احصائیه و معلومات ادارهسی رسمیلری، بوگون (۱۷-اسد، چهارشنبه) امارت ادارهلری نینگ بیر ییللیک یوتوقلرینی پایلهشیش برنامه ده، سۉنگی بیر ییلده اوچ میلیون ۲۶۸ مینگ ۶۰۰ الکترونیکی کیملیک توزیع قیلگنلرینی اېتگنلر. اولر گه کوره، الکترونیکی کیملیک توزیع قیلیش جریانی اۉتگن ییل گه نسبتن ۲۳ فایز آشگن.
روسیه حربی کوچلری نینگ اوکراین شمال-شرقی حدودلری خارکیف ده راکته هجومی عاقبتیده بیر کیشی هلاک بولیب و باشقه ۱۲ کیشی یرهلنگن. رویترز آژانسی، روسیه حربی کوچلری ۱۶-اسد، سهشنبه کونی اوکراین نینک شمال-شرقی حدودلری خارکیف ده راکته هجوم اۉیوشتیرگنینی معلوم قیلگن.
حماس گروهی نینگ ییریک رهبرلریدن یحیا سنوار، اسماعیل هنیه اۉرنیده اېتیب تعیینلنگن. اوشبو گروه ۱۶-اسد، سهشنبه کونی بیر بیانیه ترقهتیب، یحیا سنوار حماس نینگ ینگی باشلیغی اولهراق تعیینلنگنینی بیلدیرگن. الجزیره گه کوره، اسرائیل یحیا سنوار نی اۉتگن ییل ییتّی اکتوبر ده اوشبو مملکت نینگ جنوبی حدودلریده حماس جنگریلری تامانیدن اۉیوشتیریلگن هجوم اصلی طراحسی بیلهدی.
ایچکی ایشلر وزیرلیگی ترافیک پولیسی عمومی ریاستی مسئوللری، شخصی و سریق رنگلی تکسی موترلر گه، رنگلرینی اۉزگرتیریش اوچون ایکّی آی مهلت بیریلگنینی معلوم قیلهدیلر.
رویترز آژانسی گه کوره، ایران جمهور باشلیغی مسعود پزشکیان ۱۵-اسد، دوشنبه کونی اوشبو مملکت ده روسیه فدراسیونی ملی خوفسیزلیک کینگش کاتبی بیلن اوچرهشووده، بو مملکت نینگ ایران نی «استراتیژیک شریکی» اتهب و روسیه بیلن مناسبتلرنی مستحکملش آرتیدهلیگینی بیلدیرگن.
شهرلر و اویلرنی قوریش و رواجلنتیریش وزیرلیگی مسئوللری، حکومت ادارهلری نینگ بیر ییللیک یوتوقلرینی پایلهشیش برنامه ده، سۉنگی بیر ییلده ولایتلر اوچون ۵۷ شهرلرنی رواجلنتیریش پلان تصدیقلنگنینی معلوم قیلگنلر.
عدلیه وزیرلیگی نینگ مسلکی معینی عبدالکریم حیدر گه کوره، اۉتگن قویاش ییلده ۴۷ قانون اوشبو وزیرلیک تامانیدن نهایی بولیب و تصدیقلنیشی اوچون اسلام امیرلیگی رهبری گه یوباریلگن، اولر ارا ییرلر باسیب آلینمسلیگی، نظارت و بویروغ همده حکملرنی اېزلش ریاستی نینگ لوی قانونی و امر معروف و نهی منکر وزیرلیگی نینگ شکایتلرنی تینگلش قانونی و باشقه بیرقطار قانونلر شامل بیش قانون اسلام امیرلیگی رهبری تامانیدن تصدیقلنگن.
اسرائیل اردوسی نینگ غزه شهری ده آوارهلر مکتبی همده رفح شهری جنوبی حدودلریده هوا هجوملری عاقبتیده فلسطینلیک ۲۴ کیشی قربان بولگن. رویترز نینگ گزارشی اساسیده، اسرائیل اردوسی ۱۳-اسد، شنبه کونی غزه حدودلری «شیخ رضوان» ده آوارهلر ییرلشگن مکتب ده اۉیوشتیرگن هوا هجوملریده فلسطینلیک ۱۵ کیشی قربان بولگن.
