فاریاب ولایتی معارف رسمیلری، اوشبو ولایت ایکّی تومنیده اوچ مکتب نینگ تمل تاشی قوییلگنیدن خبر بیرهدیلر. فاریاب معارف باشلیغی محمدطاهر جواد گه کوره، اوشبو مکتبلر مذکور ولایت نینگ خواجهسبزپوش و دولتآباد تومنلریده ۸۰۰ متر ییرده زمانهوی شکلده قوریلیب و ایشلری آلتی آی ایچیده یکونلنیشی ممکن. اونینگ ایتیشیچه، بو مکتبلر نینگ ییری محل یشاوچیلری تامانیدن ساوغه قیلینگن.
فاریاب ولایتی محلی مسئوللری، اوشبو ولایت نینگ آلتی تومنیده سکیز سوو یېتکیزیش شبکه نینگ قوریش ایشی باشلنگنینی معلوم قیلهدیلر. اوشبو ولایت نینگ قیشلاقلرنی رواجلنتیریش و قیته قوریش باشلیغی تورجان احمدی گه کوره، بو سوو یېتکیزیش شبکهلر ده ۴۰ مترمکعب سوو سیغیب و قوریلیشی بیلن ایکّی مینگ ۴۴۸ عایله ایچیملیک سوو بیلن تأمینلنهدی.
بوگون کابل ده یوکسک اوقوو وزیرلیگی و ملی ترقیات کمپنیهسی اۉرتهسیده همکارلیک شرطنامه امضالنگن. یوکسک اوقوو وزیرلیگی مسئوللری، اوشبو همکارلیک شرطنامه ترقیاتی لایحهلرنی عملگه آشیریش و مملکت بیلیم یورتلری نینگ استادلری و طلبهلری اوچون عملی ایشلر گه زمینه یرهتیش مقصدیده امضالنگنینی معلوم قیلهدیلر.
کاپیسا ولایتی تگاب تومنی «میاخیل» و «شینکی» قیشلاقلریده ۲۱-سرطان، پنجشنبه کونی ایکّی سوو یېتکیزیش شبکه نینگ قوریش ایشی باشلنگن. کاپیسا ولایتی حاکمی سۉزلاوچیسی عبدالعزیز نظری گه کوره، بو شبکهلر نینگ هر بیریده ۴۰ و ۵۰ متر مکعب سوو سیغهدی، فایدهلنیشگه تاپشیریلیشی بیلن ۶۳۸ عایله ایچیملیک سوو بیلن تأمینلنیشی ممکن.
صناعت و سودا وزیرلیگی بوگون (۲۱-سرطان، پنجشنبه) کابل شهری ده «صادرات ملی کونیدن» نشانلهدی. اوشبو احتفالده صناعت و سودا وزیرلیگی سرپرستی نورالدین عزیزی، افغانستان صادراتی اۉتگن ییللر گه نسبتن ۱۵۰ فایز آشگن و افغانستان نینگ سوداگرلیک توارلری حاضر ۷۰ دن کوپراق مملکت گه صادر بولماقدهلیگینی بیلدیرگن.
مملکت فواید عامه وزیرلیگی مسئوللری، سالنگلر قتناو یولی نینگ قیته قوریش ایشی اوچ بولیمده اوشبو ییل تورت اسد ده باشلنیشیدن خبر بیرهدیلر. فواید عامه وزیرلیگی سۉزلاوچیسی محمداشرف حقشناس نینگ سلاموطندار گه ایتیشیچه، سالنگلر قتناو یولی نینگ قیته قوریش ایشی اوچ بولیمده اوشبو ییل تورت اسد ده باشلنیشی ممکن.
هرات ولایتی ایکینچیلیک، سوغاریش و چاروهچیلیک ریاستی مسئوللری، اوشبو ولایتده هر کونی بیر میلیون دن آرتیق تاووق تخمی ایشلب چیقریلیشینی معلوم قیلهدیلر. هرات ولایتی ایکینچیلیک، سوغاریش و چاروهچیلیک باشلیغی پیرمحمد حلیمی نینگ سلاموطندار گه ایتیشیچه، بو ولایتده ۶۰ دن آرتیق تاووق فارمی قوریلگن اوشبو فارملردن هر کونی بیر میلیون دن آرتیق تخم ایشلب چیقریلهدی.
افغانستان مرکزی بانکی، ۸۸۹ میلیون ۹۲۰ مینگ افغانی ایسکیرگن پول آلاو بیریلگنیدن خبر بیرگن. اوشبو بانک ۱۹-سرطان، سهشنبه کونی ایکس صحیفهسیده بیر بیانیه ترقهتیب اوشبو مقدار پول تعیینلنگن هیئت حضوریده آلاو بیریلگنینی معلوم قیلگن. مملکت نینگ بیرقطار ولایتلری اینیقسه کابل شهری ده ایسکیرگن پوللر کوپلیگیدن شکایت بولگن بیرحالده، افغانستان مرکزی بانکی تامانیدن بو مقدار پول آلاو بیریلگن.
