اسلام امیرلیگی مالیه وزیرلیگی، بوگون دن (۲۰-دلو، دوشنبه)، باشلب پاکستان دن دارو وارد بولیشینینگ بوتونلی تقیقلنگنینی معلوم قیلگن. مالیه وزیرلیگی سوزلاچیسی عبدالقیوم نصیرنینگ ایتیشیچه، باجخانهلردن برچهسیده قاچاقی دارو و باشقه توارلر وارد بولیشی آلدی آلینهدی.
اوکراین رسمیلرینینگ اعلام قیلیشیچه، روسیه آرقهلی بو مملکت گه اویوشتیریلگن اینگ ینگی هجوملرده، بیر کیشی اولیب و ایکی کیشی یرهلنگن.
ایران، بو مملکت «سیاسی و اجتماعی ترتیبینی بوزیشگه اورینیش» همده امریکا و اسرائیل گه همکارلیک قیلیش عیبی بیلن تورت سیاستچینی قولگه آلگن.
افغانستان مرکزی بانکی، مملکت غرب حدودلریدن ییغیلگن ۵۳۷ میلیون ۷۴۷ مینگ افغانی ایسکیرگن پول آلاو بیریلگنینی معلوم قیلدی. اوشبو بانک، ۱۹ دلو / ۸ فبروری، یکشنبه کونی بیر بیانیه ترقهتیب، اوشبو مقدار پول هرات ولایتیده هیئتلر اشتراکی بیلن آلاو بیریلگنینی بیلدیردی. افغانستان مرکزی بانکی، آلاو بیریلگن بو مقدار پول ۱، ۲، ۵، ۱۰، ۲۰، ۵۰، ۱۰۰، ۵۰۰ و ۱۰۰۰ افغانیدن عبارت ایکنلیگینی قوشیمچه قیلگن.
چین دولت ییتکرمهلری، بوگون (۱۹ دلو/۸ فبروری، یکشنبه) اوشبو مملکت شمالی حدودلری بیوتیکنولوژی کیچیک کمپنیهده یوز بیرگن پارتلشده ۸ کیشی اولگنینی معلوم قیلگنلر.
اسلام امیرلیگی باش وزیرینینگ اقتصادی اورین باسرلیگی، افغانستانده چیت ایللیک سرمایه کیریتوچیلر گه بیر دن ۱۰ ییلگچه یشش ایزینی بیریلیشینی بیلدیردی. اوشبو اداره، ۱۸ دلو / ۷ فبروری، شنبه کونی ایکس صحیفهسیده بیر بیانیه ترقهتیب، اسلام امیرلیگی باش وزیرینینگ اقتصادی اورین باسری عبدالغنی برادر باشچیلیگیده، اوتگن کونگی اقتصادی کمیسیون ییغیلیشیده بوندهی قرار قبول قیلینگنینی بیلدیردی.
اسلام امیرلیگی تشقی ایشلر وزیرلیگینینگ اعلام قیلیشیچه، افغانستانلیک ۱۴ محبوس آذربایجان قماقخانهلریدن قوییب یوباریلگن.
ایران رسمیلری، امریکا بیلن مذاکرهلرنینگ اینگ ینگی دورینی «یخشی باشلنغیچ» دیب و شونینگدیک امریکا جمهور باشلیغی دونالد ترامپ هم، بو جریاننینگ «جوده یخشی» شکلده بولیب اوتگنینی بیان قیلگن. ایران تشقی ایشلر وزیری سیدعباس عراقچینینگ ایتیشیچه، «پایتخت بیلن مصلحت بولیشدن» سونگ، مذاکرهلرنینگ کیینگی دورهلری حقیده قرار آلینیشی ممکن.
اوکراین شرقی و جنوبی بولیملریگه روسیهنینگ هوا و پهپادی هجوملری، حاضرگچه دوام قیلیب و ینگی موردده، بیر کیشی اولیب و کمیده ۱۰ کیشی یرهلنگن.
اسلام امیرلیگی ملی مدافعه وزیرلیگی، پاکستاننینگ بو مملکتده یوز بیرگن سونگی پارتلشنی افغانستان گه نسبت بیرگنی توغریسیدهگی بیاناتینی، مسئولیتسیز و اساسسیز دیب اتهگن. اوشبو وزیرلیک سوزلاوچیسی عنایتالله خوارزمی، اوتگن کون کیچ قورون (۱۷-دلو، جمعه)، اکس صحیفهسیده یازیشیچه…
عمان پایتختی مسقط شهریده بوگون (۱۷-دلو/ ۶-فبروری، جمعه)، ایران و امریکا وکیللری آرهسیدهگی نامستقیم مذاکرهلری باشلنگن.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن ۴ مینگ ۱۹۷ افغانستانلیک قاچقین چیقریلگن.
اوزبیکستان جمهور باشلیغی شوکت میرضیایف، پاکستان گه قیلگن سفری دایرهسیده بو مملکت عملدارلری بیلن تورلی ساحهلر اینیقسه بویوک بابریلر سُلالهسینینگ علمی-معرفی، مدنی و معماری میراثینی اسرهش، اورگهنیش همده کینگ ترغیب قیلیش توغریسیده بیتیم امضالهدی.
اوزبیکستان جمهور باشلیغی شوکت میرضیایف، رسمی تکلیف بیلن پاکستان گه جونب کیتدی. اوشبو مملکت جمهورلیک ریاستی، بوگون (۱۶ دلو / ۵ فبروری، پنجشنبه) بیر بیانیه ترقهتیب بو حقده خبر بیردی. بیانیه گه کوره، میرضیایف جنابلری، پاکستان باش وزیری شهباز شریفنینگ تکلیفی گه بناً بوگون رسمی تشریف بیلن اوشبو مملکت گه جونب کیتگن.
اسلام امیرلیگی ایکینچیلیک، سووغاریش و چاروهچیلیک وزیرلیگی، قویاش ۱۴۰۴ ییل دوامیده، مملکت مقیاسیده ۱۵۸ مینگ ۲۰۵ متریک تُن «پخته» ییتیشتیریلگنینی بیلدیردی.
ایران تشقی ایشلر وزیری سیدعباس عراقچی، اوشبو مملکت و امریکا اورتهسیده هسته مذاکرهلری ایرته (۱۷ دلو / ۶ فبروری، جمعه) تورکیه اورنیده عمان پایتختی مسقطده اوتکزیلیشینی بیلدیردی. عباس عراقچی، اوتگن کون ایکس صحیفهسیده بیر بیانیه ترقهتیب بو حقده خبر بیردی. ایران تشقی ایشلر وزیری، اوز بیاناتیده، عمان عملدارلریگه «ضرور برچه شرایطلرنی یرهتیب بیرگنلری» اوچون منتدارلیک بیلدیرگن.
