بنگلادیش خلقارا جنایی محکمه، ۲۶-میزان، پنجشنبه کونی، اوشبو مملکت نینگ سابق باش وزیری شیخ حسینه نینگ قولگه آلینیشنی بویرگن. خانم حسینه بنگلادیش ده طلبهلر نینگ ناراضیلیگی جریانیده «توپلم اولدیریش» ده رولی بارلیککه عیبلنگن.
اسرائیل تشقی ایشلر وزیرلیگی و اوشبو مملکت اردوسی، غزه ده حماس نینگ سیاسی اداره باشلیغی یحیا سنوار نینگ اولیمینی رسمی طرزده تصدیقلهگنلر.
ارجنتاینلیک فوتبال یولدوزی لیونل مسی، ملی تیرمه جماعه ده ۱۱۲ گل بیلن اېنگ کوپ گل اورگن ایکّینچی فوتبالچی گه اېلنگن. لیونل مسی بوگون (۲۵-میزان، چهارشنبه) اېرتهلب محلی وقت بیلن ساعت ۴:۳۰ ده بولویا بیلن مسابقه ده، هتریک قیلیب ایران فوتبال یولدوزی علی دایی دن اوتیب و ملی تیرمه جماعه ده اېنگ کوپ گل اورگن ایکّینچی فوتبالچی گه ایلنگن.
اسرائیل اردوسی، بوگون (۲۵-میزان، چهارشنبه) بامداد پیتی حزبالله لبنان اسرائیل گه ۵۰ موشک آتگنیدن خبر بیرگن. خلقارا یېتکرمهلر نینگ معلوماتی اساسیده، حزبالله لبنان بو راکتهلر نینگ کوپینچهسینی اسرائیل نینگ «صفد شهری» تامان آتگن. اوشبو هجوملر نینگ احتمالی تلفاتی و زیانلری همده یوق اېتیلیشی حقیده حاضرگه قدر ایضاح کېریتیلمهگن. اسرائیل و حزبالله لبنان اۉرتهسیدهگی سۉنگی توقنشوولر، منطقه ده برچه تامانلمه اوروش باشلنیش گه دایر خواطرلرنی آشیرگن.
اۉرته شرق اینیقسه اسرائیل و ایران آرهسیده کېسکینلیک اوج آلگچ، آسترالیا تشقی ایشلر وزیرلیگی اوشبو مملکت یشاوچیلریدن اسرائیل نی ترک اېتیشلرینی اېستهگن. آسترالیا تشقی ایشلر وزیری پتی وانگ ۲۳-میزان، دوشنبه کونی ایکس صحیفهسیده بیر بیانیه ترقهتیب، بو مملکت یشاوچیلریدن اسرائیل نی تیزلیک بیلن ترک اېتیشلرینی سورهگن.
لبنان ساغلیقنی سقلش وزیرلیگی نینگ اعلام قیلیشیچه، اوشبو مملکت گه اسرائیل آرقهلی اویوشتیریلگن هوایی هجومده، ۲۱ کیشی قربان بولیب و سکیز کیشی ایسه یرهلنگن.
لبنان ساغلیقنی سقلش وزیرلیگی نینگ اعلام قیلیشیچه، سونگی ۲۴ ساعتده اوشبو مملکت نینگ بیر قطار بولیملری گه اسرائیل اردوسی آرقهلی اویوشتیریلگن هجوملر عاقبتیده، کمیده ۶۰ کیشی قربان بولیب و ۱۶۸ کیشی ایسه یرهلنگن.
اسرائیل نینگ غزه گه اویوشتیرگن هوایی هجوملری نتیجهسیده، کمیده ۶۴ کیشی قربان بولیب و اونلب کیشی ایسه یرهلنگن.
الجزیره خبری ترماغی نینگ گزارش بیریشیچه، مذکور کیشیلر اوتگن کونی اسرائیل اردوسی نینگ نوار غزه شمالی گه اویوشتیرگن هجوملریده قربان بولگن.
