امریکا جمهور باشلیغی دونالد ترامپ، سعودی عربستان پایتختی ریاض شهریده اوشبو مملکت ایلچیخانهسی ایران تامانیدن ایکی اوچووچیسیز اوچاق بیلن نشانگه آلینیشیگه مناسبت بیلدیریب، قصاص آلیشی حقیده آگاهلنتیردی. او ییتکرمهلر بیلن اوتکزگن صحبتیده، یقینده قصاص آلینیشینی بیلدیرگن.
ننگرهار ییتکرمهلر ادارهسی، ۱۱ حوت/۲ مارچ، دوشنبهدن سهشنبه گه اوتر کیچه، پاکستان حربی کوچلری بو ولایتنینگ نازیان تومنیگه هجوم قیلیب و اونینگ نتیجهسیده ایکی تینچ اهالی یرهلنگنینی بیلدیردی. ننگرهار ییتکرمهلر ادارهسینینگ بیانیهسیگه کوره، پاکستان اوتگن کیچه ساعت ۱۲:۰۰ اطرافیده «دیسی» توپلری بیلن ننگرهار نازیان تومنیده تینچ اهالی یشش اویلرینی نشانگه آلگن.
سعودی عربستان مدافعه وزیرلیگی، اوشبو مملکت پایتختی ریاض شهریده امریکا ایلچیخانهسی ایران اوچووچیسیز اوچاقلری آرقهلی نشانگه آلینگنینی تصدیقلهدی. سعودی عربستان مدافعه وزیرلیگی سوزلاوچیسی، بوگون (۱۲ عقرب/۳ مارچ، سهشنبه) ایکس صحیفهسیده، بو مملکتده امریکا ایلچیخانهسی ایکی اوچووچیسیز اوچاق بیلن نشانگه آلینگنینی یازگن.
انسان حقلری بوییچه بیر نهاد، امریکا و اسرائیلنینگ ایران گه قوشمه هجوملری عاقبتیده بیر کون ایچیده چمهسی ۹۶ کیشی اولگنینی بیلدیردی. الجزیره گه کوره، ۱۱ حوت/۳ مارچ، دوشنبه کونی، ایرانده ۸۵ تینچ اهالی و ۱۱ عسکر اولگن. انسان حقلر بوییچه تشکیلات (هرانا)نینگ معلوماتیگه کوره، امریکا و اسرائیلنینگ ایران گه هجوم قیلگنلریدن بیری جمعی ۷۴۲ کیشی اولگن. اوشبو نهاد، قربانلر آرهسیده بالهلر هم بارلیگینی بیلدیرگن.
ایران ییتکرمهلرینینگ گزارش بیریشیچه، آیتالله علی خامنهاینینگ تورموش اورتاغی منصوره خجسته باقرزاده، اولگن.
اسلام امیرلیگی تشقی ایشلر وزیرلیگی، بوگون (۱۱-حوت، دوشنبه)، بیر بیانیه ترقهتیب، تشقی ایشلر وزیری امیرخان متقینینگ ایران تشقی ایشلر وزیری سیدعباس عراقچی بیلن تلیفونی سوزلشگنیدن خبر بیرگن. بو سوزلشووده سونگی اوزگریشلر و منطقه دهگی حاضرگی وضعیت توغریسیده بحث و صحبت بولگن.
لبنان ساغلیقنی سقلش وزیرلیگی، اسرائیل آرقهلی لبنان جنوبی و بیروت شهری جنوبی حدودیگه اویوشتیریلگن هوا هجوملری نتیجهسیده، ۳۱ کیشینینگ قربان بولگنیدن خبر بیرگن.
کویت مدافعه وزیرلیگی، اوشبو مملکتده امریکانینگ نیچته حربی اوچاغی قولب توشگن بیراق پیلوتلری جانلی چیققنینی بیلدیرگن. اجتماعی ترماقلرده ترقهلگن ویدیولرده، اوشبو اوچاقلردن بیرینینگ پیلوتی تشقریگه آتیلگنی ترقهلگن. کویت مدافعه وزیرلیگی، امریکا اوشبو اوچاقلری نیمه سبب قولشی حقیده ایضاح کیریتمهگن. ویدیولردن باشقه بیریده، کویت آسمانیده امریکا حربی هوا کوچلرینینگ F-15 جنگری اوچاغی قولب توشهیاتگنی ترقهلگن.
اسرائیل اردوسینینگ اعلام قیلیشیچه، حزبالله لبنان گه قرشی هجوملرینی کوچهیتیریب و حاضرگچه نیچه منطقهده اونینگ قوراللی انبارلرینی نشانگه آلگن.
امریکانینگ تگزاس ایالتیده اوق آتیش عاقبتیده ۲ کیشی اولگن و ۱۴ کیشی یرهلنگن.
ایران ملی خوفسیزلیک عالی کینگشی کاتبی علی لاریجانی، بو مملکتنینگ امریکا بیلن هیچ قندهی مذاکره قیلمسلیگینی معلوم قیلگن. بوندن آلدین الجزیره خبری ترماغی، وال استریت ژورنال دن نقل قیلیب، لاریجانی واشینگتن بیلن مذاکرهلر قیته باشلنیشی اوچون سعیوحرکتلرنینگ باشلهگنیدن گزارش بیرگن ایدی. امریکا و اسرائیل ۹-حوت، قوشمه شکلده ایران گه هجوم قیلگنلر که مذکور هجوملر نتیجهسیده…
ایران سپاه پاسداران، امریکا «آبراهام لینکلن» کیمهسینی تورت بالستیک راکته بیلن نشانگه آلگنینی اعلان قیلدی، امریکا هم عمان خلیجیده ایراننینگ بیر حربی کیمهسینی نشانگه آلیب و چوکتیرگنینی بیلدیردی.
اسلام امیرلیگی ملی مدافعه وزیرلیگی سوزلاوچیسی عنایتالله خوارزمی، بوگون (۱۰-حوت، یکشنبه)، اکس صحیفهسیده یازیشیچه، مدافعه کوچلرینینگ قصاص آلیش عملیاتی جریانیده، اوتگن کیچه ینه بیرمرته ننگرهار، پکتیا، خوست و قندهار ده پاکستان کوچلریگه قرشی هجوملر اویوشتیریلگن.
الجزیره خبری ترماغینینگ گزارش بیریشیچه، عراق دولتی ایران رهبری آیتالله علی خامنهاینینگ اولگنی مناسبتی بیلن، اوچ کونلیک عمومی ماتم اعلام قیلگن.
ایران رهبری علی خامنهای اولگنی طفیلی بو مملکتنینگ قصاص آلیش هجوملری دوامی بیلن بیرگه، کویت ده هوا هجوملری توغریسیده خوف قونقیراغلری چلینیب و شونینگدیک قطر ده نیچه پارتلش سیسی ایشیتیلگن.
امریکا جمهور باشلیغی دونالد ترامپنینگ ایتیشیچه، ایران بو مملکت و اسرائیلگه قرشی یامان یاندهشگنی صورتده، اوشبو مملکتگه کوریلمهگن کوچ بیلن هجوم قیلهدی.
