اسلام امیرلیگی کانلر و پترولیم وزیرلیگی سۉزلاوچیسی همایون افغان گه کوره، اوشبو کانلر نینگ قازیب چیقریش مناسبتی بیلن یولگه قوییلگن احتفال گه قتنهشیش اوچون فاریاب گه سفر قیلگن ایتیشیچه، مذکور ولایت نینگ قرمقول تومنیده ۲۴ میلیون دالرلیک اوشبو اوچ توز کانی نینگ شرطنامهسی ایچکی بیر خصوصی شرکت بیلن امضالنگن اېدی، بوگون (۱۳-اسد، شنبه) ایشی باشلنگن.
قندهار ده ایکی بویوک تولیدی کارخانه فعالیتی ۴۵ ییلدن کیین قیته باشلنگن. کییم ایشلب چیقریش بولیمیده قیته فعالیت گه باشلهگن اوشبو کارخانهلردن بیری نینگ مسئولی محمدسلیم صابر نینگ ایتیشیچه، مذکور کارخانهده قریب اوچ مینگ ماشین بار؛ لیکن اولر ارا یالغیز ۴۰۰ ماشین فعال بولگن.
اوشبو وزیرلیک بوگون (۱۱-اسد، پنجشنبه) حکومت نینگ یېتکرمهلر مرکزی ده «دولت نینگ ملت گه حساب بیریش» دستوری ده، اولکه بویلب موسسهلر تامانیدن تورلی ساحهلرده ایکّی مینگ ۱۹۴ لایحه عملگه آشیریلیب و ۲۰۰ مینگ دن آرتیق کیشی ایش بیلن تأمینلنگنینی بیلدیرگن.
«اۉتگن کیچه آوقتلنیش پیتیده خاتینیم اون و یاغ توگهب قالگنینی اېتدی، نیمه قیلیشنی بیلمهدیم. اۉزیم اعصاب و ایاغ آغریق من. شفاکارلر آغیر ایش قیلمسلیگیمنی اېتهدیلر؛ لېکن آغیر ایش قیلمهگن حالده آلتی کیشی نینگ حیاتی قندهی اۉتسین.»
صناعت و سودا وزیرلیگی، افغانستان سۉنگی بیر ییلده ۱۰ میلیارد دالرلیک توار آلیش-بیریش قیلگنینی معلوم قیلگن. اوشبو وزیرلیک مسئوللری، بوگون (۱۰-اسد، چهارشنبه) دولت نینگ ملت گه حساب بیریش دستوریده، افغانستان سۉنگی بیر ییلده بیر میلیارد ۸۰۰ مینگ دالر صادرات و سکیز میلیارد دالردن کوپراق واردات قیلگنینی بیلدیرگن.
افغانستانده بیرلشگن ملتلر تشکیلاتی نینگ خلقارا آزیق-آوقت دستوری، سۉنگی توقیز آی ده افغانستانده ۲۶۰ مینگ کیشی گه آزیق-آوقت یاردم بیرگنینی معلوم قیلگن. بو نهاد ۸-اسد، دوشنبه کونی وبسایتیده ترقهتگن گزارشیده، بو یاردملر بادغیس، بامیان، فراه، غور، هلمند، هرات، کابل، قندهار، کاپیسا، خوست، کنر، لغمان، ننگرهار، نورستان، پکتیا و ارزگان ولایتلریده توزیع بولگن.
بلخ محلی مسئوللری نینگ ایتیشلریچه، اوشبو ولایتدهگی «مفید گروپ» اسملی خصوصی بیر شرکت آرقهلی تولید بولگن ۲۵ تُن حیوانی آذوقه، بیرینچی مرته تاجیکستان گه صادر بولگن.
کانلر و پترولیم وزیرلیگی، فاریاب ولایتیده اوچ توز کان نینگ قازیب چیقریش شرطنامهسینی قریب ۲۵ میلیون امریکالیک دالر گه تېنگ خصوصی بیر شرکت بیلن امضالهگن. کانلر و پترولیم وزیرلیگی بوگون (۵-اسد، جمعه) ایکس صحیفهسیده بیر بیانیه ترقهتیب، فاریاب ولایتیده اوچ توز کان نینگ قازیب چیقریش شرطنامهسینی «ابوسعید» شرکتی بیلن امضالهگنیدن خبر بیرگن.
