کانلر و پترولیم وزیرلیگی سرپرستی هدایتالله بدری تورکمنستان گه قیلگن سفری دایرهسیده، بو مملکت رسمیلری بیلن ایکّی و نیچه تامانلمه مهم اقتصادی لایحهلر جمله دن تاپی، تورکمنستان-افغانستان-پاکستان ۵۰۰ کیلوولت برق لینی (تاپ)، تورغندی-هرات تیمیر یولی نینگ بیرینچی فازینی قوریش و تورغندی بندرینی کېنگهیتیریش شرطنامهلرینی امضالهگن.
تخار ولایتی محلی رسمیلری، اوشبو ولایت نینگ مرکزی تالقان شهریده ۳۲ میلیون افغانیلیک ایکّی کیلومتر سرک نینگ اسفالت قیلیش ایشی باشلنگنیدن خبر بیرهدیلر.
کانلر و پترولیم وزیرلیگی سرپرستی هدایتالله بدری، ۷-سنبله، چهارشنبه کونی تشقی ایشلر، مالیه، فواید عامه وزیرلیکلری همده برشنا شرکتی وکیللریدن عبارت بیر هیئت یېتکچیلیگیده، تورکمنستان نینگ رسمی تکلیفی اساسیده بو مملکت پایتختی عشقآباد گه یېتیب بارگن.
«ترمذ خلقارا سودا مرکزی» یا که افغانستان-اۉزبېکستان اۉرتهسیدهگی قۉشمه سودا بازاری آچیلگن. اسلام امیرلیگی باش وزیری نینگ اقتصادی اورین باسرلیگی ۸-سنبله، پنجشنبه کونی ایکس صحیفهسیده بیر بیانیه ترقهتیب، اوشبو سودا مرکزی تجارتی مناسبتلرنی مستحکملش و سوداگرلر نینگ ایشلری گه قولیلیک کېلتیریش مقصدیده آچیلگنینی معلوم قیلگن.
ایکینچیلیک، سوغاریش و چاروهچیلیک وزیرلیگی سرپرستی عطاءاله عمری، ۸-سنبله، پنجشنبه کونی اوشبو اداره نینگ بیر ییللیک یوتوقلرینی یېتکرمهلر بیلن شریک قیلیش برنامه ده، بو وزیرلیک سۉنگی بیر ییلده همکار ادارهلر نینگ اویغونلیگی بیلن ایکینچیلیک، سوغاریش و چاروهچیلیک بولیمیده ۳۰۰ میلیون دالرلیک ۲۷۱ لایحه ایشی عملگه آشیریلگنینی معلوم قیلگن.
افغانستان نینگ پاکستان پایتختی اسلامآباد دهگی ایلچیخانهسی گه کوره، بیر هفته دن بېری بیرقطار کیشیلر افغانستان نینگ سوداگرلیک توارلرینی پاکستان نینگ خیبر منطقهسیده توختهتگنلر.
سرپرست حکومت ترانسپورت و هوا یوللری وزیرلیگی مسئوللری، بوگون (۵-سنبله، دوشنبه) اوشبو اداره نینگ بیر ییللیک یوتوقلرینی شریک قیلیش برنامه ده، سۉنگی بیر ییلده افغانستان هوا قونالغهلریدن ۱۲ مینگ ۵۰۳ اوچیش عملگه آشیریلگن و بو اوچیشلرده بیر میلیون ۸۹۷ مینگ دن آرتیق کیشی انتقال بیریلگنینی اېتهدیلر.
اۉرته شرق ده کېسکینلیک طفیلی خلقارا هوا یوللری شرکتلری افغانستان فضاسیدن اوچیشلرینی کوپهیتیریش گه دایر گزارشلردن سۉنگ، سرپرست حکومت ترانسپورت و هوا یوللری وزیرلیگی مسئوللری، ۲۴ ساعت ایچیده افغانستان فضاسیدن چمهسی ۲۶۰ اوچیش عملگه آشیریلگنینی معلوم قیلگن.