خلقارا یېتکرمهلر نینگ معلوماتی اساسیده، اسرائیل اردوسی نینگ سوریه پایتختی دمشققه راکته هجوملری عاقبتیده ییتّی کیشی قربان بولیب و باشقه ۱۱ کیشی یرهلنگن. معلوماتلر گه کوره، اسرائیل اردوسی نینگ بو هجوملریده بالهلر و عیاللر قربان بولیشی گه قۉشیمچه منطقه دهگی یشاوچیلر گه کوپینچه مالی نقصان یېتکیزگن.
الجزیره یېتکرمهسی نینگ معلوماتی اساسیده، حزبالله لبنان بوگون (۱۶-میزان) دوشنبه) اونلب راکته بیلن اسرائیل شمالیده «حیفا» شهری گه هجوم قیلگن. اسرائیل محلی یېتکرمهلری، حزبالله نینگ ایکّی راکتی حیفا شهری و باشقه بیش راکتی حیفا نینگ ۶۵ کیلومترلیگیده جایلشگن طبریه شهریده اصابت قیلگنینی اېتگنلر.
پاکستان نینگ کراچی هوا قونالغهسی یقینیده یوز بیرگن پارتلش عاقبتیده چینلیکلر شامل ایکّی کیشی هلاک بولیب و باشقه ۱۰ کیشی یرهلنگن.
اۉزبېکستان میزبانلیگی بیلن بولیب اۉتگن بو مسابقه ده برازیل ۲-۱ حسابی بیلن ارجنتاین گه غلبه قازانیب و اوشبو رقابتلرده آلتینچی مراتبه قهرمانلیگینی نشانلهدی. جنوبی امریکا ده جایلشگن فوتسال بوییچه بو ایکّی سنتی و قدیمی رقیب اۉرتهسیده اوشبو مسابقه ۱۵-میزان، یکشنبه کیچه، اۉزبېکستان پایتختی تاشکینت شهری نینگ «هومو آرنا» سپورت میدانیده بولیب اوتدی.
برازیل فوتسال ملی تیرمه جماعهسی ۱۱میزان، چهارشنبه کونی رقیبی اوکراین گه ۳-۲ حسابی بیلن غلبه قازانیب اوشبو مسابقهلر نینگ فاینلیستی بولگن اېدی و ۱۲-میزان، پنجشنبه کونی ارجنتاین و فرانسه فوتسال جماعهلری بیللهشیب و نهایت ارجنتاین هم ۳-۲ حسابی بیلن فرانسه نی مغلوب قیلیب و فاینل ده برازیل رقیبی بولدی. بوندن آلدین و اۉتگن توقیز دوره ده، بو ایکّی مملکت نینگ فوتسال جماعهلری هېچ قچان فاینل ده یوزمه یوز بولمهگنلر.
اسرائیل نینگ غزه دهگی بیر مسجد گه اویوشتیرگن هوایی هجومی عاقبتیده، کمیده ۲۱ کیشی قربان بولیب و اونلب کیشی یرهلنگن. الجزیره خبری ترماغی نینگ گزارش بیریشیچه، اسرائیل اردوسی بوگون (یکشنبه، ۱۵-میزان)، نوار غزه مرکزیده جایلشگن بیر مسجدنی نشان گه آلگن.
اسرائیل اردوسی لبنان گه هوا هجوملری گه دوام بیرماقده اېکن، ایران تشقی ایشلر وزیری سیدعباس عراقچی ۱۳-میزان، جمعه کونی بیروت گه سفر قیلگن اېدی، او ییردن سوریه پایتختی دمشققه سفر قیلگن. عراقچی، اوشبو سفری دایرهسیده سوریه یوقاری مرتبهلی رسمیلری بیلن اوچرهشیب و ایکّی تامانلمه و منطقه دهگی مسئلهلرنی بحث گه آلیشی اېتیلگن.
اسرائیل اردوسی لبنان گه هوا هجوملری گه دوام بیرماقده اېکن، ایران تشقی ایشلر وزیری سیدعباس عراقچی بیروت گه سفر قیلگن. ایران تشقی ایشلر وزیرلیگی سۉزلاوچیسی اسماعیل بقائی گه کوره، عراقچی بوگون (۱۳-میزان، جمعه) لبنان رسمیلری بیلن اوچرهشیش اوچون بو مملکت پایتختی بیروت گه سفر قیلگن.
