ایچکی ایشلر وزیرلیگی سرپرستی سراجالدین حقانی و همراه هیئتی بیرلشگن عرب امیرلیگی رسمیلری بیلن اوچرهشماقده اېکن، ینگیلیکده اسلام امیرلیگی سۉزلاوچیسی ذبیحالله مجاهد ایکس صحیفهسیده، اېریم موردلر اینیقسه اقتصادی ترقیات و خوفسیزلیک ساحهلریده همکارلیک قیلیش خصوصیده ایکّی مملکت کېلیشگنینی یازگن.
سرپرست حکومت ترانسپورت و هوا یوللری وزیرلیگی نینگ هواشناسلیک ریاستی جمعه و شنبه (۱۸ و ۱۹-جوزا کونلری) مملکت نینگ ۱۸ ولایتیده کوچلی یامغیر یاغیب، سوو تاشقینی و بوران یوز بیریش احتمالیدن آگاهلنتیرگن.
امتحانلر ملی ادارهسی، مملکت نینگ ۱۶ ولایتیده کانکور سیناوی رسمی طرزده باشلنگنیدن خبر بیرگن. امتحانلر ملی ادارهسی بوگون (۱۷-جوزا، پنجشنبه) ایکس صحیفهسیده، مملکت نینگ ۱۶ ولایتیده کانکور سیناوی رسمی طرزده باشلنگنینی معلوم قیلگن.
غزه ده اسرائیل حربی کوچلری نینگ آوارهلر توپلنگن مدرسه ده هوا هجومی عاقبتیده ۳۲ کیشی قربان بولگن. الجزیره خبری ترماغی گه کوره، اسرائیل حربی کوچلری بوگون (۱۷-جوزا، پنجشنبه) بامداد چاغی، غزه نینگ نصیرات منطقهسیده بیرلشگن ملتلر تشکیلاتی گه عاید یوزلب فلسطینلیک آواره توپلنگن مدرسهنی نشانگه آلگن.
گزارشلر اساسیده، افغانستان اوچون روسیه جمهور باشلیغی نینگ مخصوص وکیلی ضمیر کابلوف، ۱۵-جوزا، سهشنبه کونی خبری بیر ییغیلیش ده، مسکو افغانستان نینگ شانگهای همکارلیک تشکیلاتی گه اعضا بولیشینی قۉللب-قوتلشینی معلوم قیلگن. کابلوف، افغانستان نینگ شانگهای همکارلیک تشکیلاتی گه اعضا بولیشی، اوشبو مملکت نینگ اقتصادیاتیده نسبی ترتیب کېلیشی گه باغلیق دیگن.
فلسطین مستقل مملکت اولهراق بیرقطار مملکتلر تامانیدن تن آلینگچ، سلوانیا هم بو مملکت نی مستقل مملکت صفتیده تن آلگن. سلوانیا پارلمانی ۱۵-جوزا، سهشنبه کونی کوپ آواز بیلن، فلسطین نی مستقل مملکت صفتیده تن آلینیشنی تصدیقلهگن. سلوانیا پارلمانی وکیللری ۵۲ موافق و هېچ رد آواز بیلن بو موضوع نی تصدیقلهگن. بوندن آلدین ناروی، ایرلند و اسپانیا فلسطین نی مستقل مملکت صفتیده تن آلگن اېدیلر.
غزه مرکزی و جنوبی ده قاچقینلر نینگ ایکّی کمپیده اسرائیل حربی کوچلری نینگ ییر و هوا هجوملری عاقبتیده چمهسی ۱۹ کیشی هلاک بولیب و باشقه اونلب کیشی یرهلنگن. رویترز گه کوره، اسرائیل حربی کوچلری ۱۵-جوزا، سهشنبه کونی غزه مرکزی و جنوبی ده «البریج، المغازی و النصیرات» کمپلریده هجوم اۉیوشتیرگن.
هندوستان باش وزیری نرندرا مودی، اوشبو مملکت نینگ پارلمانی سیلاو غالبی اعلام بولدی. نرندرا مودی اوشبو مملکت نینگ پارلمانی اېنگ کوپ چوکیسینی اېگللش بیلن، سیلاو غالبی اعلام بولگن. هندوستان پارلمانی سیلاو نتیجهسی ۱۶-جوزا، سهشنبه کونی کیچ قورون اعلام بولدی، اوشبو سیلاو گه نرندرا مودی ییتکچیلیگیده دموکراتیک ملی اتحاد حزبی مذکور مملکت پارلمانی نینگ ۵۴۳ چوکیسی دن ۲۹۳ چوکیسینی قولگه کېریتگن.
