چین‌نینگ شرقی حدودلریده تخنیک اوقوو مرکزیده، سکیز کیشی پیچاقلنیب اولدیریلیب و باشقه ۱۷ کیشی یره‌لنگن. خلق‌ارا یېتکرمه‌لرنینگ معلوماتی اساسیده، ۲۶-عقرب، شنبه کونی عصر پیتی چین‌نینگ شرقی حدودلری جیانگ سو ولایتی «شی‌جینگ» شهریده تخنیک اوقوو مرکزیده سکیز کیشی پیچاقلنیب اولدیریلگن.
حزب‌الله لبنان، اسرائیل پایتختی تل‌آویوده «تل‌حاییم» حربی پایگاه‌سینی بیرینچی مراتبه نشانگه آلگن. تسنیم آژانسی گه کوره، حزب‌الله لبنان خیبر عملیاتی دوامیده، تل‌آویوده اسرائیل‌نینگ «تل‌حاییم» حربی پایگاه‌سینی نشانگه آلگنینی اېتگن. اسرائیل اردوسی‌نینگ تل‌حاییم حربی پایگاه‌سی، لبنان چېگره‌سی ۱۲۰ کیلومترلیگیده جایلشگن.
خلق‌ارا یېتکرمه‌لر، اسرائیل اردوسی‌نینگ غزه گه هجوملری عاقبتیده چمه‌سی ۳۳ کشی قربان بولیب و باشقه اونلب کیشی یره‌لنگنینی معلوم قیلگنلر. بو کیشی‌لر ۲۳-عقرب، چهارشنبه کونی اسرائیل اردوسی‌نینگ غزه تورلی حدودلریده‌گی هجوملریده قربان بولگنلر. معلوماتلر گه بناً، اوشبو کیشی‌لرنینگ ییتّی نفری اسرائیل اردوسی‌نینگ غزه مرکزی «مغازی» کمپی همده «النصیرات» غربی حدودلریده‌گی هجوملریده هلاک بولگنلر.
حزب‌الله لبنان، بیرینچی مراتبه اسرائیل‌نینگ هوا کوچلری کتّه بیر پایگاه‌سی گه هجوم اویوشتیرگن. خلق‌ارا یېتکرمه‌لرنینگ معلوماتی اساسیده، یقین شرق‌ده کېسکین‌لیکلر اوج آلگچ، حزب‌الله لبنان ۲۲-عقرب، سه‌شنبه کونی اسرائیل اردوسی‌نینگ راکته هجوملری گه جواب بو مملکت‌نینگ هوا کوچلری کتّه بیر پایگاه‌سی گه هجوم اویوشتیرگن.
اسرائیل یېتکرمه‌لری، حزب‌الله لبنان اوشبو مملکت گه چمه‌سی ۱۹۰ راکته آتگنینی معلوم قیلگن. «تایمز آف اسرائیل» کونده‌لیگی، اوشبو مقدار راکته‌لر ۲۱-عقرب، دوشنبه کونی اسرائیل‌نینگ شمالی حدودلری تامان آتیلگنینی اېتگن. گزارش گه کوره، بو راکته‌لر عاقبتیده بیر باله شامل ییتّی کیشی یره‌لنگن.
لندن پولیسی، بو واقعه‌نی «زوره‌وانلیک» دیه اته‌گن. واقعه گه دایر تېکشیریش‌لر باشلنگن و یره‌دارلر کسلخانه گه آلیب باریلیب و اولرنینگ احوالی قانیقرلی دییلگن. بوندن آلدین، لندن خوفسیزلیک کوچلری، اۉرته طرزده لندن سرکلریده‌گی آدملردن هر کونی بیر قورال تاپیلیشینی اېتگن اېدی.
فلسطین ساغلیق‌نی سقلش رسمی‌لری، اسرائیل اردوسی‌نینگ غزه گه هجوملری عاقبتیده چمه‌سی ۴۴ کیشی هلاک بولیب و باشقه اونلب کیشی یره‌لنگن.
اسلام امیرلیگی سۉزلاوچیسی ذبیح‌الله مجاهد، منفعت‌لری بیر مستقل مملکتلر تامانیدن افغانستان اطرافیده امنیتی کمربند قوریلیشی ریجه‌دن قۉللب-قوتلش بیانات‌لری گه مناسبت بیلدیریب، افغانستان تینچ دیر و بو ریجه هېچ نیاز اېمس‌لیگینی بیلدیرگن.
