صناعت و سودا وزیرلیگی بوگون (۲۱-سرطان، پنجشنبه) کابل شهری ده «صادرات ملی کونیدن» نشانلهدی. اوشبو احتفالده صناعت و سودا وزیرلیگی سرپرستی نورالدین عزیزی، افغانستان صادراتی اۉتگن ییللر گه نسبتن ۱۵۰ فایز آشگن و افغانستان نینگ سوداگرلیک توارلری حاضر ۷۰ دن کوپراق مملکت گه صادر بولماقدهلیگینی بیلدیرگن.
مملکت فواید عامه وزیرلیگی مسئوللری، سالنگلر قتناو یولی نینگ قیته قوریش ایشی اوچ بولیمده اوشبو ییل تورت اسد ده باشلنیشیدن خبر بیرهدیلر. فواید عامه وزیرلیگی سۉزلاوچیسی محمداشرف حقشناس نینگ سلاموطندار گه ایتیشیچه، سالنگلر قتناو یولی نینگ قیته قوریش ایشی اوچ بولیمده اوشبو ییل تورت اسد ده باشلنیشی ممکن.
اسرائیل اردوسی، غزه جنوبی ده ییرلشگن خان یونس شهری بوتونلی بوشهتیلیش بویروغینی بیرگن. اسرائیل اردوسی ۲۰-سرطان، چهارشنبه کونی خان یونس شهری فضاسیده بیانیه ترقهتیب، اوشبو شهر بوتونلی بوشهتیلیشنی اېستهگن. مذکور مملکت اردوسی نینگ بیانیهسیده، بو شهر خوفلی ارووش منطقه اولهراق اتهلگن. الجزیره نینگ گزارشی اساسیده، اسرائیل اردوسی غزه جنوبی حدودلریده ینگی هجوم اۉیوشتیریش گه تیارگرلیک کورماقده اېکن، بوندهی بیانیه ترقهتیلگن.
هرات ولایتی ایکینچیلیک، سوغاریش و چاروهچیلیک ریاستی مسئوللری، اوشبو ولایتده هر کونی بیر میلیون دن آرتیق تاووق تخمی ایشلب چیقریلیشینی معلوم قیلهدیلر. هرات ولایتی ایکینچیلیک، سوغاریش و چاروهچیلیک باشلیغی پیرمحمد حلیمی نینگ سلاموطندار گه ایتیشیچه، بو ولایتده ۶۰ دن آرتیق تاووق فارمی قوریلگن اوشبو فارملردن هر کونی بیر میلیون دن آرتیق تخم ایشلب چیقریلهدی.
پاکستان یېتکرمهلری نینگ معلوماتی اساسیده، اوشبو مملکت باش وزیری نینگ اۉرین باسری و تشقی ایشلر وزیری اسحاقدار، کېلهسی کونلرده افغانستان گه سفر قیلیب و اسلام امیرلیگی رسمیلری بیلن اوچرهشووی کوتیلهدی. پاکستان بو عملداری، ۱۹-سرطان، سهشنبه کونی مذکور مملکت سنا کینگشی تشقی ایشلر کمیتهسی ییغیلیشیده کابل گه سفر قیلیشی حقیده خبر بیرگن.
افغانستان مرکزی بانکی، ۸۸۹ میلیون ۹۲۰ مینگ افغانی ایسکیرگن پول آلاو بیریلگنیدن خبر بیرگن. اوشبو بانک ۱۹-سرطان، سهشنبه کونی ایکس صحیفهسیده بیر بیانیه ترقهتیب اوشبو مقدار پول تعیینلنگن هیئت حضوریده آلاو بیریلگنینی معلوم قیلگن. مملکت نینگ بیرقطار ولایتلری اینیقسه کابل شهری ده ایسکیرگن پوللر کوپلیگیدن شکایت بولگن بیرحالده، افغانستان مرکزی بانکی تامانیدن بو مقدار پول آلاو بیریلگن.
ایکینچیلیک، سوغاریش و چاروهچیلیک وزیرلیگی نینگ سوولی ییرلرنی قوریتیش و تیگیسلش رسمیلری، تخار ولایتیده مینگلب جریب سوولی ییر قوریتیلیب و تیگیسلنیشیدن خبر بیرگنلر. ایکینچیلیک وزیرلیگی نینگ سوولی ییرلرنی قوریتیش و تیگیسلش اداره باشلیغی شیرمحمد حاتمی ییتکچیلیگیده اوشبو وزیرلیک هیئتی، بوگون (۱۹-سرطان، سهشنبه) تخار ده سوولی ییرلرنی کوزهتیش مقصدیده بو ولایت گه سفر قیلگن.
مخابرات و تکنالوژی وزیرلیگی، مملکت بویلب مخابراتی ۱۰ میلیون سیم کارت قانونی طرزده ثبت بولگنینی معلوم قیلهدی.
