ایران یېتکرمهلرینینگ معلوماتی اساسیده، اسرائیل اردوسی بوگون (۲۸-جوزا، چهارشنبه) بامداد چاغی، عسکرلیک بیلیم یورتی، امام حسین تربیتی و شونینگدیک تهران شرقیده «خجیر» راکته ایشلب چیقرووچی آست قورمهلرنی نشانگه آلگنینی معلوم قیلگنلر.
ایران اسلامی جمهوریتینینگ مذهبی لیدری آیتالله علی خامنهای، «خیبر اوروشی» ینگی باسقیچی باشلنگنینی معلوم قیلدی. خامنهای، بوگون (۲۸-جوزا، چهارشنبه) ایرتهلب بامداد چاغی، ایکس صحیفهسیده بو حقده خبر بیرگن. ایران یېتکرمهلری، اوشبو مملکت «فتاح-۱» راکتهلرینی اسرائیل تامان آتگنیدن خبر بیرگن بیرحالده، خامنهای خیبر اوروشی باشلنگنینی بیلدیرگن.
مشهور پرتگال فوتبال یولدوزی کریستیانو رونالدو، امضاسی توشیریلگن کېیمینی امریکا جمهور باشلیغی دونالد ترامپنینگ توغیلگن کونی مناسبتی بیلن اونگه ساوغه قیلگن.
اسرائیل و ایران اوروشنینگ بیشینچی کونیده هم، بیر بیرینینگ مملکتیگه هجوملرینی دوام بیرگنلر. اسرائیل بوگون تهراننینگ بیر قطار بولیملری و کاشان همده تبریز شهرلرینی نشان گه آلگن که اوشبو هجوملر نتیجهسیده، ایران اهالیسیدن قطاری اولیب و یرهلنگن.
عرب و منطقهدهگی ۲۰ دولت تشقی ایشلر وزیرلری قۉشمه بیانیه صادر قیلیب، اسرائیلنینگ ایران گه هجوملرینی قتیق قارهلب و توقنشوولریگه تیزلیک بیلن چېک قوییشلرینی سورهگنلر.
اسرائیل ییتکرمهلرینینگ گزارش بیریشیچه، بوگون ایرتهلب (۲۷-جوزا، سهشنبه)، ایران اسرائیل توپراغیده نیچه بولیم جملهدن تلآویو و اورشلیم نی راکته هجوملری بیلن نشانگه آلگن.
اوکراین رسمیلرینینگ اعلام قیلیشیچه، روسیه آرقهلی بو مملکتنینگ بیر قطار بولیملریگه اویوشتیریلگن پهپاد و راکته هجوملری نتیجهسیده، کمیده ۱۵ کیشی اولیب و ۷۵ دن آرتیق کیشی یرهلنگن.
اسرائیلنینگ تهران ده صداوسیما بناسیگه اویوشتیرگن هجومی نتیجهسیده، بو ییتکرمهنینگ یرهلنگن ایکی ایشلاوچیسی، جانلرینی قولدن بیرگنلر.
خلقارا ییتکرمهلرنینگ گزارش بیریشیچه، دوشنبه کونی ایرتنگ چاغیدن حاضرگچه نوار غزه گه اسرائیل اردوسینینگ اویوشتیرگن هجوملریده، کمیده ۵۶ فلسطینلیک قربان بولگن.
تلآویوده چین ایلچیخانهسی، اۉز یشاوچیلریدن تیزلیک بیلن اسرائیلدن چیقیشلرینی سورهگن. اوشبو ایلچیخانه، ۲۶-جوزا، دوشنبه کونی اسرائیلده امنیتی احوال کېسکینلشماقده اېکن، چین یشاوچیلریدن زمینی چېگرهلر بیلن اسرائیلدن چیقیشلرینی مصلحت بیرگن.
اسرائیل باش وزیری ادارهسینینگ اعلام قیلیشیچه، جمعه کونی توقنشوولر باشلنگنیدن دوشنبه کونی ایرتهلیگچه، اسرائیل ده قریب ۲۴ کیشی هلاک بولیب و ۵۹۲ کیشی یرهلنگن.
العربیه، اسرائیل امنیتی منبعلریدن نقل قیلیب، ایران اسرائیللیک حربی منبعلر و قوماندانلرنینگ یشش اویلرینی نشانگه آلیشنی باشلهگنینی معلوم قیلگن. عینحالده، ۲۵-جوزا، یکشنبهدن دوشنبه گه اوتر کیچه، ایران اسرائیل پایتختی تلآویو شامل حیفا و باشقه بیرقطار شهرلرینی نشانگه آلگن.
خلقارا ییتکرمهلرنینگ گزارش بیریشیچه، اوتگن کیچه اسرائیل گه ایراننینگ اویوشتیرگن راکته هجوملری نتیجهسیده، کمیده اوچ کیشی اولگن که توپلم شکلده قربانیلر رقمی ۱۷ کیشیگه ییتیشگن. «سیانان» خبری ترماغینینگ گزارش بیریشیچه، مذکور اوچ کیشی اسرائیل پایتختی تلآویو ده هلاک بولگنلر.
تورکیهنینگ جمهورلیک ریاستی ادارهسی بیر بیانیه آرقهلی، اوتگن آخشم (۲۵-جوزا، یکشنبه)، تورکیه جمهور باشلیغی رجب طیب اردوغان بیلن امریکا جمهور باشلیغی دونالد ترامپنینگ تیلفونی سوزلشگنیدن خبر بیرگن.
هندوستان یېتکرمهلری، اوشبو مملکتده بیر تیکاوچرنینگ قولشی عاقبتیده ایچیدهگی ییتتی یولاوچی جملهدن پیلوت هلاک بولگنیدن خبر بیرگنلر. اوشبو واقعه، بوگون (۲۵-جوزا، یکشنبه) ایرتهلب تیکاوچر «کدارنات»دن «گوپتکاشی» گه یوللنگن بیرحالده یوز بیریب و گوریکند حدودی یقینیده قولب توشگن.
خلقارا ییتکرمهلر، ایراننینگ اسرائیل گه اویوشتیرگن هجوملری نتیجهسیده، ۱۰ کیشینینگ اولگنیدن خبر بیرگن. الجزیره خبری ترماغینینگ گزارش بیریشیچه، مذکور کیشیلر ایران آرقهلی اسرائیلنینگ تورلی بولیملریگه اویوشتیریلگن هجوملرده اولگنلر.
