فلسطین ساغلیقنی سقلش وزیرلیگی، غزهده اسرائیل اردوسینینگ اوتگن بیر کیچه-کوندوز ایچیدهگی هجوملری عاقبتیده، چمهسی ۶۲ کیشی قربان بولیب و باشقه اونلب کیشی یرهلنگنینی اعلان قیلگن. الجزیره یېتکرمهسی، بوگون (۳-اسد، جمععه) ترقهتگن گزارشی اساسیده، اوتگن کون ۱۹ فلسطینلیک انسان سیورلیک یاردم آلیش اوچون کوتیب تورگن پیتده، آتیب اولدیریلگن.
فرانسه دولت رهبری امانوئل مکرون، یقین شرقده عدالتلی صلح برقرار ایتیلیشی مقصدیده، فلسطیننی بیر مملکت اولهراق تن آلیشینی ایتگن.
روسیهنینگ شرقی حدودلریده قولب توشگن اوچاقنینگ بوتون یولاوچیلری هلاک بولگن.
روسیهنینگ شرقی حدودلریده ۵۰ یولاوچیسی بولگن بیر اوچاق یوقالگن.
تورکیه رسمیلری، اوشبو مملکتنینگ اېسکی شهر ولایتیده آلاو اوچیرووچیلر کېنگ مقیاسلی یانغیننی اوچیریشگه حرکت قیلهیاتگن پیتده، توستدن آلاو النگهسی اولر تامان کېنگهیگن. اوشبو حادثهده، چمهسی ۱۰ آلاو اوچیرووچی هلاک بولیب و باشقه ۱۴ کیشی کویگن.
بیرلشگن ملتلر تشکیلاتی مهاجرلر ایشلری بوییچه عالی کمیشنری فیلیپو گراندینینگ اعلام قیلیشیچه، افغانستانلیک قاچقینلر قیینچیلیگی حلی اوچون اسلام امیرلیگی و ایران اسلامی جمهورلیک رسمیلری بیلن اوچرهشگنیده، اوچ تامان آرهسیده اوچ تامانلمه مذاکرهلر اوتکزیلیشیگه کیلیشیلگن.
بیرلشگن ملتلر تشکیلاتی باش کاتبی، انسان سیورک یاردم ترقهتیلیشی جریانیده فلسطینلیکلر نشانگه آلینیشینی «وحشی و انسانیت» گه قرشی حرکت دیب و اونی قارهلهگن.
امریکا قۉشمه ایالتلری جمهور باشلیغی دونالد ترامپ، ضرورت بولگن حالده، ېنه هم ایران گه حربی هجوم قیلیشی حقیده آگاهلنتیردی. ترامپ، بوگون (۳۱-سرطان، سهشنبه) تروث سوشال اجتماعی ترماغیده، ېنه بیر مرته ایراننینگ هستهای سایتلری یوق قیلینگن سۉزلرینی تکرار قیلیب و ضرورت بولگن حالده، ایران گه حربی هجوم قیلیش گه تیارلیگینی بیلدیرگن.
نوار غزه بویلب اسرائیلنینگ کیتمه-کیت ییر و هوا هجوملری دوام قیلیب و اوتگن ۲۴ ساعتده، کمیده ۶۰ فلسطینلیک قربان بولگن. الجزیره ترماغینینگ بوگون (۳۱-سرطان، سهشنبه)، گزارش بیریشیچه، اوتگن کون آزیق-آوقت یاردملرینی قولگه کیلتیریش اوچون سعیوحرکت قیلهیاتگن ۱۱ کیشی، اسرائیل کوچلری آرقهلی اوققه توتیلیب و قربان بولگن.
فلسطین ساغلیقنی سقلش وزیرلیگینینگ اعلام قیلیشیچه، اوتگن کون (۲۹-سرطان، یکشنبه)، غزه ده انسانسیورلیک یاردملر ترقهتیلیش جریانیده، کمیده ۶۷ فلسطینلیک اوققه توتیلیب و قربان بولگن.
روسیه آرقهلی اوکرایننینگ بیر قطار بولیملریگه پهپاد و راکته بیلن هجوم اویوشتیریلگنی نتیجهسیده، کمیده ایکی کیشی اولیب و ۱۵ کیشی ایسه یرهلنگن. رویترز آژانسینینگ بوگون (۳۰-سرطان، دوشنبه)، گزارش بیریشیچه، اوشبو هجوملر اوتگن کیچه اویوشتیریلیب و اوکراین پایتختی کییفنینگ بیر قطاری بولیمیده یانغین یوز بیرگن.
اسرائیل باشوزیری ادارهسینینگ اعلام قیلیشیچه، بنیامین نتانیاهو آزیق-آوقتدن زهرلنگن. خلقارا ییتکرمهلر، اسرائیل باشوزیری ادارهسیدن نقل قیلیب یازیشیچه، نتانیاهو کیلهسی اوچ کون دوامیده رسمی ایشلرینی اوییدن بجرهدی.
غزهده اسرائیل تامانیدن انسان سیورلیک یاردملر یېتکزیب بیریلیشی گه دایر چېکلاولر دوام اېتماقده اېکن، سۉنگی ۲۴ ساعت ایچیده آچلیک طفیلی ۱۸ کیشی هلاک بولگن. تورکیه آنادولی یېتکرمهسی گه کوره، غزهده انسان سیورلیک یاردملر یېتکزیب بیریلیشی گه دایر اسرائیل تامانیدن یرهتیلگن چېکلاولر دوام اېتیشی، انسانی فاجعه گه سبب بولگن.
خلقارا ییتکرمهلرنینگ گزارش بیریشیچه، اوتگن ۲۴ ساعت ایچیده اسرائیل اردوسینینگ ییر و هوا هجولریده، کمیده ۱۱۶ فلسطینلیک قربان بولگن. الجزیره ترماغینینگ بوگون (۲۹-سرطان، یکشنبه)، گزارش بیریشیچه، اسرائیل آرقهلی غزهنینگ وقفهسیز بمباردمان بولیشی حاضرگچه دوام ایتماقده.
امریکا قۉشمه ایالتلری لاسانجلس شهری محلی رسمیلری، کنسرت اوتکزیلیشی جاییگه کیریش اوچون صف تارتگنلر آرهسیده بیر موترنینگ اوریلیشی عاقبتیده چمهسی ۳۰ کیشی یرهلنگنینی معلوم قیلگنلر.
روسیه، اوتگن کیچه ۳۰۰ دران و ۳۰ دن آرتیق راکته بیلن اوکرایننینگ نیچه شهریگه هجوم اویوشتیرگن.
