لبنان ساغلیقنی سقلش وزیرلیگی نینگ اعلام قیلیشیچه، اوشبو مملکت نینگ بیر قطار بولیملری گه اسرائیل اردوسی آرقهلی اویوشتیرگن هوایی هجوملر عاقبتیده، ۴۹۲ کیشی قربان بولیب و بیر مینگ ۶۴۵ کیشی یرهلنگن.
تورکیه نینگ شمال-غربی حدودلری «بورسا» شهریده تعلیمی بیر اوچاق نینگ قولهشی عاقبتیده ایکّی پیلوت قربان بولگن. آناتولی آژانسی گه کوره، اوشبو تعلیمی اوچاق بوگون (۲-میزان، دوشنبه) تورکیه نینگ شمال-غربی ده جایلشگن بورسا شهریده یشش منطقه ده قولهگن.
بیرلشگن ملتلر تشکیلاتی خلقارا «ایما-اشاره» تیل کونی مناسبتی بیلن، دنیا مقیاسیده ۷۰ میلیون دن آرتیق قولاق دن عاجز کیشی بولیب و اولر نینگ ۸۰ فایزی رواجلنهیاتگن مملکتلرده یشب کېلماقدهلیکلرینی معلوم قیلگن.
سۉنگی کونلرده اۉرته شرق ده کېسکینلیکلر اوج آلماقده اېکن اسرائیل و حزبالله لبنان سۉنگی کونلرده بیر-بیری نینگ مرکزلرینی هوا و راکته بیلن نشانگه آلماقدهلر.
ایران ییتکرمهلری اوشبو مملکت جنوبی خراسان ولایتیده، طبس تاش کومیر کانیده هلاکتلی بیر پارتلش یوز بیرگنیدن خبر بیرگنلر. ایرنا آژانسی نینگ یازیشیچه، حاضرگچه اولگن کیشیلر سانی کمیده ۳۰ گه ییتیشگن.
ایران ییتکرمهلری نینگ گزارش بیریشیچه، اوشبو مملکت جمهور باشلیغی مسعود پزشکیان، بیرلشگن ملتلر تشکیلاتی نینگ ییتمیش توقیزینچی عمومی ییغیلیشی گه قتنهشیش مقصد، امریکا نینگ نیویورک شهریگه کیتگن.
بیبیسی لبنان ساغلیقنی سقلش وزیرلیگیدن نقل قیلیب یازیشیچه، ۳۰-سنبله، جمعه کونی اسرائیل اردوسی نینگ بیروت شهریده اویوشتیرگن هوا هجومی عاقبتیده قربانلر سانی ۱۴ کیشی یېتگن و باشقه اونلب کیشی یرهلنگن، توپراق همده دیوارلر آستیده قالگنلرنی قوتقریش گه سعی-حرکت قیلماقدهلر.
حزبالله لبنان اعضالری نینگ پیجرلری پارتلشی عاقبتیده قربان بولگنلر رقمی ۲۰ کیشی یېتگن. خلقارا یېتکرمهلر لبنان ساغلیقنی سقلش وزیرلیگیدن نقل قیلیب ایتیشلریچه، ۲۸-سنبله، چهارشنبه کونی اوشبو مملکت ده حزبالله اعضالری نینگ پیجرلری پارتلشی عاقبتیده قربانلر ۲۰ کیشی و یرهلنگنلر رقمی ۴۵۰ کیشی گه یېتگن.
فلسطین ساغلیقنی سقلش وزیرلیگی نینگ اعلام قیلیشیچه، اسرائیل نینگ نوار غره گه اویوشتیرگن هجوملری نتیجهسیده، کمیده ۲۰ فلسطینلیک قربان بولیب و ۵۴ کیشی ایسه یرهلنگن.
۲۰۲۴-ییل خلقارا فوتسال کپی ده بوگون تورت مسابقه بولیب اۉتهدی. اۉزبېکستان میزبانلیگی بیلن خلقارا فوتسال اویینلری دوام اېتماقده اېکن بوگون (۲۷-سنبله، سهشنبه) کارستاریکا-هالند؛ تایلند-کوبا فوتسال تیرمه جماعهلری افغانستان وقتی بیلن عصر پیتی ساعت ۵:۰۰ ده و برزیل-کرواسیا همده اۉزبېکستان-پاراگوئه شام پیتی ساعت ۷:۳۰ ده بیللهشوولری کوتیلهدی.
روسیه اردوسی نینگ اوکراین خارکیف شهریده کوپ قووتلی بنادهگی هجومی عاقبتیده بیر کیشی هلاک بولیب و ۴۲ کیشی یرهلنگن. رویترز آژانسی گه کوره، ۲۵-سنبله، یکشنبه کونی روسیه اردوسی تامانیدن باشقریلهدیگن بمب، اوکراین نینگ ایکّینچی بویوک شهری خارکیف دهگی بیر بنا ده اصابت قیلگن.
۲۰۲۴-ییل خلقارا فوتسال کپی، بوگون (۲۴-سنبله، شنبه) اۉزبېکستان میزبانلیگی بیلن رسمی طرزده باشلندی. بو رقابتلر نینگ بیرینچی بیللهشوویده تایلند فوتسال ملی تیرمه جماعهسی ۲:۱ حسابی بیلن کرواسیا گه غلبه قازانیب و اوچ امتیازنی آلدی.
تورک دولتلری تشکیلاتی تامانیدن تشکیل اېتیلگن تورک دنیاسی اکادمیه کمیتهسی، ۳۴ حرف دن عبارت مشترک تورک الفباسینی قبول قیلگن. تورکیه «تیآرتی» یېتکرمهسی ۲۱-سنبله، چهارشنبه کونی ترقهتگن گزارشیده، تورک دنیاسی عالملری ۳۴ حرف دن عبارت مشترک تورک الفباسینی قبول قیلگنلرینی معلوم قیلگن. تورک دنیاسی عالملری تامانیدن ینگیلیکده قبول قیلینگن بو الفبا، تورک خلقلری اۉرتهسیده اۉز ارا توشونیش و همکارلیکّه یاردم بیریشی اېتیلگن.
ایران جمهور باشلیغی مسعود پزشکیان عراققه قیلگن سفری دایرهسیده بو مملکت رسمیلری بیلن ۱۴ شرطنامه امضالهگن. تورکیه آناتولی آژانسی گه کوره، ایران جمهور باشلیغی مسعود پزشکیان، عراق پایتختی بغداد گه رسمی سفری دایرهسیده، مذکور مملکت جمهور باشلیغی عبداللطیف رشید بیلن اوچرهشووده، ایکی مملکت نینگ مناسبتلری مستحکملنیشی گه قۉشیمچه، فلسطین نینگ غزه شهریدهگی «قیرغین» گه چېک قوییلیشی اوستیگه تأکید اېتگنلر.
اسرائیل اردوسی نینگ غزه مرکزیده جایلشگن بیر مکتب گه اویوشتیرگن هجومیده، کمیده ۱۸ کیشی قربان بولیب و اونلب کیشی ایسه یرهلنگن.
روسیه نینگ خودمختار جمهوریتلریدن چیچنستان جمهور باشلیغی رمضان قدیروف تورکیه گه تشریف بویرگن. قدیروف جنابلری ۱۹-سنبله، دوشنبه کونی شام پیتی تلگرام کانالی ده، تورکیه گه سفر قیلگنیدن خبر بیرگن. چیچنستان جمهور باشلیغی، اوشبو سفری دایرهسیده، «عثمان تشکیلاتی» تلویزیونی ایشلرینی یقیندن باریب کوزهتگنینی معلوم قیلگن.
