ایکینچیلیک، چاروهچیلیک و سوغاریش وزیرلیگی بوگون (چهارشنبه، ۱۵ سنبله)، اوز تویتری ده، اوشبو وزیرلیک سرپرستی اوز دفتری ده افغانستان ده تیکا باشلیغی بیلن اوچرهشگنیدن خبر بیرگن.
امتحانلر ملی ادارهسی، دوشنبه کونی، ۱۳ سنبله، یالغیز ییگیتلر حضوری بولگن اوشبو ییل کانکور سیناوی نتیجهسینی اعلام قیلدی.
سرپل ولایتی شهرلرنی رواجلنتیریش و قیته قوریش ریاستی مسئوللری نینگ ایتیشلریچه، اوشبو ولایت ده «معلملر شهرچهسی» نینگ قوریلیش عملی ایشی باشلنگن. مسئوللر گه کوره، مذکور شهرچه سرپل مرکزی ده ۱۵۰ جریب ییرده قوریلهدی.
جوزجان محلی مسئوللری گه کوره، اوشبو ولایت کانلر ریاستی درآمدلری آشگن.
اوتگن هفته افغانی پول برابری ده امریکالیک دالر نرخی مثلی کوریلمهگن درجه ده پس توشدی و حتا امریکالیک بیر دالر ۷۳ افغانی گچه المشتیریلدی. لیکن بوگون (یکشنبه، ۱۲ سنبله)، افغانی پول برابری ده دالر نرخی قیته دن کوتاریلیب و ۷۸ افغانی گچه المشتیریلگن.
ملی مدافعه وزیرلیگی بوگون (یکشنبه، ۱۲ سنبله) اوز تویتری ده، اوشبو وزیرلیک سرپرستی تورکیه ایلچیسی بیلن اوچرهشگنیدن خبر بیرگن.
لوگر امنیه قوماندانلیگی رسمیلری، اوشبو ولایت مرکزی پلعلم شهری حدودلری و چرخ تومنیده علحیده ایکی واقعه ده بیر عیال شامل اوچ کیشی هلاک بولگنینی تصدیقلهگنلر.
افغانستان تیمیر یولی ادارهسی، بوگون (یکشنبه، ۱۲ سنبله)، اوز تویتری ده، بیر هفته ایچیده تیمیر یولی آرقهلی ۶۶ مینگ ۷۶۹ متریک تُن سوداگرلیک توار، صادر و وارد بولگنیدن خبر بیرگن.
جوزجان ولایتی پاسپورت ریاستی رسمیلری، اوتگن ییل گه نسبتن مذکور ولایت پاسپورت ریاستی درآمدی اوچ برابر کوپهیگنینی معلوم قیلگنلر.
صناعت و سوداگرلیک وزیرلیگی مسئوللری نینگ ایتیشلریچه، ۱۴۰۱-ییل ده ۵۱۷ میلیون دالرلیک ایکینچیلیک محصولات چیت ایل مملکتلر گه صادر ایتیلگن.
سرپل ولایتی خوفسیزلیک رسمیلری، پنجشنبه کونی، ۹ سنبله، توش دن کیین اوشبو ولایت نینگ صیاد تومنی ده هاوان اوقی پارتلشی عاقبتیده بیر باله هلاک بولگنیدن خبر بیرگنلر.
اسلام امیرلیگی ییریک رسمیلری، مملکت نینگ ییتتی بویوک کانی جمله دن تخار آلتینی کانی، ایکینچی مس عینکی، سرب کانی ایکینچی بلاکی، غور جستی و هرات ولایتی غوریان کانلرینی قازیب چیقریش و پروسس قیلیش قراردادینی امضالهدی.
سلاموطندار نینگ ۲۲ ایشچی قیز بیلن اوتکزگن صحبتی اساسیده، اوشبو قیزلر اقتصادی قیینچیلیک و عایله ده سرپرست یوقلیگی باعث، کابل شهری سرکلریده شاقه ایشلر گه یوز کیلتیریش گه مجبور بولگنلر. مذکور قیزلر نینگ ایتیشلریچه، سرپرست حکومت کوچلری تامانیدن بایومتریک بولیشگن؛ بیراق اولر گه حاضرگچه یاردم کورسه تیلمهگن.
فواید عامه وزیرلیگی مسئوللری، بوگون (چهارشنبه، ۸ سنبله)، سالنگ عمومی قتناو یولی ایکی آی گچه یاپیلیشیدن خبر بیرگنلر.
سرپرست حکومت ایچکی ایشلر وزیرلیگی تخمیناً بیر ییل آلدین کابل شهری اهالیسی اینیقسه یوقاری قووتلی بنالر ایگهلریدن، بنالری گه خوفسیزلیک کمره قوندیریشلرینی طلب قیلگن ایدی.
اسلام امیرلیگی تشقی ایشلر وزیرلیگی سوزلاوچیسی نینگ اورین باسری ضیااحمد تکل، بوگون (چهارشنبه، ۸ سنبله)، اوز تویتری ده، افغانستانلیک ۷۵ محبوس، پاکستان نینگ سند ایالتی قماقخانهلریدن قوییب یوباریلگنیدن خبر بیرگن.