اۉزبېکستان جمهور باشلیغی شوکت میرضیایف، ۱۶-سرطان، شنبه کونی آذربایجان شوشای شهری ده تورک مملکتلری تشکیلاتی ییغیلیشی ده، دنیا نینگ تورلی بورچکلریدهگی کېسکینلیکلر دنیا همجمعیت نینگ افغانستان مسئلهسی گه دایر بیفرق بولیشی گه سبب بولگنینی اېتگن.
هندوستان باش وزیری نرندرا مودی، ایکّی کونلیک رسمی سفر ده اېرته روسیه گه باریشی کوتیلهدی. تاس آژانسی ۱۶-سرطان، شنبه کونی کرملین سۉزلاوچیسی دیمیتری پسکوف دن نقل قیلیب، هندوستان باش وزیری نینگ مسکو رسمیلری بیلن اوچرهشووینی «مهم» دیب اتهگن. مودی جنابلری ۱۸ و ۱۹-سرطان کونلری روسیه گه سفر قیلیشی ممکن دیگن، کرملین سۉزلاوچیسی پسکوف.
اسلام امیرلیگی فواید عامه وزیرلیگی، کابل-قندهار قتناو یولی ایکّی کونگچه یاپیلیشیدن خبر بیرگن. اوشبو وزیرلیک ۱۶-سرطان، شنبه کونی، ایکس صحیفهسیده بیر بیانیه ترقهتیب، کابل-قندهار قتناو یولی میدانوردک ولایتی سیدآباد تومنی «پل شیخآباد» منطقهسیده اسفالت بولیش طفیلی، ایکّی کونگچه ترانسپورت یوزی گه یاپیلیشی ممکن دیب یازگن.
طبیعی آفتلر ایشلری بوییچه دولت وزیرلیگی نینگ ماینلرنی تازهلش ریاستی گه کوره، سۉنگی آلتی آی ایچیده افغانستانده اوروشلردن قالگن ۱۱۱ ماین پارتلشی عاقبتیده ۷۰ کیشی هلاک بولیب و باشقه قریب ۱۸۰ کیشی یرهلنگن. مذکور ریاست باشلیغی نورالدین رستمخیل سلاموطندار بیلن اۉتکزگن صحبتیده، افغانستان نینگ ماین تازهلش بولیمی بودجه تنقیصلیگی و بشری منبع آزلیگی بیلن روپهرهلیگینی اېتهدی.
صناعت و سودا وزیرلیگی بوگون (۱۶-سرطان، شنبه) ایکس صحیفهسیده بیر بیانیه ترقهتیب، اوشبو وزیرلیک سرپرستی نورالدین عزیزی، اۉزبېکستان کانلر و جیولوجی وزیری اسلاماوف بوبیر فرخادویچ بیلن اوچرهشووده، ایکّی مملکت نینگ مناسبتی مستحکملنیشی اینیقسه نفت و مس کانلری اوستیگه سرمایه یاتقیزیش حقیده بحث اېتگنلرینی یازگن.
اسلام امیرلیگی قاچقینلر وزیرلیگی، سۉنگی تورت کون ایچیده پاکستان و ایران دن داوطلب و جبری شکلده ۱۱ مینگ ۹۹۷ قاچقین چیقریلگنینی معلوم قیلگن. قاچقینلر وزیرلیگی بوگون (۱۶-سرطان، شنبه) ایکس صحیفهسیده، سۉنگی تورت کون ایچیده (۱۲، ۱۳، ۱۴، و ۱۵ سرطان) پاکستان و ایران دن ۱۱ مینگ ۹۹۷ قاچقین داوطلب و جبری شکلده چیقریلگنیدن خبر بیرگن.
شانگهای همکارلیک تشکیلات باشلیغلری بوگون (۱۴-سرطان، پنجشنبه) اوشبو تشکیلات نینگ ۱۰-اعضاسی اولهراق بلاروس اعضا بولیشینی تصدیقلهدیلر. دایمی ثبات برقرار اېتیلیشی، بنگیوار مادهلر و افراطیتچیلیکّه قرشی کورهش، دنیا ترتیبی اوشبو ییغیلیش ده بحث گه آلینگن مهم موضوعلردن بولگنی اېتیلگن.
قاچقینلر وزیرلیگی و «ودان موسسهسی» ایکّی میلیون دن آرتیق دالرلیک ایکّی همکارلیک شرطنامه امضالهگنلر. اسلام امیرلیگی قاچقینلر وزیرلیگی بوگون (۱۴-سرطان، پنجشنبه) ایکس صحیفهسیده بیر بیانیه ترقهتیب، اوشبو وزیرلیک همده ودان موسسهسی اۉرتهسیده ایکّی میلیون ۷۱۰ مینگ ۱۴۱ امریکالیک دالر همکارلیک ایکّی شرطنامه امضالنگنینی معلوم قیلگن.
