غزه ده اسرائیل حربی کوچلری نینگ آوارهلر توپلنگن مدرسه ده هوا هجومی عاقبتیده ۳۲ کیشی قربان بولگن. الجزیره خبری ترماغی گه کوره، اسرائیل حربی کوچلری بوگون (۱۷-جوزا، پنجشنبه) بامداد چاغی، غزه نینگ نصیرات منطقهسیده بیرلشگن ملتلر تشکیلاتی گه عاید یوزلب فلسطینلیک آواره توپلنگن مدرسهنی نشانگه آلگن.
فلسطین مستقل مملکت اولهراق بیرقطار مملکتلر تامانیدن تن آلینگچ، سلوانیا هم بو مملکت نی مستقل مملکت صفتیده تن آلگن. سلوانیا پارلمانی ۱۵-جوزا، سهشنبه کونی کوپ آواز بیلن، فلسطین نی مستقل مملکت صفتیده تن آلینیشنی تصدیقلهگن. سلوانیا پارلمانی وکیللری ۵۲ موافق و هېچ رد آواز بیلن بو موضوع نی تصدیقلهگن. بوندن آلدین ناروی، ایرلند و اسپانیا فلسطین نی مستقل مملکت صفتیده تن آلگن اېدیلر.
غزه مرکزی و جنوبی ده قاچقینلر نینگ ایکّی کمپیده اسرائیل حربی کوچلری نینگ ییر و هوا هجوملری عاقبتیده چمهسی ۱۹ کیشی هلاک بولیب و باشقه اونلب کیشی یرهلنگن. رویترز گه کوره، اسرائیل حربی کوچلری ۱۵-جوزا، سهشنبه کونی غزه مرکزی و جنوبی ده «البریج، المغازی و النصیرات» کمپلریده هجوم اۉیوشتیرگن.
هندوستان باش وزیری نرندرا مودی، اوشبو مملکت نینگ پارلمانی سیلاو غالبی اعلام بولدی. نرندرا مودی اوشبو مملکت نینگ پارلمانی اېنگ کوپ چوکیسینی اېگللش بیلن، سیلاو غالبی اعلام بولگن. هندوستان پارلمانی سیلاو نتیجهسی ۱۶-جوزا، سهشنبه کونی کیچ قورون اعلام بولدی، اوشبو سیلاو گه نرندرا مودی ییتکچیلیگیده دموکراتیک ملی اتحاد حزبی مذکور مملکت پارلمانی نینگ ۵۴۳ چوکیسی دن ۲۹۳ چوکیسینی قولگه کېریتگن.
فرانسهلیک فوتبال اویینچی کیلیان امباپه، رسمی شکلده رئال مادرید کلوبی گه قوشیلدی. اسپانیالیک رئال مادرید کلوبی، ۱۴-جوزا، دوشنبه دن سهشنبه گه اوتر کیچه، بیر بیانیه ترقهتیب، کیلیان امباپه نینگ اوشبو کلوب گه قوشیلگنینی رسمی شکلده تصدیقلهگن. فرانسهلیک اوشبو فوتبال اویینچی رئال مادرید بیلن بیش ییللیک شرطنامه امضالهگن.
سپورت یېتکرمهلری نینگ معلوماتی اساسیده، فرانسهلیک فوتبالچی کیلیان امباپه، رئال مادرید کلوبی گه قوشیلگن. اسکای اسپورت یکشنبه دن دوشنبه گه اوتر کیچه، ۱۳-جوزا، پاریسن جرمن فوتبال اویینچیسی کیلیان امباپه رئال مادرید گه قوشیلگنی حقیده خبر بیرگن. اسکای اسپورت نینگ کوپهیتیریشیچه، فرانسهلیک مذکور فوتبال اویینچیسی اوشبو هفته ایچیده رئال مادرید کلوبی بیلن رسمی طرزده شرطنامه امضالشی کوتیلهدی.
روسیهلیک آزاد مبارزهلر سپورتچیسی اسلام ماخاچف، بوگون (۱۳-جوزا، یکشنبه) آزاد مبارزهلر رقابتلریده امریکالیک رقیبی داستین پویریه اوستیدن غلبه قازاندی.
چین نینگ کاسمیک کېمهسی ملی ادارهسی (سیاناسای) بوگون (۱۳-جوزا، یکشنبه) اوشبو مملکت نینگ اوچووچیسیز کاسمیک کېمهسی (فضا پیما) بیر آی اول آی تامان گه آتیلگنیدن سۉنگ آی گه یېتیب بارگنیدن خبر بیرگن. مذکور اداره گه کوره، «چانگای-۶» اوچووچیسیز کاسمیک کېمه آی گه یېتیب بارگن و اونینگ وظیفهسی آی اطرافی دهگی توپراق و تاش دن نمونه آلیش دیر.
