مذکور وزیرلیک نینگ سوولی ییرلرنی قوریتیش و تیگیسلش باشلیغی شیرمحمد حاتمی ییتکچیلیگیده بو وزیرلیک نینگ تخنیکی بیر هیئتی، ایکینچیلیک ییرلرنی تېکشیریش و دهقانلر نینگ قیینچیلیگی و فکر-ملاحظهلرینی تېنگلش اوچون بلخ ولایتی گه سفر قیلگن.
خلقارا بنگیوار مادهلر گه قرشی کورهش کونیده، ساغلیقنی سقلش وزیرلیگی مسئوللری سۉنگی اوچ ییلده مملکت مقیاسیده مینگلب معتاد دوالنگنیدن خبر بیریب و حاضرگی کونده مملکتده معتادلر گه عاید ۶۱ ساغلیق مرکز فعاللیگینی معلوم قیلهدیلر.
اسلام امیرلیگی فواید عامه وزیرلیگی، سۉنگی ایکّی آی ده تیمیر یوللری آرقهلی ۶۰۹ مینگ ۱۵۸ متریک تُن توار انتقال بیریلگنینی معلوم قیلهدی. فواید عامه وزیرلیگی ۵-سرطان، سهشنبه کونی ایکس اجتماعی ترماغیده، اوشبو مقدار توار ثور و جوزا آیلریده انتقال بیریلگن دیب یازگن.
اسلام امیرلیگی حج و اوقاف وزیرلیگی، افغانستانلیک حاجیلر نینگ بیرینچی گروهی کابل و بلخ گه یېتیب کیلگنیدن خبر بیرگن. حج و اوقاف وزیرلیگی بوگون ۳-سرطان، یکشنبه ایکس اجتماعی ترماغیده، افغانستانلیک حاجیلر نینگ بیرینگی گروهی پایتخت کابل و بلخ ولایتلری گه یېتیب کیلگنینی معلوم قیلگن.
هلمند ولایتی دیشو تومنی یشاوچیلری، ۲۱-سنه ده حتا دستلبکی امکانیتدن فایدهلنه آلمهی و تورلی خیل قیینچیلیک بیلن حیات کېچیریب کېلماقدهلر.
قربان هییت بیرمی عرفهسیده، کابل پولیسی اوشبو شهر یشاوچیلری گه هوایی اوق آتیش، پتاقی و پلاستیکی تفنگچهلردن قوللنمسلیک حقیده آگاهلنتیرگن.
افغانستان سرپرست حکومت ساغلیقنی سقلش وزیرلیگی مسئوللری اوشبو وزیرلیکده، ۱۴ جون خلقارا قان بیریش کونیدن نشانلهدیلر. مسئوللر اوشبو ییغیلیش ده کسللر اوچون قان ییغیش و ساوغه قیلیش گه دایر سعیوحرکت قیلیشلریدن ایشانچ بیلدیریب و جمعیتده قان ساوغه قیلینیش فرهنگی رواجلنیشی و شونینگدیک دنیا همجمعیت دن بوتوغریده افغانستان بیلن همکار بولیشینی اېستهگنلر.
اسلام امیرلیگی ایکینچیلیک، سوغاریش و چاروهچیلیک وزیرلیگی، اۉتگن ییل گه نسبتن بو ییل بوغدای حاصلی ۱۳ فایز کوپهیشی ممکن دیگن. ایکینچیلیک، سوغاریش و چاروهچیلیک وزیرلیگی، بوگون (۲۴-جوزا، پنجشنبه) ایکس صحیفهسیده بیر بیانیه ترقهتیب یازیشیچه، مملکت مقیاسیده ۴.۹ میلیون متریک تُن بوغدای حاصل آلینیشی ممکن اۉتگن ییل گه نسبتن ۱۳ فایز کوپهیشینی کورستهدی.
اسلام امیرلیگی ترانسپورت و هوا یوللری وزیرلیگی بوگون (۲۳-جوزا، چهارشنبه) ایکس صحیفهسیده، «ایران ایر» هوا یولی شرکتی بیرینچی مراتبه کابل گه اوچیشلرینی باشلهگنینی یازگن. اوشبو وزیرلیک مذکور هوا یولی شرکتی هفته ده نیچه مراتبه کابل و ایران اۉرتهسیده اوچیشی حقیده به تفصیل معلومات کېریتمهگن.
سرپرست حکومت ترانسپورت و هوا یوللری وزیرلیگی نینگ هواشناسلیک ریاستی جمعه و شنبه (۱۸ و ۱۹-جوزا کونلری) مملکت نینگ ۱۸ ولایتیده کوچلی یامغیر یاغیب، سوو تاشقینی و بوران یوز بیریش احتمالیدن آگاهلنتیرگن.
امتحانلر ملی ادارهسی، مملکت نینگ ۱۶ ولایتیده کانکور سیناوی رسمی طرزده باشلنگنیدن خبر بیرگن. امتحانلر ملی ادارهسی بوگون (۱۷-جوزا، پنجشنبه) ایکس صحیفهسیده، مملکت نینگ ۱۶ ولایتیده کانکور سیناوی رسمی طرزده باشلنگنینی معلوم قیلگن.
هرات کانلر و پترولیم ریاستی مسئوللری، اوشبو ولایتده ریگریشنلر شامل ۲۶ کان فعاللیگینی معلوم قیلگنلر. هرات کانلر و پترولیم ریاستی تفتیش آمری عنایتالله امینی گه کوره، بو ولایتده یقینده تورت بویوک کان جمله دن سمنت، غوریان تیمیر کانی بلاکلری، پشتونزرغون تیمیر کانی و تاش کومیر کانی آچیلیشی ممکن.
سۉنگی هفتهلردهگی کوچلی یامغیر و هلاکتلی سوو تاشقینلری طفیلی نقصان کورگنلردن غور ولایتی مرکزی مدرسه قیشلاغی یشاوچیسی فضلالحق زمانی گه کوره، یالغیز ایکینچیلیک آرقهلی عایله اعضالری نینگ احتیاجلرینی تامینلر اېدی لېکن حاضر ایکینچیلیک ییرلری یوق بولیشی بیلن عایله اعضالری آچلیک بیلن دوچ بولیشلریدن خواطر ده دیر.
سرپرست حکومت ملی مدافعه وزیرلیگی، بوگون (۱۱-جوزا، جمعه) ایکس صحیفهسیده، «شهید سردار محمد داوودخان» کسلخانهسیده بیرینچی مراتبه «قلب جراحلیگی» بولیمی قوریلیب و رسمی طرزده اوشبو وزیرلیک نینگ پلان و پالیسی اۉرین باسری محمدقاسم فرید و ستردرستیز ساغلیق قوماندانلیگی مسئوللری تامانیدن آچیلگنینی معلوم قیلگن.
کانلر و پترولیم وزیرلیگی، بوگون کابل ده یولگه قوییلگن خبری بیر ییغیلیشده، ایچکی بیر کمپنیه بیلن ییتی میلیون ۸۰۰ مینگ دالر ارزشی گه بامیان ولایتی یکاولنگ تومنی «گنده کوتل» ساحهسی نینگ ۲۰ مینگ تُن جست تیمیری ساتیلیش قراردادی نی امضالهگن.
بدخشان بیلیم یورتی مسئوللری، اوشبو بیلیم یورت ابتکاری و عالی اوقوو وزیرلیگی نینگ حمایتی بیلن یولگه قوییلگن اوچ کونلیک کنفرانس ده، علمی، تدقیقاتی ۳۸ مقاله تیارلش بیلن بیرینچی اۉریننی ایگللهگن.
