سرپرست حکومت ملی مدافعه وزیرلیگی، اسلام امیرلیگی اردو باشلیغی فصیحالدین فطرتدن نقل قیلیش بیلن بیر بیانیه ترقهتیب ایتیشیچه، اسلام امیرلیگی دنیا و قوشنی مملکتلر بیلن اوروشماق نیتیده ایمس. جناب فطرت، بو بیاناتنی اوتگن کون ۲۷-حوت، دوشنبه، ملی اردوگه تیگیشلی ۷۰۰ کیشینینگ فراغت مراسمیده بیان قیلگن.
بیرلشگن ملتلر تشکیلاتینینگ بالهلرنی قۉللب-قوتلاوچی صندیغی افغانستان بولیمی (یونیسف)، اوچ میلیون ۵۰۰ مینگ باله گه اوقیش موادی ترقهتیلیشینی معلوم قیلگن.
سرپرست حکومت ایچکی ایشلر وزیرلیگی مسئوللری، اوشبو وزیرلیک سرپرستی سراجالدین حقانی استعفا گه چیققنی حقیدهگی خبرلرنی رد اېتگنلر.
ننگرهار سودا و سرمایه یاتقیزیش اتاقی اجرائیه باشلیغی شاکرالله صافینینگ ایتیشیچه، تورخم بندری آچیلیشی اوچون افغانستان و پاکستان سوداگرلری آرهسیده ایکینچی مرته ییغیلیش اوتکزیلیشی ممکن.
اسلام امیرلیگی باش وزیرینینگ اقتصادی اورین باسرلیگی، ملی تدارکات کمیسیونی آرقهلی ایکی میلیارد ۵۰۰ میلیون افغانیلیک سکیز لایحه شرطنامهسی تصدیقلنگنینی معلوم قیلگن.
اسلام امیرلیگی کانلر و پترولیم وزیرلیگی رسمیلری، افغانستان توپراغیده تاپی لایحهسینینگ ۱۰ کیلومتر لوله تارتیش ایشی، آلغه آلیب باریلگنینی معلوم قیلهدی.
افغانستان و پاکستان آرهسیدهگی اوتیب-قیتیش و تجارت اوچون اونملی یوللردن بولمیش تورخم قتناو یولینینگ یاپیق قالگنیدن ۲۳ کون بولگن. شونینگدیک اوشبو قتناو یولنینگ قیته آچیلیشی اوچون بولگن مذاکرهلر، حاضرگچه نتیجه بیرمهگن.
اسلام امیرلیگی تشقی ایشلر وزیرلیگی، تاجیکستان و قرغیزستان آرهسیدهگی اوزون مدتلی چیگره توقنشوولری یکونلنگنینی خوش قرشیلهگن.
کابل ده ایران ایلچیسی علیرضا بیکدلینینگ ایتیشیچه، مملکتی اسلام امیرلیگی بیلن سوو و برق ترقیاتی لایحهلری عملگه آشیریلیشیده همکارلیک قیلیشگه تیار دیر.
اسلام امیرلیگی قیشلاقلرنی رواجلنتیریش و قیته قوریش وزیرلیگی، بدخشان ولایتی واخان یولینینگ ایکّینچی فازینی باشلش شرطنامهسی امضالنیشیدن خبر بیرگن.
تخارده طبیعی آفتلرنی باشقریش اوچون، تخار حاکمی باشچیلیگیده دولت ادارهلری و همکار موسسهلر رسمیلرینینگ حضوری بیلن، ییغیلیش اوتکزیلدی.
جمهوریت توزومیده هم حقوق وسیاسی بیلیم فاکولتهلریدن فارغ بولگنلر اوچون ایش امکانیتلری اونچهلیک یخشی بولمهگن بولسهده؛ بیراق حاضرگی سرپرست حکومت دوریده ایش امکانیتلری سېزیلرلی درجهده کمهیگن.
سرپرست حکومت قاچقینلر وزیرلیگی، پاکستان قماقخانهسیدن ۲۱ افغانستانلیک قاچقین قوییب یوباریلگنیدن خبر بیرگن.
افغانستان سرپرست حکومت تشقی ایشلر وزیرلیگی سرپرستی امیرخان متقی، عمان تشقی ایشلر وزیری بدر بن حمد البوسعیدی دعوتی بیلن مذکور مملکت گه کیتگن.
سکیز مارچ، خلقارا خاتین-قیزلر کونی مناسبتی بیلن، اسلام امیرلیگی سۉزلاوچیسی ذبیحالله مجاهد، افغانستان جامعهسیده خاتین-قیزلر حقوقی غرب مملکتلری جامعهسی بیلن فرقلی بولگنینی اېتگن.
اسلام امیرلیگی صناعت و سودا وزیرلیگی، افغانستان قویاش ۱۴۰۳-ییل باشلنگنیدن دلو آی یکونیگه قدر، تورلی مملکتلر گه بیرمینگ ۱۰۰ تُن قاره جلغوزه صادر قیلگنینی معلوم قیلگن.