پاکستان یېتکرمه‌لری، اوشبو مملکت‌نینگ بلوچستان ایالتیده پارتلش عاقبتیده چمه‌سی ۲۱ کیشی هلاک بولیب و باشقه ۳۰ دن آرتیق کیشی یره‌لنگنینی معلوم قیلگنلر. اوشبو واقعه بوگون (۱۹عقرب/ ۹-نومبر، شنبه) بلوچستان ایالتیده کویته تیمیر یولی بیکتی یقینیده یوز بیرگن. «جیونیوز» گه کوره، دستلبکی معلوماتلر اساسیده واقعه تیمیر یولی بیکتی یقینیده یوز بیرگن.
بیرلشگن ملتلر تشکیلاتی‌نینگ انسان حقلری اداره‌سی، اسرائیل اردوسی‌نینگ هجوملری طفیلی غزه‌ده قربان بولگنلرنینگ ۷۰ فایزینی عیاللر و باله‌لر تشکیل بیریشینی اېتگن. بو نهاد، ترقه‌تگن گزارشیده چمه‌سی ۸۰ فایز قربانلر یشش اوی‌لر و بنالرده هلاک بولگنلرینی معلوم قیلگن. گزارش اساسیده، غزه‌ده قربان بولگنلرنینگ کوپینچه‌سی بیش یاش‌دن توقیز یاشر بولگنلر.
حزب‌الله لبنان، اونلب راکته اسرائیل‌نینگ شمالی حدودلری تامان آتگن. اسرائیل یېتکرمه‌لری، ۱۸-عقرب، جمعه کونی حزب‌الله لبنان اونلب راکته آرقه‌لی اوشبو مملکت شمالی حدودلرینی نشانگه آلگنیدن خبر بیرگنلر. معلوماتلر گه بناً، حزب‌الله بیر کون ایچیده چمه‌سی ۳۰ راکته اسرائیل تامان آتگن. حزب‌الله تامانیدن اسرائیل گه آتیلگن راکته‌لر آره‌سیده اوشبو مملکت‌نینگ شمالی حدودلری «حیفا» فضاسیده اوچووچی‌سیز اوچاق کوریلگن.
لبنان ساغلیق‌نی سقلش وزیرلیگی، بو مملکت‌نینگ تورلی حدودلریده اسرائیل اردوسی‌نینگ هجوملری عاقبتیده چمه‌سی ۴۰ کیشی قربان بولیب و باشقه ۵۳ کیشی یره‌لنگنینی اېتگن. رویترز آژانسی، ۱۶-عقرب، چهارشنبه کونی اسرائیل اردوسی «بقاع» دره‌سیده «بعلبک» شهریده هجوم قیلگنینی معلوم قیلگن.
اسرائیل اردوسی‌نینگ غزه ایریم حدودلریده هجوملری عاقبتیده چمه‌سی ۳۳ کیشی قربان بولیب و باشقه اونلب کیشی یره‌لنگن.
اسرائیل اردوسی، سوریه پایتختی دمشق‌ده حزب‌الله لبنان و ایران سپاه‌پاسداران‌نینگ قرارگاهینی نشانگه آلگن. رویترز، ۱۴-عقرب، دوشنبه کونی ترقه‌تگن گزارشیده، اسرائیل اردوسی دمشق شهری جنوبی حدودلریده حزب‌الله لبنان و سپاه پاسداران اعضالری‌نینگ قرارگاهینی نشانگه آلگنینی اېتگن. معلوماتلر اساسیده، اوشبو هجوم عاقبتیده ایکّی کیشی هلاک بولیب و باشقه بیش کیشی یره‌لنگن.
ایران اسلامی جمهوریتی، بو مرته کوچلی‌راق قوراللر بیلن اسرائیل گه هجوم قیلیشی ممکن. وال‌استریت ژورنال بوگون (۱۴-عقرب، دوشنبه) اۉز منبعلری گه تیه‌نیب، ایران اسلامی جمهوریتی بو مرته مرکب و کوچلی قوراللر بیلن اسرائیل گه هجوم قیلیشینی اېتگن. ایران نینگ مذهبی لیدری سیدعلی خامنه‌ای سۉنگی بیاناتلریده، اسرائیل نینگ بو مملکت گه اویوشتیرگن هجومی گه جواب قیتیریشی حقیده آگاه‌لنتیرگن.
بیرلشگن ملتلر تشکیلاتی نینگ باله‌لرنی قۉللب-قوتلاوچی صندیغی (یونیسف) سۉنگی ۴۸ ساعت ایچیده اسرائیل اردوسی نینگ غزه گه هجوملری عاقبتیده ۵۰ دن کوپراق باله قربان بولگنینی اېتگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
