خلقارا یېتکرمهلر، جاپان و جنوبی کوریا رسمیلریدن نقل قیلیب شمالی کوریا یېنه بیر مرته ییتّی بالستیک موشک آتگنیدن خبر بیرگنلر. رویترز یېتکرمهسی، بوگون (۵-نومبر/۱۵-عقرب، سهشنبه) جنوبی کوریا اردوسینینگ قۉشمه ستادی دن نقل قیلیب یازیشیچه، پیونگیانگ قیسقه مسافهلی ییتّی بالستیک موشکنی کوریا آرالی شرقی دینگیزی تامان آتگن.
اسرائیل اردوسینینگ غزه ایریم حدودلریده هجوملری عاقبتیده چمهسی ۳۳ کیشی قربان بولیب و باشقه اونلب کیشی یرهلنگن.
ایران جمهور باشلیغی مسعود پزشکیان، بیرلشگن ملتلر تشکیلاتینینگ اقلیم اۉزگریشی ییغیلیشیده اشتراک اېتیش اوچون کېلهسی هفته آذربایجان گه سفر قیلیشی کوتیلهدی. ایران یېتکرمهلری، ۱۴-عقرب، دوشنبه کونی اوشبو مملکت جمهور باشلیغی مسعود پزشکیان کېلهسی هفته بیرلشگن ملتلر تشکیلاتینینگ «کاپ ۲۹» آتیده اقلیم اۉزگریشی ییغیلیشیده اشتراک اېتیش اوچون باکو گه سفر قیلیشینی اېتگنلر.
اسرائیل اردوسی، سوریه پایتختی دمشقده حزبالله لبنان و ایران سپاهپاسداراننینگ قرارگاهینی نشانگه آلگن. رویترز، ۱۴-عقرب، دوشنبه کونی ترقهتگن گزارشیده، اسرائیل اردوسی دمشق شهری جنوبی حدودلریده حزبالله لبنان و سپاه پاسداران اعضالرینینگ قرارگاهینی نشانگه آلگنینی اېتگن. معلوماتلر اساسیده، اوشبو هجوم عاقبتیده ایکّی کیشی هلاک بولیب و باشقه بیش کیشی یرهلنگن.
پاکستان تشقی ایشلر وزیرلیگی بیر بیانیه ترقهتیب، ایران تشقی ایشلر وزیری سیدعباس عراقچی، بوگون (۱۴-عقرب، دوشنبه)، پاکستان پایتختی اسلامآباد گه سفر قیلیشینی اېتگن. ایران تشقی ایشلر وزیری صفتیده بو سیدعباس عراقچی نینگ پاکستان گه بیرینچی سفری دییلگن. ایران تشقی ایشلر وزیری اۉرته شرق وضعیتی و ایکّی تامانلمه مناسبتلر خصوصیده صحبت قیلیش مقصد پاکستان گه سفر قیلهدی.
ایران اسلامی جمهوریتی، بو مرته کوچلیراق قوراللر بیلن اسرائیل گه هجوم قیلیشی ممکن. والاستریت ژورنال بوگون (۱۴-عقرب، دوشنبه) اۉز منبعلری گه تیهنیب، ایران اسلامی جمهوریتی بو مرته مرکب و کوچلی قوراللر بیلن اسرائیل گه هجوم قیلیشینی اېتگن. ایران نینگ مذهبی لیدری سیدعلی خامنهای سۉنگی بیاناتلریده، اسرائیل نینگ بو مملکت گه اویوشتیرگن هجومی گه جواب قیتیریشی حقیده آگاهلنتیرگن.
افغانستان سرپرست حکومت ایچکی ایشلر وزیرلیگی سۉزلاوچیسی عبدالمتین قانع، بوگون (۱۳-عقرب، یکشنبه) ایکس صحیفهسیده، بدخشانده موترسایکل بیلن تأمینلنگن ۱۰۰کیشیلیک امنیتی بیر گروه فعالیت گه باشلهگنیدن خبر بیرگن.
سرپرست حکومت ترانسپورت و هوا یوللری وزیرلیگی، اوشبو وزیرلیک نینگ هوا قونالغهلری و هواشناسلیک عمومی باشلیغی عبدالستار غروال باشچیلیگیده بیر هیئت اۉزبېکستانگه سفر قیلگنیدن خبر بیرگن. اوشبو وزیرلیک نینگ کوپهیتیریشیچه، بوگون (۱۳-عقرب، یکشنبه) ترانسپورت و هوا یوللری وزیرلیگی نینگ هیئتی اۉزبېکستان هواشناسلیک ییغیلیشیده اشتراک اېتیش مقصدیده بو مملکت گه سفر قیلگن.
