بلخ حاکمیتی مطبوعات ادارهسی بیر بیانیه ترقهتیب، اوشبو مرمر تاش ۲۳-ثور، سهشنبه کونی سرپرست حکومت ییریک رسمیلری حضوری بیلن، اۉزبېکستاننینگ افغانستان اوچون مخصوص وکیلی عصمتالله ایرگشاوف گه تسلیم بیریلگنینی معلوم قیلگن. بیانیه اساسیده، هر موترده ۳۵۰ تخته تاش آرتیلگن جمعی حجمی قریب ۴۰۰۰ متر مربع بولهدی.
پنجشیر ده محلی رسمیلرنینگ ایتیشلریچه، اوشبو ولایتده ایکی مینگ ۸۴ قیراط زمرد، ۹۷ مینگ ۵۰۰ دالر گه ساتیلگن. پنجشیر حاکمی سوزلاوچیسی سیفالدین لتون، بوگون (۲۳-ثور، سهشنبه)، زمردنینگ ملی بیر سوداگرگه ساتیلگنینی بیان قیلگن.
ننگرهار ایکینچیلیک ریاستیده مسئوللرنینگ ایتیشلریچه، پاکستان دن کیلتیریلگن ۱۴ لاری کچالونینگ تیکشیریلگنیدن کیین، ۱۳ تهسی صفتسیزلیک سبب قیتریلگن.
غزنی ولایتی خواجهعمری تومنینینگ «آقاسی» قیشلاغیده، لبنیات توپلش و پروسس قیلیش بیر مرکز آچیلگن. غزنی ایکینچیلیک، سووغاریش و چاروهچیلیک باشلیغی محمداسماعیل شکیبنینگ ایتیشیچه، اوشبو مرکز بیر ساعتده ۵۰۰ لیتر سوتنی پروسس و پاکتلش امکانیتیگه ایگه دیر.
افغانستان بیلن سوداگرلیک علاقهلر کوچهیشی مقصد، بوگون (۲۲-ثور، دوشنبه)، بلخ ده اوزبیکستان تامانیدن «قوشمه سودا اتاقی» اسمی آستیده سوداگرلیک توارلرنینگ دایمی کورگزمهسی آچیلگن.
اسلام امیرلیگی مخابرات و تکنالوژی وزیرلیگی سرپرستی، تخار گه قیلگن سفری دایرهسیده، اوشبو ولایتنینگ ۱۵ تومنیده مخابراتی ینگی سایتلر فعال بولیشیدن خبر بیرگن.
اسلام امیرلیگی ایکینچیلیک، سوغاریش و چاروهچیلیک وزیرلیگی بوگون (۲۲-ثور، دوشنبه) ننگرهار ولایتینینگ ایکینچیلیک، سوغاریش و چاروهچیلیک رسمیلریدن نقل قیلیب، بو ولایتده اوتگن ییللر گه نسبتن اوشبو ییلده شفتالو حاصلی کوپراق بولگنینی معلوم قیلگن.
سرپرست حکومت کانلر و پترولیم وزیرلیگینینگ ایتیشیچه، روسیه سرمایه یاتقیزووچیلری اوشبو وزیرلیک مالی و اداری اورینباسری حسامالدین صابری بیلن اوچرهشگنیده، افغانستان ده سرمایه یاتقیزیلیش امکانیتلرنی مناسب دیب بهالهگنلر.
پاکستان مرکزی بانکینینگ گزارش بیریشیچه، ۲۰۲۴-۲۰۲۵ مالیهوی ییلنینگ توقیز آییده اوتگن ییل شو دوریگه نسبت، اوشبو مملکتنینگ افغانستان گه خذمتلر و توار صادراتی، ۶۴.۴۸ فایز آشگن.
قویاش نورلری شهر یوزیگه ترقهلگن پیتده، قندوز شهرینینگ هر بیر بورچهگیده، یول بویلریده گیلم پرچهسی، تخته یا که بیر چوکی اوستیده اوتکیرگن ایرککلرنی کوریش ممکن-اولرنینگ یگانه ایشی باشقهلرنینگ بوتلرینی تیکیب و بویشدیر.
افغانستانده عیاللر هلیهم سرپرست حکومت تامانیدن ایش و تعلیم آلیش حقوقیدن کېنگ مقیاسده محروم اېتیلگن بیر پیتده، امریکا یاردملرینینگ-دونالد ترامپ فرمانی اساسیده توختهلیشی اولر اوچون ینگی بیر انقراضنی یوزهگه کېلتیرگن.
کابلده بیر قطار خاتین-قیزلر محصولاتلرینی ساتیش و عیاللر باشقرووی بیلن کورگزمهلرنی اوتکزیش مقصدیده بازارنی آچیش گه ییغیلگنلر؛ بو بازارنینگ خریدارلری عیاللر و ایرککلر بولیب و اصلی مقصدی، تدبیرکار عیاللرنی قۉللب-قوتلش دیر.
اسلام امیرلیگی تشقی ایشلر وزیرلیگی سرپرستی امیرخان متقی، تورکمنستان وزیرلر کینگشی اورین باسری و تشقی ایشلر وزیری رشید مرادوف بیلن، افغانستان و تورکمنستان اورتهسیدهگی سیاسی، اقتصادیات و دیپلماتیک علاقهلرنی کېنگهیتیریش حقیده بحث اېتگن.
اسلام امیرلیگی باش وزیرینینگ اقتصادی اورین باسری عبدالغنی برادر، ۱۶-ثور، سهشنبه کونی افغانستان اوچون بیرلشگن عرب امیرلیگی مخصوص وکیلی سیفمحمد الکتبی بیلن اوچرهشیب، ایکّی تامانلمه مناسبتلرنی مستحکملش اینیقسه اقتصاد ساحهسیده بحث اېتگن.
اسلام امیرلیگی سودا و صناعت وزیرلیگینینگ ایتیشیچه، چیننینگ موترسازلیک «دونگفنگ ادی موتورز» کمپنیهسی، افغانستان ده ۵۰ میلیون دالرلیک سرمایه یاتقیزیش گه تیارگرلیگینی معلوم قیلگن. اوشبو سرمایه یاتقیزیلیش تورت فاز و اوچ یریم ییلده عملگه آشیریلیشی ممکن.
اسلام امیرلیگی صناعت و سودا وزیرلیگی رسمیلری، افغانستان قویاش ۱۴۰۳-ییلده ۱۵ میلیون ۲۰۰ مینگ دالرلیک قالین صادر قیلگنینی معلوم قیلهدیلر. اوشبو وزیرلیک سۉزلاوچیسی آخندزاده عبدالسلام جواد، بوگون (۱۶-ثور، سهشنبه) ایکس صحیفهسیده ویدیو فایلده، قویاش ۱۴۰۳-ییلده آلتی مینگ ۶۳۲ تُن قالین صادر قیلگنینی اېتگن.