رئال مادرید قهرمانلر لیگی فینالی ده بورسیا دورتموند جماعهسینی ۲-۰ حسابی بیلن مغلوب قیلیب و ۱۵-مراتبه اوشبو لیگ غالبی بولدی. اروپا قهرمانلر لیگی فینالی شنبه دن یکشنبه گه اوتر کیچه (۱۲-جوزا/۱جون) رئال مادرید و بورسیا دورتموند جماعهلری اۉرتهسیده بولیب اوتدی. اوشبو مسابقه ده فوتبال بوییچه اروپا پادشاهسی رئال مادرید دنی کارواخال و وینیسیوس جونیور نینگ گللری بیلن دورتموند نی ۲:۰ حسابی بیلن مغلوب قیلیب و قهرمانلر لیگی ده ۱۵-مراتبه قهرمانلیگینی نشانلهدی.
اوکراین رسمیلری، روسیه حربی کوچلری اوشبو مملکت نینگ بیرقطار منطقهلریده کېنگ کولملی راکته هجوم اویوشتیریب و بیش منطقه ده سوو آست قورمهلری گه نقصان یېتکزگنینی معلوم قیلگنلر.
اروپا قهرمانلر لیگی فینالی، بو کیچه بریتانیا پایتختی لندن شهری ده بولیب اۉتیشی کوتیلهدی. اسپانیا مملکتی نمایندهلیگیدن رئال مادرید و جرمنی نمایندهلیگیدن دورتموند، بو کیچه (۱۲-جوزا/۱-جون)، افغانستان وقتی بیلن ساعت ۱۱:۳۰ اطرافی ده، اروپا قهرمانلر لیگی فینالی ده بریتانیا پایتختی لندن شهری ده ییرلشگن «ومبلی» سپورت میدانیده قرشی لشهدیلر.
امریکا قۉشمه ایالتلری نینگ جمهوری باشلیغی جوبایدن، اسرائیل غزه دهگی اوروش گه چېک قوییش و آتیش کېسین برقرار اېتیلیشی اوچون اوچ باسقیچلی تکلیف اۉزهتگنینی معلوم قیلگن. رویترز آژانسی بوگون (۱۲-جوزا، شنبه)، ترقهتگن گزارشیده، بایدن بو سۉزلرنی اۉتگن کون بیان قیلیب و حماس دن بو تکلیف نی قبول قیلیشینی اېستهگنینی بیلدیرگن.
هندوستان نینگ قطار ایالتلریده اوتگن نیچه کون ده هوا ایسیقلیگی سبب، حاضرگه قدر ۳۳ کیشی هلاک بولگن. هندوستان یېتکرمهلری نینگ معلوماتی اساسیده، ۱۱-جوزا، جمعه کونی اوشبو مملکت شمالی اوچ ولایتیده هوا ایسیقلیگی سبب کمیده ۳۳ فقرا جمله دن سیلاو مرکزلری خوفسیزلیک خادملری هلاک بولگنلر.
امریکا قۉشمه ایالتلری، ۱۰-جوزا، پنجشنبه کونی اوشبو مملکت تامانیدن اوکراین گه یاردم بیریلگن قوراللردن روسیه گه قرشی فایدهلنیش رخصتینی بیرگن. بوندن آلدین امریکا جمهور باشلیغی جوبایدن، اوشبو مملکت نینگ قوراللری روسیه گه قرشی فایدهلنیش اېستکنی رد اېتگن اېدی.
ایرلند حکومتی فلسطین نی مستقل بیر مملکت اولهراق تن آلگن. ایرلند حکومتی رسمیلری بوگون (۸-جوزا، سهشنبه کونی)، بیر ییغیلیش ده، فلسطین ده اوشبو حکومت ایلچیخانهسینی آچیب و رامالله بیلن دیپلماتیک مناسبت قوریش گه قرار قیلگنلریدن خبر بیرگنلر.
بوندن آلدین کرملین سرای مطبوعات ادارهسی، روسیه دولت رهبری ولادیمیر پوتین، اۉزبېکستان جمهور باشلیغی شوکت میرضیایف بیلن منطقه دهگی سۉنگی اۉزگریشلرنی محاکمه قیلیش مقصدیده اۉزبېکستان گه سفر قیلیشینی معلوم قیلگن اېدی. بو ایکّی دولت رهبرلری منطقه دهگی احوال، روسیه و اۉزبېکستان نینگ استراتیژیک و مناسبتلرینی مستحکملش مسألهلرینی محاکمه قیلیشلری کوتیلهدی.
