احصائیه و معلومات ملی ادارهسینینگ اعلام قیلیشیچه، چیت ایلدهگی افغانستان یشاوچیلریگه کیملیک ترقهتیلیش قیمتی کمهیگن. اوشبو اداره، بوگون (۱-میزان، سهشنبه)، بیر بیانیه آرقهلی اکس صحیفهسیده یازیشیچه، بو اقدام چیت ایلدهگی افغانستان یشاوچیلریگه آسایشتهلیک یرهتیلیشی مقصد آلینگن.
سوریهنینگ وقتینچهلیک جمهور باشلیغی احمد الشرع، امریکا تشقی ایشلر وزیری مارکو روبیو بیلن اوچرهشیب، ترورچیلیککه قرشی کورهش و سوریه ده یوقالگن امریکا یشاوچیلری تقدیری توغریسیده صحبت قیلگنلر.
فرانسه، آندورا، بلجیم، لوکزامبورگ، مالت و موناکو رسمی شکلده فلسطین دولتینی تن آلگنلر. فرانسه جمهور باشلیغی امانوئل مکرون، بیرلشگن ملتلر تشکیلاتینینگ عمومی مجمع ییغیلیشیدهگی نطقیده، ایکی دولتلی ییچیمگه تاکیدلب و ایتیشیچه: «ایکی دولتلی ییچیمنی عملگه آشیریش امکانیتینی سقلب قالیش اوچون قولیمیزدن کیلگن برچه ایشنی قیلیش، زمهمیزدهگی مسئولیت دیر. بوگون فرانسه آرقهلی فلسطین دولتینینگ تن آلینیشینی اعلام قیلهمن.»
بیرلشگن ملتلر تشکیلاتی باشکاتبی آنتونیو گوترشنینگ ایتیشیچه، اسرائیل و فلسطین اورتهسیدهگی اوروش، اخلاق، حقوق و سیاسی نقطهی نظریدن قبول بولمهگن بیر نرسه دیر.
لبنان ساغلیقنی سقلش وزیرلیگینینگ اعلام قیلیشیچه، اوشبو مملکت جنوبیگه اسرائیلنینگ اوتگن کونی اویوشتیرگن هوا هجومی نتیجهسیده، اوچ باله شامل کمیده بیش کیشی قربان بولگن.
اسلام امیرلیگی ترانسپورت و هوا یوللری وزیرلیگی، بلخ خلقارا هوا قونالغهسیده ۸۸ میلیون افغانیلیک «کوتیش» سالونی و ترانسپورت واسطهلری «بیکتی»نینگ قوریلیش ایشی باشلنگنینی معلوم قیلدی.
قطر، فلسطین دولتینینگ بریتانیا، کانادا، آسترالیا و پرتگال آرقهلی تن آلینگنیدن خورسندلیک قیلیب و باشقه مملکتلردن بو کبی اقدام بیلن خلقارا قانون-قاعده گه صادقلیکلرینینگ کورسهتیشلرینی ایستهگن.
گزارشده، اوشبو کیشیلر آرهسیدن ۴۰۴ نفری ایران و اسرائیل اورتهسیده اوروش باشلنگنیدن سۉنگ دار گه آسیلگن. ههنگاو معلوماتلری شونی کورستهدی که، بو ایکی مملکت اورتهسیده اوروش باشلنگنیدن بیری ایرانده دار گه آسیش رقمی ۴۰ فایز آشگن. مذکور تشکیلات گه کوره، سۉنگی ایکی دههده بو رقم مثلسیز بولیب و اوشبو مدت دوامیده هېچ قچان دار گه آسیش رقمی بیر مینگ کیشی گه یېتمهگن اېدی.
بریتانیا، کانادا و آسترالیا باش وزیرلری، اوشبو مملکتلر ۳۰-سنبله، یکشنبه کوندن باشلب فلسطیننی دولت صفتیده رسمی تن آلگنلرینی اعلان قیلدیلر. بریتانیا باش وزیری کییر استارمر شوندهی دیېدی: «بوگون، فلسطینلیکلر و اسرائیللیکلر اوچون تینچلیک امیدی قیته جانلنیشی و ایکی مملکتلی ییچیم یولی اوچون، بریتانیا رسمی طرزده فلسطیننی دولت صفتیده تن آلهدی.»
فواید عامه وزیرلیگی سۉنگی بیر هفته ایچیده افغانستان تیمیر یوللری آرقهلی ۹۵ مینگ ۳۶۹ متریک تُن توار آلیش-بیریش بولگنینی معلوم قیلدی.
امریکا جمهور باشلیغی دونالد ترامپنینگ بو مملکت گه بگرام قرارگاهی تاپشیریلمسلیگی عاقبتلری توغریسیده آگاهلنتیریشیدن کیین، اسلام امیرلیگینینگ اعلام قیلیشیچه، امریکا دوحه بیتیمیدهگی تعهدلریگه توختهب، افغانستان برابریده زور و تهدیددن فایدهلنمسلیگی کیرهک.
اسلام امیرلیگی حربی ستاد باشلیغی فصیحالدین فطرتنینگ ایتیشیچه، بگرام قرارگاهی بوییچه هیچ قندهی معامله افغانستان اوچون قبول بولهدیگن بیر نرسه ایمس. او، بو موضوعنی کابل ده هوا کوچلری بیلیم یورتیدهگی پیلوتلرنینگ فراغت مراسمیده بیان قیلیب و کوپهیتیریشیچه…
امریکا جمهور باشلیغی دونالد ترامپنینگ ایتیشیچه، افغانستان بگرام قرارگاهی نظارتینینگ قیتهریشگه راضی بولمهگنی صورتده، «یامان واقعهلر» یوز بیریشی ممکن.
فلسطین ده ساغلیقنی سقلش منبعلرنینگ اعلام قیلیشیچه، اسرائیل آرقهلی نوار غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۹۱ کیشی اولیب و اونلب کیشی یرهلنگن.
مکسیکو ساغلیقنی سقلش وزیرلیگینینگ اعلام قیلیشیچه، اوشبو مملکت پایتختیده گاز تانکری پارتلهگنی نتیجهسیده، ۲۵ کیشی اولگن. ۵۰ مینگ لیتر گازی بولگن اوشبو تانکر، بیر دیوار بیلن توقنشیب و چپه بولگنیدن کیین پارتلهگن. شونینگدیک پارتلشنینگ کوچلی بولگنی سبب، قریب ۳۰ موتر هم آلاو آلگن.
افغانستان اوچون امریکانینگ سابق مخصوص نمایندهسی زلمی خلیلزادگه کوره، اسلام امیرلیگی و امریکا، مناسبتلرینی مستحکملشدن فایدهلنیشلری ممکن.