بیرلشگن ملتلر تشکیلاتی نینگ بالهلرنی قۉللب-قوتلاوچی صندیغی (یونیسف) سۉنگی ۴۸ ساعت ایچیده اسرائیل اردوسی نینگ غزه گه هجوملری عاقبتیده ۵۰ دن کوپراق باله قربان بولگنینی اېتگن.
حزبالله لبنان، اسرائیل نینگ حربی بیر مرکزینی راکته بیلن نشانگه آلگنیدن خبر بیرگن. رویترز آژانسی، حزبالله لبنان ۱۲-عقرب، شنبه کونی اسرائیل پایتختی تلآویو حدودلریده بو مملکت نینگ حربی بیر مرکزینی نشانگه آلگنینی معلوم قیلگن. معلوماتلر اساسیده، حزبالله لبنان نینگ اسرائیل گه راکته هجومی عاقبتیده ۱۱ کیشی یرهلنگن. حزبالله، نیچه راکته و اوچووچیسیز اوچاق بیلن اسرائیل شمالیده حربی مرکزلرنی نشانگه آلگنینی اېتگن.
تخار ولایتی معلومات و مدنیت ریاستی تامانیدن اوشبو ولایت مرکزی تالقان شهریده صنعت اثرلری و قول صناعتی ترقیاتی و ایچکی تولیدلرنی قۉللب-قوتلش مقصدیده بیر کونلیک کورگزمه اۉتکزیلدی.
اسلام امیرلیگی سۉزلاوچیسی ذبیحالله مجاهد، ۱۰-عقرب، پنجشنبه کونی ایکس صحیفهسیده بیر بیانیه ترقهتیب، اسلام امیرلیگی هیئتی قزاقستان گه قیلگن سفری دایرهسیده اوشبو مملکت رسمیلری بیلن تورلی ساحهلر اینیقسه قزاقستان یولی آرقهلی افغانستان، چین و باشقه مملکتلر بیلن آلیش-بیریش قیلیشی خصوصیده شرطنامه امضالهگنیدن خبر بیرگن.
روسیه مدافعه وزیرلیگی، اوشبو مملکت اردوسی اوکراین شرقی حدودلریده دونتسکنینگ یاسنایا پلیانا منطقهسینی باسیب آلگنیدن خبر بیرگن. تاس آژانسی ۱۰-عقرب، پنجشنبه کونی روسیه مدافعه وزیرلیگیدن نقل قیلیب اوشبو مملکت اردوسی یاسنایا پلیانا منطقهسینی باسیب آلگنینی معلوم قیلگن.
افغانستان نینگ بیجینگ دهگی ایلچیخانهسی بوگون (۱۰-عقرب، پنجشنبه) ایکس صحیفهسیده بیر بیانیه ترقهتیب، سوداگرلیک توار یوکلنگن تیمیر یول، چین نینگ جیانگسو ولایتی نانتونگ شهریدن افغانستان تامان یوللنگنینی معلوم قیلگن.
اوشبو وزیرلیک ۹-عقرب، پنجشنبه کونی ایکس صحیفهسیده بیر بیانیه ترقهتیب، سوو و برق وزیرلیگی سرپرستی عبداللطیف منصور، افغانستانده تورلی منبعلردن برق ایشلب چیقریش لایحهلر اوستیگه سرمایه یاتقیزیش اوچون، چین دونگ فونگ پاور شرکتی مسئولی ژیا بیلن همکارلیک شرطنامه امضالهگنیدن خبر بیرگن.
مملکت ساغلیقنی سقلش وزیرلیگی سۉزلاوچیسی شرافت زمان امرخیل گه کوره، بوگون (۷-عقرب، دوشنبه) کابل، قندهار، ارزگان، زابل، فراه، ننگرهار، لغمان، کنر، نورستان و باشقه بیرقطار ولایتلر همده جنوب، جنوبشرق، شرق، غرب و شمالشرق حدودلرده پولیو گه قرشی ایملش ملی فرعی کمپاین یولگه قوییلگن.
