صناعت و سودا وزیرلیگی، افغانستان سۉنگی بیر ییلده ۱۰ میلیارد دالرلیک توار آلیش-بیریش قیلگنینی معلوم قیلگن. اوشبو وزیرلیک مسئوللری، بوگون (۱۰-اسد، چهارشنبه) دولت نینگ ملت گه حساب بیریش دستوریده، افغانستان سۉنگی بیر ییلده بیر میلیارد ۸۰۰ مینگ دالر صادرات و سکیز میلیارد دالردن کوپراق واردات قیلگنینی بیلدیرگن.
معارف وزیرلیگی، اسلامی تعلیمات و معلم تربیهلش شهادتنامهلری الکترونیکی قیلینیشیدن خبر بیرگن. اسلام امیرلیگی معارف وزیرلیگی ۹-اسد، سهشنبه کونی ایکس صحیفهسیده بیر بیانیه ترقهتیب، مملکت بویلب اسلامی تعلیمات و معلم تربیهلش اوقووچیلر نینگ نتیجه و شهادتنامهلری الکترونیکی بولیشینی معلوم قیلگن.
رویترز ۹-اسد، سهشنبه کونی ترقهتگن گزارشی ده بو هجوم لبنان پایتختی بیروت شهریده اۉیوشتیریلگن. رویترز نینگ گزارشی اساسیده، اوشبو هجومده اسرائیل تامانیدن باسیب آلینگن جولان بلندلریده سپورت میدانیده اۉیوشتیریلگن راکته هجوم مسوولی حزبالله نینگ بیر ییریک قوماندانی نشانگه آلینگن.
قندهار ده «ملت غږ» محلی رادیو خبرنگاری محمدابراهیم محتاج قولگه آلینیشی بیلن، ژورنالیستلردن بیرقطاری مملکتده ژورنالیستلر قولگه آلینیش دوامیدن خواطر بیلدیرگنلر.
غزه دهگی بحران حاضرگه قدر قریب ۳۹ مینگ دن کوپراق تینچ اهالی نینگ اولیمی و ۹۰ مینگ دن کوپراق اهالی نینگ یرهلنیشی گه سبب بولگن، همان دوام اېتماقده دیر. اسرائیل و حماس اۉرتهسیده قانلی اوروش دوام اېتماقده اېکن، مملکتلر غزه ده آتش کېسین برقرار اېتیلیشی اوچون سعی-حرکتلری گه دوام بیرماقدهلر.
اوشبو وزیرلیک بوگون (۹-اسد، سهشنبه) ایکس صحیفهسیده بیر بیانیه ترقهتیب، اروپا مملکتلریدهگی افغانستان نینگ دیپلماتیک نمایندهلیکلریدن اولکه فقرالری گه قنسولی خذمت کورسهتیش اوچون بو وزیرلیک بیلن همکارلیک قیلیشلرینی سۉرهگن؛ بیراق اولر بولر نینگ اېستهگینی انابت گه آلمهگنلرینی معلوم قیلگن.
افغان قیزیل آی جمعیتی اداره سرپرستی شهابالدین دلاور، اسلامی همکارلیک تشکیلاتیدن «توغمه یورهک کسللیگیگه» (سوراخ قلب) چلینگنلر گه کسلخانه قوریش و بو بولیمده طبی امکانیت یرهتیش خصوصیده افغانستان بیلن همکارلیک قیلیشینی اېستهگن.
ایران دن افغانستانلیک قاچقینلر نینگ چیقریش اوچون مردمی ناراضیلیکلر اوج آلگن. بو ناراضیلیکلر اۉتگن هفته، اوشبو مملکت پایتختی تهران حدودلریده افغانستانلیک اوچ قاچقین تامانیدن ایرانلیک فقرا اولدیریلیشی بیلن باشلنیب و همان دوام اېتماقده.
