مالیه وزیرلیگی، ۱۴۰۴-ییل، میزان آییده صفتسیز بولگن ۶۳ نفت تانکری مملکت باجخانهلریدن قیتریلگنینی معلوم قیلگن. اوشبو وزیرلیک، ۷-عقرب، چهارشنبه کونی ایکس صحیفهسیده بیر بیانیه ترقهتیب بو حقده خبر بیرگن. بیانیه گه کوره، اوشبو مقدار تیل تانکری مالیهوزیرلیگینینگ نفت مادهلری صفتی و نظارت قیلیش ریاستی تامانیدن، صفتسیزلیگی انیقلنیب و مملکت تورلی باجخانهلریدن قیتریلگن.
اسلام امیرلیگی سودا و صناعت وزیری نورالدین عزیزی، قزاقستان ملی اقتصاد وزیری و باشوزیری اورینباسری سریک ژومانگارین بیلن اوچرهشگن.
هندوستان پایتختی دهلیده اطراف-محیط وضعیتی ېنه یامانلشیب و هوا افلاسلنیشی «ساغلیق اوچون خوفلی» درجه گه یېتگن.
ایکینیچلیک، سوغاریش و چاروهچیلیک وزیرلیگی، ننگرهار ولایتی اورمانلریدن ۹۰ تُندن آرتیق جلغوزه ییغیب آلینگنینی معلوم قیلدی.
احصائیه و معلومات ادارهسی، قویاش ۱۴۰۴-ییلنینگ میزان آییده ۲ مینگ ۳۳۷ سیاح مملکت گه کیلیب کیتگنینی معلوم قیلدی.
اسلام امیرلیگی چیگره، قوم و قبیلهلر وزیری نورالله نوری، ایران تشقی ایشلر وزیرلیگینینگ خلقارا و حقوقی مسئلهلر بوییچه اورینباسری کاظم غریبآبادی بیلن اوچرهشگن.
هرات سودا و سرمایه یاتقیزیش اتاق اجرائیه باشلیغی یوسف امین، اوشبو ولایتنینگ قالین صادراتی سۉنگی ییللر گه نسبتن سیزیلرلی درجهده آشگنینی بیلدیرگن.
اسلام امیرلیگی امر معروف و نهی منکر وزیرلیگی، بلخ ولایتیده ایکی سحرگر حبس گه آلینگنینی بیلدیرگن. اوشبو وزیرلیک، ۵-عقرب، دوشنبه کونی ایکس صحیفهسیده بیر بیانیه ترقهتیب، بو سحرگرلرنی بلخ یشاوچیلرینینگ شکایتلریدن سۉنگ اوشبو ولایت مرکزی مزارشریف شهریدن حبس گه آلگنلرینی معلوم قیلگن. امر معروف و نهی منکر وزیرلیگی گه کوره، بو ایکی کیشی سحرگرلیک قیلیش پیتیده برچه سحرگرلیک نرسهلری بیلن حبس گه آلینگن.
ایکینچلیک، سوغاریش و چاروهچیلیک وزیرلیگی، ۲۵۰ تُن انار قندهاردن روسیه گه یوباریلگنیدن خبر بیرگن. اوشبو وزیرلیک، ۵-عقرب، دوشنبه کونی بیر بیانیه ترقهتیب بو حقده خبر بیرگن. ایکینچلیک، سوغاریش و چاروهچیلیک وزیرلیگینینگ بیانیهسیگه کوره، خصوصی بیر کمپنیه همکارلیگی بیلن قندهاردن روسیه گه انار یوباریش رسمی جریانی باشلنگن.
اسلام امیرلیگی فواید عامه وزیرلیگی، بیرینچی مرته خواف-هرات تیمیر یولی آرقهلی عمومی آغیرلیگی ۱۲۰ تُن بولگن ۲۰ واگن دیزل تیلی افغانستان گه یېتیب کیلگنینی معلوم قیلگن. فواید عامه وزیرلیگی سۉزلاوچیسی محمداشرف حقشناس، ۵-عقرب، دوشنبه کونی ایکس صحیفهسیده بیر بیانیه ترقهتیب، اوشبو تیل یوکی خصوصی کمپنیهلردن بیریگه تیگیشلی ایکینلیگینی یازگن.
اسلام امیرلیگی ایچکی ایشلر وزیرلیگی سوزلاوچیسی عبدالمتین قانع، بوگون (۴-عقرب، یکشنبه)، اوشبو وزیرلیکنینگ خوفسیزلیک ایشلری بوییچه ییریک معینی، محمدابراهیم صدر رهبرلیگیده بیر هیئتنینگ ایران کیتگنیدن خبر بیرگن.
کابل و اسلامآباد اورتهسیدهگی سیاسی کېسکینلیکلردن سۉنگ، ایککی هفتهدن بیری تورخم، اسپینبولدک، غلامخان، دندپتان و انگور اده چېگره بندرلری افغانستان و پاکستان اورتهسیدهگی برچه سودا و ترانزیت یوکلرینی یېتکزیش یوزیگه یاپیلیب و یوزلب یوک تاشووی موتر چېگرهلرنینگ ایکی تامانیده توختهب قالگن.
اسلام امیرلیگی فواید عامه وزیرلیگی، اوتگن بیر هفته ایچیده ۱۲۹ مینگ ۶۱۲ متریک تُن یوک، افغانستاننینگ تیمیر یوللری آرقهلی تشیلگنینی بیلدیرگن. فواید عامه وزیرلیگی سۉزلاوچیسی محمداشرف حقشناس، ۴-عقرب، یکشنبه کونی ایکس صحیفهسیده بیر بیانیه ترقهتیب، اوشبو یوکلر ۲۵ دن ۱- عقربگه قدر تشیلگنینی معلوم قیلگن.
اۉزبېکستانده کېلهسی ییلدن باشلب قوریلهدیگن تورر جای مجموعهلری نامی فقط اۉزبېک تیلیده یازیلهدی.
ایکینیچلیک، سوغاریش و چاروهچیلیک وزیرلیگی، قویاش ۱۴۰۴-ییلده مملکتده شفتالو یېتیشتیریش ۶۵ مینگ ۳۴۱ متریک تُن گه یېتگنینی معلوم قیلگن.
ترانسپورت، علاقهلر و مخابرات ایشلری بوییچه تورکمنستان جمهور باشلیغی اورینباسری و کابینه باشلیغی اورینباسری بایمراد آنامامدفنینگ ایتیشیچه، مملکتی افغانستاننینگ ترانسپورت، تزانزیت و سودا بوییچه قیینچیلیکلری حلی اوچون تیار دیر.
