۳۵ ییل آلدین ۲۶-دلو ده، سابق ساویت اتفاقی قوشینلری، افغانستان ده ۱۰ ییل حضوری دن سونگ بو مملکت نی ترک قیلیب و افغانستان دن اینگ سونگی عسکرینی آلیب چیقردی. سابق ساویت نینگ اینگی سونگی عسکری افغانستان چیگرهسیدن اوتیشی بیلن، افغانستان تاریخی ده اینگ قانلی واقعهلردن بیری گه چیک قوییلدی.
افغانستان اوچون ایران ایلچیسی و مخصوص وکیلی حسن کاظمی قمی، «منطقهای تماس» گروهی یولی گه اعتبار بیریلیب و همکارلیک یولی ایزلنسه، افغانستان ده دایمی ثبات برقرار ایتیلیشینی معلوم قیلگن.
فراه قیشلاقلرنی رواجلنتیریش و قیته قوریش ریاستی نینگ ییتکیرمهلر مسئولی محمد محمدی گه کوره، اوشبو ولایت ده ییتّی میلیون ۶۸۰ مینگ افغانیلیک بیر سوو ییتکیزیش شبکه قوریلگن.
سرپرست حکومت ایش و اجتماعی ایشلر وزیرلیگی، ۲۶-دلو، سابق ساویت اتفاقی قوشینلری افغانستان دن چیقیشی اوچون مملکت بویلب عمومی رخصتی اعلام قیلگن. ایش و اجتماعی ایشلر وزیرلیگی اوتگن کون ایکس اجتماعی ترماغی ده بیر مکتوب ترقهتیب، ایرته ۲۶-دلو پنجشنبه کونی، سابق ساویت اتفاقی قوشینلری افغانستان دن چیقیشی مناسبتی بیلن عمومی رخصتی دیب یازگن.
اسلام امیرلیگی افغانستان ده قرارگاهلرینی یوق قیلگنینی دعوا قیلهیاتگن اسلامی دولت یا که داعش گروهی نینگ خراسان بولیمی، حاضر هم افغانستان خصوصیده دنیا نینگ تشویشلریدن بیری سنلهدی.
نیمروز محلی مسئوللری، اوشبو ولایت مرکزی زرنج شهری ده لوحهلرنی اصلاح قیلیش عملی ایشی باشلنگنیدن خبر بیرگنلر.
غزنی ایکینچیلیک، سوغاریش و چاروهچیلیک رسمیلری، اوشبو ولایت ده آلتی یریم میلیون افغانیلیک اوچ کیچیک سوو توغانی قوریلگنینی معلوم قیلهدیلر.
اویلنیش اوچون ینگیلیکده تورکیه دن کیلگن ییگیت، تخار ولایتی دشتقلعه تومنی ده ناتانیش کیشیلر تامانیدن اولدیریلگن.
امریکا، بریتانیا و تورکیه بوندن آلدین افغانستان ده حربی فعالیتلردن حمایت قیلمسلیکلرینی ایتگنلر. اسلام امیرلیگی گه کوره، کابل ده تورکیه ایلچیسی میلادی اوشبو ییل ۱۸ جنوری سرپرست حکومت باش وزیرلیگی نینگ سیاسی اورین باسری محمد عبدالکبیر بیلن ملاقاتیده، مملکتی سرپرست حکومت مخالفلری گه سیاسی فعالیت قیلیش گه اجازه بیرمسلیگیدن ایشانچ بیرگندی. لیکن تورکیه دولتی بو سوزلرنی رسمی شکلده تصدیقلمهگن.
ایچکی ایشلر وزیرلیگی سوزلاوچیسی عبدالمتین قانع گه کوره، گوانتانامو قماقخانهسیدن قوییب یوباریلیب و عمان ده نظارت آستیده بولگن افغانستانلیک اوشبو ایکّی فقرا، بوگون (دوشنبه، ۲۳-دلو) کابل گه ییتیب کیلگنلر.
اسرائیل حربی کوچلری گه کوره، بوگون (دوشنبه، ۲۳-دلو)، بامداد چاغی رفح ده «شابوره» منطقهسیده حماس گروهی گه عاید مهم مرکزلر نشانگه آلینگنینی بیلدیرگن.
ایران خوفسیزلیک رسمیلری، اوشبو مملکت نینگ افغانستان بیلن چیگره چیزیغینی یاپیش ایشی دوام ایتماقدهلیگیدن خبر بیرگنلر.
تشقی ایشلر وزیرلیگی سوزلاوچیسی عبدالقهار بلخی، ایکس اجتماعی ترماغی ده، روسیه جمهور باشلیغی نینگ اقلیم ایشلری بوییچه مخصوص وکیلی و مصلحتچیسی روسلان عالدگیرییف نینگ افغانستان اسلام امیرلیگی تشقی ایشلر وزیرلیگی سرپرستی امیرخان متقی بیلن اوچرهشگنیدن خبر بیرگن.
کیلهسی بیر هفتهگچه افغانستان وضعیتی گه دایر بیرلشگن ملتلر تشکیلاتی نینگ میزبانلیگی بیلن دوحه ییغیلیشی یولگه قوییلیشی کوتیلهدی؛ بیراق بیرلشگن ملتلر تشکیلاتی تامانیدن اوشبو ییغیلیش ترکیبی و نهایی آجنداسی حقیده ایضاح کیریتیلمهگن. ایشانچلر اساسیده دوحه ییغیلیشی ده افغانستان ده همهشمول حکومت شکللنیشی، افغانستان اوچون بیرلشگن ملتلر تشکیلاتی نینگ مخصوص وکیلی ایتیب تعیینلنیشی و اسلام امیرلیگی تامانیدن انسان حقلری رعایت ایتیلیش مسئلهلری بحث گه آلینهدی.
افغانستان ایشلری بوییچه روسیه نینگ مخصوص وکیلی ضمیر کابلوف، بو مملکت وکیلی دوحه کیلهسی ییغیلیشیده اشتراک ایتیشیدن ایشانچ بیرگن.
پروان امنیه قوماندانلیگی مسئوللری، اوشبو ولایتده اوچ عیال شامل ۱۶ کیشی نینگ تورلی جنایی جرملر عیبی بیلن قولگه آلینگنیدن خبر بیرگنلر.