سرپرست حکومت تشقی ایشلر وزیرلیگی سرپرستی امیرخان متقی، تاپی لایحهسی ایشی عملی طرزده باشلنیشی اسلام امیرلیگی نینگ بیرینچی ایشلریدن بولیب و افغانستانده بو لایحه نینگ عملی ایشی یقین کونلرده باشلنیشی ممکن دیگن.
ایش و اجتماعی ایشلر وزیرلیگی، دولت، خصوصی سکتور، خلقارا نهادلر، بیلیم یورت استادلری و دین عالملری نینگ اشتراکی و همکارلیگی بیلن، کابل شهری ده «ایش ملی کنفرانسی» آتیده ایکّی کونلیک ییغیلیش یولگه قویگن.
افغانستان مرکزی بانکی، ایسکیرگن بیر میلیارد ۷۳ میلیون دن آرتیق افغانی آلاو بیریلگنینی معلوم قیلگن. افغانستان مرکزی بانکی بوگون (۲-اسد، سهشنبه) ایکس صحیفهسیده بیر بیانیه ترقهتیب، ایسکیرگن بیر میلیارد ۷۳ میلیون ۹۶۲ مینگ افغانی آلاو بیریلگنینی یازگن.
مالیه وزیرلیگی ۳۱-سرطان، یکشنبه کونی بیر خبرنامه ترقهتیب، ایچکی محصوللرنی قۉللب-قوتلش اوچون افغانستان گه وارد اېتیلهدیگن بیرقطار توارلر تعرفهسینی کوپهیتیرگنینی معلوم قیلگن. صناعتچیلرن بیرقطاری سلاموطندار بیلن اۉتکزگن صحبتلریده، بیر قطار وارداتی توارلر نینگ باجخانه تعرفهلری کوپهیتیریلیشی بیلن، ایچکی تولیدلر سوداسی یخشیلنیشی گه امید بیلدیرهدیلر.
هرات ولایتی ایکینچیلیک، سوغاریش و چاروهچیلیک مسئوللری، اوشبو ییل نینگ دستلبکی اوچ آی ده بو ولایت دن تورکیه گه ۴۰۰ تُن سیگیر «تېریسی» صادر بولگنینی معلوم قیلهدیلر.
تورکیهلیک سوداگرلر و سرمایه یاتقیزووچیلریدن بیرقطاری، افغانستان کانلر و پترولیم وزیرلیگی رسمیلری بیلن اوچرهشووده، افغانستانده کانلر بولیمیده سرمایه یاتقیزیش گه علاقه کورستگنلر. کانلر و پترولیم وزیرلیگی ۳۰-سرطان، شنبه کونی ایکس صحیفهسیده بیر بیانیه ترقهتیب، اوشبو وزیرلیک سرپرستی هدایتالله بدری تورکیهلیک بیرقطار سوداگرلر و سرمایه یاتقیزووچیلری بیلن پایتخت کابل شهریده اوچرهشگنیدن خبر بیرگن.
احصائیه و معلومات ملی ادارهسی گه کوره، افغانستان سۉنگی بیر آی ایچیده ۹۹۴ میلیون ۲۰۰ مینگ دالرلیک توار آلیش-بیریش قیلگن. اوشبو اداره بوگون (۳۰سرطان، شنبه) ایکس صحیفهسیده بیر بیانیه ترقهتیب، افغانستان اوشبو ییل جوزا آی ده ۹۳ میلیون ۳۰۰ مینگ دالر صادرات و ۹۰۰ میلیون ۹۰۰ مینگ دالر ورادات قیلگنینی یازگن.
افغانستان سودا و سرمایه یاتقیزیش اتاق مسئوللری، افغانستانده میوه و سبزهوات ییغیم-تیریم فصلی باشلنیشی بیلن، پاکستان دولتی اوشبو محصولات نینگ باجخانه تعرفهلرینی نیچه برابر آشیرگنینی معلوم قیلهدیلر.