سلاموطندار مملکت نینگ ۱۴ ولایتیده ۴۰ محنتکار و چاروهچی عیال بیلن سوراو اۉتکزگن، اوشبو سوراو اساسیده اوشبو عیاللر نینگ هېچ بیری ایکینچیلیک، سوغاریش و چاروهچیلیک وزیرلیگی همده ایکینچیلیک سکتورینی قۉللب-قوتلاوچی نهادلر تامانیدن حمایت بولمهگنلرینی اېتگنلر. بو عیاللر سنتی طرزده ایرککلری بیلن محنتچیلیک و چاروهچیلیک ایشلر بیلن شغللنماقدهلیکلرینی معلوم قیلگنلر.
اوشبو وزیرلیک سۉزلاوچیسی محمداشرف حقشناس سلاموطندار بیلن اۉتکزگن صحبتیده، سالنگ قتناو یولی قیته قوریلیشی اوچون بوگون (۱-سنبله، پنجشنبه) ایرتهلب ساعت ۶:۰۰ ده، یوک تاشووچی و یولاوچی تاشووچی موترلر یوزی گه یاپیلگنینی معلوم قیلگن.
اسلام امیرلیگی صناعت و سودا وزیرلیگی مسئوللری، افغانستان و اۉزبيکستان اوچ کونلیک سودا کورگزمهسی ایکّی مملکت اۉرتهسیده ۲.۵ میلیارد دالرلیک ۲۵ شرطنامه امضالنیشی بیلن ۲۹-اسد، دوشنبه کونی یکونلنگنینی معلوم قیلهدیلر.
اوشبو وزیرلیک بوگون (۲۷-اسد، شنبه) ایکس صحیفهسیده بیر خبر ترقهتیب، اسلام امیرلیگی باش وزیری نینگ اقتصادی اۉرین باسری عبدالغنی برادر و اۉزبېکستان باش وزیری عبدالله عارفاوف حضوری بیلن، افغانستان صناعت و سودا وزیرلیگی و اۉزبېکستان سرمایه یاتقیزیش، صناعت و سودا وزیرلیگی اۉرتهسیده، سودا بوییچه شرطنامهلر امضالنگنینی معلوم قیلگن.
اسلام امیرلیگی صناعت و سودا وزیرلیگی، کابل شهریده اۉزبېکستان محصولاتی نینگ ایکّی کونلیک کورگزمهسی یولگه قوییلیشینی معلوم قیلگن. اوشبو وزیرلیک ۲۴-اسد، چهارشنبه کونی ایکس صحیفهسیده بیر بیانیه ترقهتیب، کېلهسی هفته افغانستان خلقارا کورگزمهلر مرکزیده، اۉزبېکستان نینگ محصولاتی کورگزمهسی یولگه قوییلیشینی بیلدیرگن.
افغانستانده جمهوریت توزومی چمهسی ایکّی سنه دن سۉنگ اسلام امیرلیگی قولیده سقوط قیلیشی باشقه ساحهلر گه نسبتن افغانستان نینگ اقتصادی اینیقسه یشاوچیلر نینگ تیریکچیلیک احوالی کېسکینلشی گه سبب بولدی و بو احوالنی یشاوچیلر نینگ افغانستان تجارتی بانکلری برابریده پوللرینی آلیش اوچون تارتگن اوزون صفلریده کوریش ممکن اېدی.
افغانستانلیک سوداگرلردن بیرقطاری سلاموطندار بیلن اۉتکزگن صحبتلریده، کابلده پاکستان ایلچیخانهسی افغانستان و پاکستان گه باریب کېلهدیگن یوک تاشووچی موتر هیداوچیلری گه آیلر اوتیشی بیلن باریب-کېلیش وقتینچهلیک حجت توزیع قیلمهگنینی اېتهدیلر.
مملکت شمال-شرقی ده جایلشگن تخار ولایتی نینگ مرکزی تالقان شهریده «تخار قصری» ده «وطنی و قول توقیمه» محصولات کورگزمهسی یولگه قوییلگن. اوشبو کورگزمه تشکیلاتچیلری بوگون (۱۶-اسد، سهشنبه) سلاموطندار بیلن اۉتکزگن صحبتلریده، تدبیرکار عیال و ایرککلر اۉز محصولات و قول توقیمهلرینی ۱۰۰ غرفه ده کورگزمه گه قویگنلرینی معلوم قیلهدیلر.
