اسلام امیرلیگی ذبیحالله مجاهدنینگ اعلام قیلیشیچه، پاکستان هوا هجوملری بیلن اوچ ولایتنی نشان گه آلگن. او، بوگون ایرتهلب (۴-قوس، سهشنبه)، اکس صحیفهسیده بیر بیانیه آرقهلی یازیشیچه، پاکستان کوچلری بوگون ایرتهلب خوست، کنر و پکتیکا ولایتلرینینگ بیر قطار بولیملریگه هجوم قیلگن.
خوست ولایتی «گربز» تومنیگه پاکستان کوچلرینینگ اویوشتیرگن هوا هجومی نتیجهسیده، ۹ باله و بیر عیال «شهید» و بیر یشش اوی بوتونلی ویران بولگن.
نوار غزه ده اسرائیل آرقهلی آتیش کیسیننینگ ینگی نقضیدن سونگ، بو منطقهنینگ تورلی بولیملریده نیچه باله شامل کمیده ۲۴ فلسطینلیک قربان بولگن.
کانگو ده بیرلشگن ملتلر تشکیلاتی تینچلیکنی سقلش ماموریتینینگ اعلام قیلیشیچه، بیرلشگن دموکراتیک کوچلر گروهیگه تیگیشلی عصیانچیلر آرقهلی، اوتگن بیر هفتهده کانگو دموکراتیک جمهوریتی شرقیده عملگه آشیریلگن بیر قطار هجوملرده، کمیده ۸۹ تینچ اهالی هلاک بولگن.
روسیه جمهورلیک ریاستی سرایی (کرملین)، اوشبو مملکت کوچلری آرقهلی اوکرایننینگ کمیده ۵ مینگ عسکری قمراوگه آلینگنینی معلوم قیلگن.
بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، اوتگن آی نوار غزهده امریکا واسطهچیلیگی بیلن برقرار بولگن آتیش کیسین کیلیشووی عملگه آشیریلگنیدن بویان، اسرائیل آرقهلی اویوشتیریلگن هجوملر نتیجهسیده ۶۷ فلسطینلیک بالهنینگ قربان بولگنینی معلوم قیلگن.
نوار غزه ده طبی منبعلرنینگ اعلام قیلیشیچه، اسرائیل آرقهلی اوشبو منطقهنینگ بیر قطار بولیملریگه اویوشتیریلگن ینگی هجوم نتیجهسیده، ۲۸ فلسطینلیک قربان بولگن.
فراه امنیه قومندانلیگی سۉزلاوچیسی محمدنسیم بدری، اوشبو ولایتده بیر کیشی خاتینینینگ بوینینی کېسیب اولدیرگنیدن خبر بیردی.
لبنان ساغلیقنی سقلش وزیرلیگی، اوشبو مملکتنینگ جنوبی حدودلریده آوارهلر کمپی گه اسرائیلنینگ دران هجومی عاقبتیده چمهسی ۱۳ فلسطینلیک هلاک بولگنینی اعلان قیلدی.
نایجریا رسمیلری، قوراللی کیشیلر بو مملکتنینگ شمالغربی حدودلری «کبی» ایالتیده جایلشگن بیر مکتب گه هجوم قیلیب، ۲۵ قیز اوقووچینی اوغیرلب کیتگنلرینی معلوم قیلگنلر.
غزه ده طبی منبعلر، اسرائیل اردوسینینگ خانیونس شرقیگه اویوشتیرگن ینگی هجوملری نتیجهسیده، اوچ فلسطینلیکنینگ قربان بولگنینی معلوم قیلگن.
هندوستان نظارتیده بولگن کشمیر اصلی شهری سریناگر جنوبی حدودلریده پولیس بیکتیده قانلی پارتلش عاقبتیده، ۹ کیشی هلاک بولیب و ۲۹ کیشی یرهلندی. خلقارا یېتکرمهلر، بوگون (۲۴-عقرب/۱۵-نومبر، شنبه) ترقهتگن گزارشلریده، بو واقعه جمعه کونی یوز بیرگنینی ایتگنلر. واقعه طفیلی یرهلنگن بیش کیشینینگ احوالی آغیر اعلان قیلینگن و تلفات رقمی آشیش احتمالی ایتیلگن.
روسیهنینگ خوفسیزلیک رسمیلری، اوکراین آرقهلی بو مملکت گه اویوشتیریلگن ینگی پهپادی هجوم نتیجهسیده، اوچ کیشینینگ یرهلنگنینی معلوم قیلگن.
فلسطین رسمیلرینینگ اعلام قیلیشیچه، اوتگن بیرکیچه و کوندوزده نوار غزه بویلب اسرائیل آرقهلی اویوشتیریلگن هجوملر نتیجهسیده، اوچ کیشی قربان بولگن.
پاکستان پایتختی اسلامآباد ده اویوشتیریلگن پارتلشده ۶ کیشی هلاک بولیب و کمیده ۱۲ کیشی یرهلنگن.
هندوستان پایتختی ینگی دهلینینگ اېنگ مهم سیاحتی جاذبهلری و تاریخی بناسی «قیزیل قلعه» یقینیده اویوشتیریلگن پارتلش عاقبتیده، چمهسی ۹ کیشی هلاک بولگن و ۱۹ کیشی یرهلنگن. بو پارتلش باشقه نیچه موترنینگ آلاو آلیشیگه سبب بولگن. فرانسه آژانسی بوگون (۲۰-عقرب، سهشنبه) عینی گواهلر گه اساسلنیب ایتیشیچه، آلاو النگهسی اهالی و موترلرنی قمرهب آلیب حتا بعضی کیشیلر موترلری ایچیده آغیر کویگن.