ایکینچیلیک، سوغاریش و چاروهچیلیک وزیرلیگی نینگ سوولی ییرلرنی قوریتیش و تیگیسلش رسمیلری، تخار ولایتیده مینگلب جریب سوولی ییر قوریتیلیب و تیگیسلنیشیدن خبر بیرگنلر. ایکینچیلیک وزیرلیگی نینگ سوولی ییرلرنی قوریتیش و تیگیسلش اداره باشلیغی شیرمحمد حاتمی ییتکچیلیگیده اوشبو وزیرلیک هیئتی، بوگون (۱۹-سرطان، سهشنبه) تخار ده سوولی ییرلرنی کوزهتیش مقصدیده بو ولایت گه سفر قیلگن.
مخابرات و تکنالوژی وزیرلیگی، مملکت بویلب مخابراتی ۱۰ میلیون سیم کارت قانونی طرزده ثبت بولگنینی معلوم قیلهدی.
اسلام امیرلیگی فواید عامه وزیرلیگی، کابل-قندهار قتناو یولی ایکّی کونگچه یاپیلیشیدن خبر بیرگن. اوشبو وزیرلیک ۱۶-سرطان، شنبه کونی، ایکس صحیفهسیده بیر بیانیه ترقهتیب، کابل-قندهار قتناو یولی میدانوردک ولایتی سیدآباد تومنی «پل شیخآباد» منطقهسیده اسفالت بولیش طفیلی، ایکّی کونگچه ترانسپورت یوزی گه یاپیلیشی ممکن دیب یازگن.
طبیعی آفتلر ایشلری بوییچه دولت وزیرلیگی نینگ ماینلرنی تازهلش ریاستی گه کوره، سۉنگی آلتی آی ایچیده افغانستانده اوروشلردن قالگن ۱۱۱ ماین پارتلشی عاقبتیده ۷۰ کیشی هلاک بولیب و باشقه قریب ۱۸۰ کیشی یرهلنگن. مذکور ریاست باشلیغی نورالدین رستمخیل سلاموطندار بیلن اۉتکزگن صحبتیده، افغانستان نینگ ماین تازهلش بولیمی بودجه تنقیصلیگی و بشری منبع آزلیگی بیلن روپهرهلیگینی اېتهدی.
قاچقینلر وزیرلیگی و «ودان موسسهسی» ایکّی میلیون دن آرتیق دالرلیک ایکّی همکارلیک شرطنامه امضالهگنلر. اسلام امیرلیگی قاچقینلر وزیرلیگی بوگون (۱۴-سرطان، پنجشنبه) ایکس صحیفهسیده بیر بیانیه ترقهتیب، اوشبو وزیرلیک همده ودان موسسهسی اۉرتهسیده ایکّی میلیون ۷۱۰ مینگ ۱۴۱ امریکالیک دالر همکارلیک ایکّی شرطنامه امضالنگنینی معلوم قیلگن.
تورکیه فوتبال ملی تیرمه جماعهسی ۱۲-سرطان، سهشنبه دن چهارشنبه گه اوتر کیچه اتریش جماعهسی ۲:۱ حسابی بیلن غلبه قازانگنیدن سۉنگ، تورکیه جماعهسی نینگ اوچ مینگ دن آرتیق طرفداری جرمنی «گلزن کرشن شهری» سرکلریده توکیلیب و بو غلبه نی نشانلش پیتیده مذکور مملکت عسکرلری بیلن توقنشگنلر.
امتحانلر ملی ادارهسی، بوگون مملکت نینگ ۱۶ ولایتیده کانکور سیناوی تورتینچی باسقیچی رسمی طرزده باشلنگنیدن خبر بیرگن. امتحانلر ملی ادارهسی بوگون (۱۴-سرطان، پنجشنبه) ایکس صحیفهسیده بیر بیانیه ترقهتیب، مملکت نینگ ییتّی ولایتیده کانکور سیناوی تورتینچی باسقیچی رسمی طرزده باشلنگنینی معلوم قیلگن. اوشبو بیانیه اساسیده، کانکور سیناوی تورتینچی باسقیچی لغمان، ننگرهار، نیمروز، قندهار، فراه و هلمند ولایتلریده اوچ کونگچه یولگه قوییلگن.
افغانستان نینگ ایکینچیلیک و ایچکی تولیدلری محصولاتی کورگزمهسی بوگون (۱۲-سرطان، سهشنبه) اۉزبېکستان پایتختی تاشکینت شهری ده یولگه قوییلگن. بو اوچ کونلیک کورگزمه جمعه کونی گه قدر دوام تاپیشی کوتیلهدی. اسلام امیرلیگی صناعت و سودا وزیرلیگی سرپرستی، خصوصی سکتور دن تشکیل اېتیلگن بیر هیئت یېتکچیلیگیده اوشبو کورگزمه گه اشتراک اېتیش اوچون بوگون اېرتهلب اۉزبېکستان گه تشریف بویرگن.
