اسرائیل تشقی ایشلری وزیری گیدئون ساعرنینگ ایتیشیچه، مذکور مملکت نوار غزه ده آتیش کیسین برقرار ایتیلیشی و گروگه آلینگنلرنینگ المشتیروو بوییچه کیلیشووگه ییتیشیش اوچون «جدی» بولیب و بو توغریده بیر قطار «ایجابی نشانهلر» هم کوریلهدی.
فلسطین ساغلیقنی سقلش رسمیلرینینگ گزارش بیریشیچه، نوار غزه بویلب اسرائیلنینگ ینگی هجوملری نتیجهسیده، ۳۰ دن آرتیق فلسطینلیک قربان بولیب و باشقه اونلب کیشی یرهلنگن.
امریکا جمهور باشلیغی دونالد ترامپنینگ ایتیشیچه، اسرائیل غزه ده ۶۰ کونلیک آتیش کیسین تکلیفینی قبول قیلگن. گزارشلر اساسیده، دونالد ترامپ بو موضوعنی اوتگن کون (۱۰-سرطان، سهشنبه)، بیان قیلیب و شونینگدیک حماسدن آتیش کیسین تکلیفینینگ قبول قیلیشینی سورهگن.
جرمنی، برلین شهریده دنمارک یشاوچیسینینگ ایران اوچون جاسوسلیک قیلیش عیبی بیلن قولگه آلگچ، ایران ایلچیسی مجید نیلی احمدآبادینی چقیرتیرگن.
قزاقستان جمهور باشلیغی تامانیدن، اوشبو مملکتده عمومی جایلرده یوزنی یاپیش منع قیلینگن. رویترز گه کوره، قزاقستان دولت رهبری قاسم جومارت توکایف، ۹-سرطان، دوشنبه کونی اوشبو قانوننی امضالهگن. ینگی قاعدهلر گه کوره، یوزنی تولیق یاپیش فقط رسمی وظیفهلرنی بجریش، طبی سببلر، آغیر آب-هوا شرایطیدن اۉزنی قوریقلش، سپورت و مدنی تدبیرلرده اشتراک اېتیش اوچون ضرور دیب حسابلنگن حاللرده، رخصت اېتیلهدی.
غزه ده اوروش یکونلنیشی اوچون امریکا جمهور باشلیغی آرقهلی سعیوحرکتلرنینگ دوام قیله یاتگنی بیرحالده، اسرائیل ینه هم غزه گه قرشی هجوملرینی دوام بیرگن.
امریکا جمهور باشلیغی دونالد ترامپ، اوتگن کونی بو مملکتنینگ سوریه گه بولگن تحریملرینی بیکار قیلیش بویروغینی امضا قیلگن.
تورکیهنینگ ازمیر ولایتی اورمانلی حدودلریده، کېنگ کولمده یانغین صادر بولیب و تورت قیشلاق بوشهتیلگن.
فلسطین ده ساغلیقنی سقلش رسمیلری، نوار غزه بویلب اسرائیل هجوملری کوچهیگنی و قربانیلر رقمی آشگنیدن خبر بیرگنلر.
بیرلشگن ملتلر تشکیلاتیده ایران وکیلی امیر سعید ایروانی، اورانیومنی باییتیش جریانی هېچ قچان توختهتیلمسلیگینی معلوم قیلگن. ایروانی، ۸-سرطان، یکشنبه کونی «سیبیاس» یېتکرمهسی بیلن اۉتکزگن صحبتیده بو حقده خبر بیرگن. او، امریکا بیلن مذاکره قیلیش گه تیار اېکنلری لېکن بو ایش اوچون شرایط مناسب اېمسلیگینی بیلدیرگن.
ایران رسمیلرینینگ ایتیشلریچه، ۲۳-جون تهران ده اوین قماقخانهسیگه اسرائیلنینگ اویوشتیرگن هجومی نتیجهسیده، ۷۱ کیشی قربان بولگن.
امریکا قۉشمه ایالتلری آیداهو ایالتی کوردآلنده اوق آتیش عاقبتیده اطفائیه ایککی خادمی هلاک بولگن. خلقارا یېتکرمهلرنینگ معلوماتی اساسیده، بو واقعه ۸-سرطان، یکشنبه کونی یوز بیرگن. معلوماتلر گه کوره، اطفائیه خادملری، اورمانده صادر بولگن یانغیننی اوچیریش پیتیده، قوراللی کیشی تامانیدن اوققه توتیلگنلر.
روسیهنینگ اوکراین گه ینگی هجوملری عاقبتیده، بیر باله شامل آلتی کیشی یرهلنگن.
غزه شهریگه اسرائیل کوچلرینینگ اویوشتیرگن باشقه بیر هجومیده، ۹ باله شامل کمیده ۶۰ کیشی قربان بولگن.
الجزیره، بوگون (۸-سرطان، یکشنبه) محلی رسمیلردن نقل قیلیب، اسرائیل تامانیدن غزه قمراوگه آلینیشی، قوریق سوت (شیر خشک)، آزیق-آوقت قۉشیمچهلری و باشقه ضروری نرسهلر یېتیشمسلیگی، انسانی بحراننی کونسهیین آشیرماقدهلیگی حقیده خبر بیرگن.
پاکستان رسمیلرینینگ ایتیشلریچه، بوگون اوشبو ولایت شمالغربیده یوز بیرگن خودکش هجوم نتیجهسیده، پاکستاننینگ ۱۳ عسکری هلاک بولگن.
