بیشینچی جون، خلقارا یشش محیط کونی گه ماس دیر، اوشبو کون مناسبتی بیلن افغانستان ده بیرلشگن ملتلر تشکیلاتی اورینباسرلیک هیئت ادارهسی (یوناما)نینگ آگاهلنتیریشیچه، افغانستان پلاستیک چیقیندیلریدن چیققن افلاسلنیش، اورمانلرنینگ یوق بولینیشی و سوو منبعلرینینگ کمهیشی کبی جدی یشش محیط قیینچیلیکلری بیلن رپهره بولگن و اوشبو مملکت طبیعتینی سقلش اوچون تیزلیک بیلن چاره-تدبیر کوریلیشی کیرهک.
قندهار ده دهقانلر حاضر کوکنار اورنیده قولوپنای (ییر توتی) ایکیش گه یوز کیلتیریب و اوشبو ولایت مرکزی و تومنلریده قولوپناینینگ ایکیلیشی کوپهیگن. قندهار دهگی دهقانلر مذکور محصولنینگ ایکیلیشیدن خورسندلیک بیلدیریب و اونی باشقه ایکینچیلیک محصوللرگه قرهگنده فایدهلی بیلهدیلر.
خلقارا یېتکرمهلرنینگ معلوماتی اساسیده، نایجریاده سوو تاشقینلری عاقبتیده چمهسی ۱۵۱ کیشی هلاک بولیب و باشقه اوچ مینگدن آرتیق کیشی یرهلنگن.
نورستان ولایتی محلی رسمیلری، اوشبو ولایتنینگ واما اولسواللیگیده یانغین عاقبتیده ۲۰ جریب اورمان کولگه ایلنگن. نورستان امنیه قوماندانلیگی سۉزلاوچیسی غلامالرحمان حیدری، ۵-جوزا، دوشنبه کونی سلاموطندار بیلن اۉتکزگن صحبتیده، بو یانغین یکشنبه کونی چپه کنر وادیسی حدودلری، اوتله قیشلاغیده ایکّی عایله اورتهسیدهگی توقنشوو سبب باشلنیب و کوچلی شمال طفیلی واما اولسواللیگی اورمانلری گه ترقهلیب کېتگنینی معلوم قیلگن.
بلخ دهگی امنیتی منبعلر، اوشبو ولایتده علیحده ایکّی یانغین قریب ۷۰۰ مینگ افغانی مالی زیان یېتکیزگنینی معلوم قیلهدیلر. بلخ امنیه قوماندانلیگی، بیر بیانیه ترقهتیب بیرینچی یانغین بوگون (۳-جوزا، شنبه) مذکور ولایتنینگ نهرشاهی اولسواللیگی حاجری قلعهسی منطقهسیده «پخته» پروسس قیلیش مرکزیده، پخته ایسیق کېلیشی طفیلی صادر بولگنینی اېتگن.
آسترالیانینگ جنوبشرقی ساحللریده یوز بیرگن یاغینگرچیلیک و سوو تاشقینلر نتیجهسیده، ایکی کیشی اولیب و مینگب کیشی ایسه اویلرینی ترک قیلیشگه مجبور بولگنلر.
امریکا قۉشمه ایالتلرینینگ کنتاکی، میزوری و ویرجینیا ایالتلریده بوران و توفان عاقبتیده چمهسی ۲۵ کیشی هلاک بولگن. رویترز گه کوره، بو واقعه ۲۷-ثور، شنبه کونی یوز بیریب و انسانی تلفات گه علاوه مذکور منطقهلر اهالیسی گه کوپینچه مالی زیان یېتکیزگن. معلوماتلر اساسیده، یالغیز کنتاکی ایالتیده چمهسی ۱۷ کیشی هلاک بولیب و ۱۰۰ مینگ دن آرتیق کیشی برقسیز بولگن.
اقلیم اوزگریشلری دنیانینگ بوگونگی اساسی خواطرلریدن بیری دیر. دنیا بویلب انسانلرنینگ فعالیتلری سبب تیزلنگن اوشبو اوزگریشلر، بو توغریده آزراق حصه قوشگن افغانستاننی جدی قیینچیلیکلر بیلن روپهره قیلگن.
آرهدن کوپ وقت اوتمهگن اېدی تخار مرکزی تالقان شهریده کوچهلر بوییدهگی درختلر شهرگه گوزهللیک بغیشلب و آکسیجن ایشلب چیقریشده مهم رول اوینردی، بیراق حاضر نه درختلردن درک بار، نه اولرنینگ شاخهلریده این (اویه) قورهدیگن قوشلردن.
سونگی اوچ دههده، اوروش، جمعیت کوپهیگنی، طبیعی منبعلرنی سقلش توغریسیده دقیق برنامهلر یوقلیگی و اقتصادی قیینچیلیکلر سبب، مملکتنینگ تورلی منطقهلری جملهدن کاپیسا ولایتینینگ نجراب تومنیده اورمانلر، یوقالیش خوفی آستیده قرار تاپگن. نجراب تومنی یشاوچیلری حیات خرهجتلری و یاقیلغی مادهلرنی تامینلش مقصد معیارسیز شکلده درختلرنی کیسیشگه مجبور بولگنلری سبب، بو حدودنینگ یشیللیک و یشش محیط کیلهجگی توغریسیده خواطرلنگنلر.
سرپرست حکومت ترانسپورت و هوا یوللری وزیرلیگینینگ هواشناسلیک ریاستی ۱۲ و ۱۳-ثور کونلری مملکتنینگ ۲۰ ولایتیده احتمالی کوچلی یامغیر یاغیب، چقماق، شمال، چنگ و توپهلنگ همده سوو تاشقینی یوز بیریشینی اېتگن.
خلقارا یېتکرمهلرنینگ معلوماتی اساسیده، اسرائیل پایتختی اورشلیم اطرافی اورمانلی منطقهلریده کېنگ مقیاسده یانغین صادر بولگن.
پاکستان مرکزی و باشقه بیرقطار شهرلریده، ۵.۵ بویوکلیگیده زلزله یوز بیرگن.
خلقارا قیزیل خاچ کمیتهسی افغانستان بولیمی، «خلقارا سوو کونی» مناسبتی بیلن افغانستانده ۳۳ میلیون کیشی سوو تقچیلیگی بیلن روپهرهلیگینی معلوم قیلگن.
ارجنتاینده سۉنگی ایکّی کوندهگی سوو تاشقینلری طفیلی قربانلر رقمی ۱۶ کیشی گه آشگن.
سرپل ولایتی محلی مسئوللری، اوشبو ولایتده «میله نهالشانی» آتیده کوچت ایکیش کمپاینی باشلنگنینی معلوم قیلهدیلر.