حزبالله لبنان نینگ اسرائیل گه راکته هجوملری عاقبتیده ۲۴ کیشی هلاک بولیب و یرهلنگن. رویترز ۶-اسد، شنبه کونی کېچ قورون ترقهتگن گزارشی اساسیده، حزبالله لبنان نینگ اسرائیل گه راکته هجوملری عاقبتیده اوشبو مملکت نینگ اشغالی جولان بلندلری فوتبال میدانیده ۱۱ کیشی هلاک بولیب و باشقه ۱۳ کیشی یرهلنگن
اسلام امیرلیگی تورکمنستانده افغانستان ایلچیخانهسی اوچون شارژدافیر اولهراق فضلمحمد صابر نی تانیشتیرگن. اسلام امیرلیگی تشقی ایشلر وزیرلیگی نینگ سۉزلاوچیسی عبدالقهار بلخی ۵-اسد، جمعه ایکس صحیفهسیده، فضلمحمد صابر، تورکمنستانده افغانستان ایلچیخانهسی اوچون شارژدافیر اولهراق تانیشتیریلگنینی یازگن.
کانلر و پترولیم وزیرلیگی، فاریاب ولایتیده اوچ توز کان نینگ قازیب چیقریش شرطنامهسینی قریب ۲۵ میلیون امریکالیک دالر گه تېنگ خصوصی بیر شرکت بیلن امضالهگن. کانلر و پترولیم وزیرلیگی بوگون (۵-اسد، جمعه) ایکس صحیفهسیده بیر بیانیه ترقهتیب، فاریاب ولایتیده اوچ توز کان نینگ قازیب چیقریش شرطنامهسینی «ابوسعید» شرکتی بیلن امضالهگنیدن خبر بیرگن.
سرپرست حکومت تشقی ایشلر وزیرلیگی سرپرستی امیرخان متقی، تاپی لایحهسی ایشی عملی طرزده باشلنیشی اسلام امیرلیگی نینگ بیرینچی ایشلریدن بولیب و افغانستانده بو لایحه نینگ عملی ایشی یقین کونلرده باشلنیشی ممکن دیگن.
ننگرهار محلی مسئوللری، پاکستان دولتی تورخم ایشیگینی یولاوچیلر یوزی گه یاپگنینی معلوم قیلهدیلر. ننگرهار معلومات و مدنیت ریاستی نینگ اطلاعات آمری صدیقالله قریشی گه کوره، پاکستان عسکرلری افغانستانلیک ویزهسی بولمهگن کیشیلر گه تورخم دن اۉتیش یا ده پاکستان دن افغانستان گه قیتیش گه رخصت بیرمهیدیلر.
پاکستان افغانستان خوفسیزلیک مسئلهلری بوییچه خواطر بیلدیرماقده اېکن، اوشبو مملکت نینگ افغانستان ایشلری بوییچه مخصوص وکیلی آصف درانی پاکستان، چین، ایران، تاجیکستان و اۉزبېکستان شامل بیش قۉشنی مملکت، افغانستانده عصیانچی گروهلر نینگ فعالیتیدن خواطرده اېکنلرینی ادعا قیلگن.
افغانستانده بیرلشگن ملتلر تشکیلاتی نینگ نمایندهلیک (یوناما) باشلیغی روزا اوتونبایوا گه کوره، اسلام امیرلیگی بیلن علاقه قوریش غرب مملکتلری نینگ اېستهگی دیر.
اسلام امیرلیگی تشقی ایشلر وزیرلیگی سۉزلاوچیسی نینگ اۉرین باسری ضیااحمد تکل بوگون (۳-اسد، چهارشنبه) ایکس صحیفهسیده بیر بیانیه ترقهتیب، متقی بو موضوع نی حماس نینگ سیاسی ایشلر بوییچه اداره باشلیغی اسماعیل هنیه بیلن تلفونی علاقه ده آچیقلب و حماس نینگ اسرائیل برابریده کورهشی اوستیگه تأکید اېتگن.