اسلام امیرلیگی کانلر و پترولیم وزیرلیگی سۉزلاوچیسی همایون افغان گه کوره، اوشبو کانلر نینگ قازیب چیقریش مناسبتی بیلن یولگه قوییلگن احتفال گه قتنهشیش اوچون فاریاب گه سفر قیلگن ایتیشیچه، مذکور ولایت نینگ قرمقول تومنیده ۲۴ میلیون دالرلیک اوشبو اوچ توز کانی نینگ شرطنامهسی ایچکی بیر خصوصی شرکت بیلن امضالنگن اېدی، بوگون (۱۳-اسد، شنبه) ایشی باشلنگن.
امریکا مدافعه وزیرلیگی (پنتاگون) اوشبو مملکت اسرائیل دن دفاع قیلیش و ایران همده بو مملکت نیابتی گروهلری نینگ احتمالی تهدیدلری اوچون اۉرته شرققه کوپراق حربی کېمه یوباریشینی معلوم قیلگن. رویترز آژانسی گه کوره، امریکا مدافعه وزیری لوید آستین ۱۲-اسد، جمعه کونی اۉرته شرق و اروپا گه بالستیک راکتهلرنی یوق قیلیش گه قادر بولگن حربی کېمه یوباریلیش بویروغینی بیرگن.
بیرلشگن ملتلر تشکیلاتی خوفسیزلیک کینگشی ۱۰-اسد، چهارشنبه کونی حماس نینگ سیاسی رهبری اسماعیل هنیه اولدیریلیشی گه دایر، ایران نینگ اېستهگی بیلن شاشیلینچ ییغین اۉتکزدی. اوشبو کینگش اعضالری، اۉرته شرق ده کوچلی اوروش یوز بیریش احتمالیدن آگاهلنتیرگنلر.
اوشبو وزیرلیک بوگون (۱۱-اسد، پنجشنبه) حکومت نینگ یېتکرمهلر مرکزی ده «دولت نینگ ملت گه حساب بیریش» دستوری ده، اولکه بویلب موسسهلر تامانیدن تورلی ساحهلرده ایکّی مینگ ۱۹۴ لایحه عملگه آشیریلیب و ۲۰۰ مینگ دن آرتیق کیشی ایش بیلن تأمینلنگنینی بیلدیرگن.
اسرائیل اردوسی نینگ غزه شهری شمالی حدودلریده اۉیوشتیرگن هوا هجوملری عاقبتیده الجزیره نینگ ایکّی خبرچیسی هلاک بولگن. الجزیره ۱۰-اسد، چهارشنبه کونی ترقهتگن گزارشیده، بو خبرچیلری نینگ موتری حماس سیاسی رهبری اسماعیل هنیه نینگ اوی یقینیده، اسرائیل هوا کوچلری تامانیدن نشانگه آلینگنینی معلوم قیلگن.
بوگون (۱۰-اسد، چهارشنبه) فلسطین خلقی مسجدلر نینگ بلند گویلری آرقهلی حماس نینگ سیاسی رهبری اسماعیل هنیه نینگ ترور اېتیلیش خبریدن آگاه بولدیلر. اسماعیل هنیه ایران ینگی جمهور باشلیغی مسعود پزشکیان نینگ آنت اېچیش مراسمیده اشتراک اېتیش اوچون تهران گه بارگندی، بوگون بامداد پیتی تهران شهری ده بیر قوریقچیسی بیلن مخصوص ترور جاییده هوا آرقهلی ترور بولگنلر.
ایران ایرنا آژانسی بوگون (۱۰-اسد، چهارشنبه) ایران اسلامی جمهوریتی تامانیدن ترقهلگن بیانیه دن نقل قیلیب یازیشیچه، حماس نینگ سیاسی رهبری اسماعیل هنیه ترور اېتیلیشی اوچون ایران دولتی اوشبو هفته چهارشنبه، پنجشنبه و جمعه (۱۰، ۱۱ و ۱۲-سرطان) کونلرینی عمومی ماتم اعلام قیلگن.
ایران نینگ مذهبی رهبری آیتالله علی خامنهای، حماس نینگ سیاسی اداره باشلیغی اسماعیل هنیه ترور ایتیلیش قصاصی آلینیشنی اۉز وظیفهسی بیلهدی. ایران نینگ مذهبی رهبری آیتالله علی خامنهای، حماس نینگ سیاسی اداره باشلیغی اسماعیل هنیه، بوگون (۱۰-اسد، چهارشنبه) بامداد پیتی اوشبو مملکت پایتختی تهران ده ترور اېتیلیشی گه مناسبت بیلدیرگن.
