحقیقات مرکزی نشانگه آلینگنیدن خبر بیره‌دیلر. معلومات‌لر اساسیده، ۲۳-جوزا، جمعه‌دن شنبه گه اوتر کیچه، ایران تامانیدن آتیلگن بیر راکته اسرائیل پایتختی تل‌آویوده هسته‌ای تحقیقات مرکزی گه توشگن. باشقه تاماندن، رویترز یېتکرمه‌سی، ایران و اسرائیل بوگون بامداد چاغی بیر-بیری گه قرشی هوا آرقه‌لی هجوم اویوشتیرگنلر.