سرپرست حکومت تشقی ایشلر وزیرلیگی سۉزلاوچیسی عبدالقهار بلخی بوگون (۱۵-جوزا، سهشنبه) ایکس صحیفهسیده بیر بیانیه ترقهتیب، اسلام امیرلیگی قزاقستان تامانیدن تروریستی گروهلر رویخطی دن حذف اېتیلیشینی خوش قرشیلب و اوشبو مملکت نینگ بو گَل حرکتینی ایکّی مملکت اۉرتهسیده مناسبتلر مستحکملنیشی اوچون یخشی آدیم اتهگن.
اوشبو اداره بوگون (۱۴-جوزا، دوشنبه) ایکس صحیفهسیده، ۲.۷ میلیون دالرلیک بو شرطنامه برشنا کمپنیهسی نینگ اجرائیه عمومی باشلیغی محمدحنیف حمزه و چینلیک کمپنیهسی نینگ وکیلی اۉرتهسیده امضالنگنینی معلوم قیلگن. اوشبو شرطنامه اساسیده، چینلیک کمپنیه زمانهوی بیر فاز و اوچ فاز قریب ۱۵۰ مینگ میتر توزهتیب و افغانستان گه یوبارهدی.
اندونیزیا سابق جمهور باشلیغی ا ۉرین باسری و اوشبو مملکت نینگ مسجدلر کینگشی باشلیغی یوسف کالا، مملکتی افغانستان ده تورلی ساحهلر اېنیقسه تعلیم و تربیه همده کانلرنی قازیب چیقریش بولیملریده سرمایه یاتقیزیش گه قیزیقماقدهلیگیدن ایشانچ بیلدیرگن.
چین نینگ کاسمیک کېمهسی ملی ادارهسی (سیاناسای) بوگون (۱۳-جوزا، یکشنبه) اوشبو مملکت نینگ اوچووچیسیز کاسمیک کېمهسی (فضا پیما) بیر آی اول آی تامان گه آتیلگنیدن سۉنگ آی گه یېتیب بارگنیدن خبر بیرگن. مذکور اداره گه کوره، «چانگای-۶» اوچووچیسیز کاسمیک کېمه آی گه یېتیب بارگن و اونینگ وظیفهسی آی اطرافی دهگی توپراق و تاش دن نمونه آلیش دیر.
هرات کانلر و پترولیم ریاستی مسئوللری، اوشبو ولایتده ریگریشنلر شامل ۲۶ کان فعاللیگینی معلوم قیلگنلر. هرات کانلر و پترولیم ریاستی تفتیش آمری عنایتالله امینی گه کوره، بو ولایتده یقینده تورت بویوک کان جمله دن سمنت، غوریان تیمیر کانی بلاکلری، پشتونزرغون تیمیر کانی و تاش کومیر کانی آچیلیشی ممکن.
سۉنگی هفتهلردهگی کوچلی یامغیر و هلاکتلی سوو تاشقینلری طفیلی نقصان کورگنلردن غور ولایتی مرکزی مدرسه قیشلاغی یشاوچیسی فضلالحق زمانی گه کوره، یالغیز ایکینچیلیک آرقهلی عایله اعضالری نینگ احتیاجلرینی تامینلر اېدی لېکن حاضر ایکینچیلیک ییرلری یوق بولیشی بیلن عایله اعضالری آچلیک بیلن دوچ بولیشلریدن خواطر ده دیر.
اوکراین رسمیلری، روسیه حربی کوچلری اوشبو مملکت نینگ بیرقطار منطقهلریده کېنگ کولملی راکته هجوم اویوشتیریب و بیش منطقه ده سوو آست قورمهلری گه نقصان یېتکزگنینی معلوم قیلگنلر.
امریکا قۉشمه ایالتلری نینگ جمهوری باشلیغی جوبایدن، اسرائیل غزه دهگی اوروش گه چېک قوییش و آتیش کېسین برقرار اېتیلیشی اوچون اوچ باسقیچلی تکلیف اۉزهتگنینی معلوم قیلگن. رویترز آژانسی بوگون (۱۲-جوزا، شنبه)، ترقهتگن گزارشیده، بایدن بو سۉزلرنی اۉتگن کون بیان قیلیب و حماس دن بو تکلیف نی قبول قیلیشینی اېستهگنینی بیلدیرگن.
