ایران ده جمهورلیک ریاستی سیلاوی باشلندی
ایران ده جمهورلیک ریاستی سیلاوی باشلنگن. ایرانلیک میلیونلرچه فقرا اوشبو مملکت نینگ ۱۴-دور جمهورلیک ریاستی سیلاوی گه قتنهشیب، اۉز تنلهگن نامزدلری گه آواز بیریشلری کوتیلهدی.
ایران ده جمهورلیک ریاستی سیلاوی باشلنگن. ایرانلیک میلیونلرچه فقرا اوشبو مملکت نینگ ۱۴-دور جمهورلیک ریاستی سیلاوی گه قتنهشیب، اۉز تنلهگن نامزدلری گه آواز بیریشلری کوتیلهدی.
اوشبو مسابقهلر نینگ سۉنگی اویینلری ۶-سرطان، چهارشنبه دن پنجشنبه گه اوتر کیچه یکونلندی. یورو ۲۰۲۴-ییل مسابقهلری نینگ حذفی باسقیچی گه ایتالیا، جرمنی، دنمارک، انگلستان، اسلواکیا، اسپانیا، گرجستان، فرانسه، بلژیک، پرتگال، اسلوونیا، رومانیا، هالند، اتریش و تورکیه فوتبال ملی تیرمه جماعهلری یول تاپگنلر.
روسیه تشقی ایشلر وزیرلیگی، اوشبو مملکت ده اروپا مملکتلری گه عاید ۸۱ یېتکرمه فعالیتینی توختهتگنینی معلوم قیلگن.
امریکا قۉشمه ایالتلری نینگ آبامای ایالتی «مونتگومری» شهری ده بیر مهمانلیک احتفال ده اوق آتیش ده چمهسی توقیز کیشی یرهلنگن. خلقارا یېتکرمهلر نینگ معلمواتی اساسیده، بو واقعه محلی وقت بیلن ۳-سرطان، یکشنبه کونی امریکا نینگ آبامای ایالتیده یوز بیرگن. واقعه طفیلی یرهلنگنلردن بیرقطاری نینگ احوالی آغیر دیېلگن.
روسیه نینگ داغستان جمهوریتیده ایکّی کلیسا و بیر کنیسه ده قوراللی هجوم عاقبتیده توقیز کیشی هلاک بولگن. روسیه یېتکرمهلری نینگ معلوماتی اساسیده ۳-سرطان، یکشنبه دن دوشنبه گه اوتر کیچه اوشبو هجوم عاقبتیده یېتّی عسکر شامل توقیز کیشی هلاک بولیب و چمهسی ۲۵ کیشی یرهلنگن.
اسرائیل حربی کوچلری نینگ غزه شمالی حدودلریده هوا هجوملری عاقبتیده فلسطینلیک ۴۲ کیشی قربان بولگن. معلوماتلر گه کوره، اسرائیل حربی کوچلری ۲-سرطان، شنبه کونی غزه شمالی حدودلری الطوفه منطقهسی و ساحل کمپی گه هجوم اۉیوشتیرگن. خلقارا یېتکرمهلر نینگ معلوماتی اساسیده، سۉنگی بیر کیچه-کوندوز ایچیده اسرائیل نینگ غزه ده هوا هجوملری عاقبتیده فلسطینلیک ۱۰۱ کیشی قربان بولیب و باشقه ۱۶۹ کیشی یرهلنگن.
فلسطین ساغلیقنی سقلش وزیرلیگی، اسرائیل نینگ «المواسی» منطقهسی که بوندن آلدین اسرائیل تامانیدن تینچ منطقه تعیینلنگن اېدی هجوملری عاقبتیده، چمهسی ۲۵ کیشی هلاک بولیب و باشقه ۵۰ کیشی یرهلنگنینی معلوم قیلگن.
امریکا نینگ آکانزاس ایالتیده بیر سوپر مارکیت ده اوق آتیشمه ده اوچ کیشی هلاک بولیب و باشقه ایکّی پولیس شامل ۱۰ کیشی یرهلنگن. خلقارا یېتکرمهلر نینگ معلوماتی اساسیده، بو واقعه ۱-سرطان، جمعه کونی امریکا نینگ آرکانزاس ایالتی حدودلری گه قرهشلی فوردایس شهری ده یوز بیرگن. معلوماتلر گه کوره، هجومچی پولیس کوچلری بیلن توقنشووده یرهلنگن.
یورو ۲۰۲۴ ییل مسابقهلری ایکّینچی هفتهسیده بوگون (۲-سرطان، شنبه) گرجستان «ولکس» سپورت میدانیده افغانستان وقتی بیلن ساعت ۵:۳۰ اطرافی ده چک جمهوریتی، تورکیه «ایدونا» سپورت میدانیده ساعت ۸:۳۰ اطرافی ده بیش آلتین توپ غالبی کریستیانو رونالدو همتیمیلری (پرتگال) و بلژیک «راین انرژی» سپورت میدانیده کیچه ساعت ۱۱:۳۰ ده رومانی بیلن قرشی لشهدی.
ارمنستان تشقی ایشلر وزیرلیگی، مملکتی فلسطین نی مستقل مملکت اولهراق تن آلگنینی معلوم قیلگن. اوشبو وزیرلیک نینگ بیانیهسیده کېلیشیچه، ارمنستان غزه ده تیزلیک بیلن آتیش کېسین برقرار اېتیلیشی گه دایر بیرلشگن ملتلر تشکیلاتی نینگ قطعنامهسینی قۉللب-قوتلب حماس و اسرائیل اۉرتهسیدهگی توقنشوولر گه چېک قوییلیشی اوچون یېچیم یول تاپیلیشینی اېستهیدی.
ایران ییتکرمهلری نینگ گزارش بیریشیچه، اوشبو مملکت پولیسی ایران پایتختی تهران ده، خاتینی نی اولدیریش عیبی بیلن افغانستانلیک بیر کیشی نی قولگه آلگن.
تورکیه نینگ دیاربکر ولایتی چنار شهری و ماردین ولایتی مازیداغی شهری آرهسیدهگی ایکین ساحهلریده یانغین یوز بیریب و ۵ کیشی هلاک بولگن.
روسیه جمهور باشلیغی ولادیمیر پوتین، شمالی کوریا بیلن استراتیژیک بیتیم امضالگنیدن سۉنگ، بوگون (۳۱-جوزا، پنجشنبه) ایرتهلب ویتنام گه سفر قیلگن. رویترز آژانسی، پوتین جنابلری ویتنام کمونیست رهبرلری بیلن مذاکره قیلیش اوچون بو مملکت گه سفر قیلگنینی اېتگن. رویترز گه کوره، روسیه جمهور باشلیغی ویتنام نینگ اوکراین اوروشی گه نسبتن موازنتلی حرکتینی آلقیشلهگن.
اسلوونی فوتبال ملی تیرمه جماعهسی بوگون افغانستان وقتی بیلن توشدن سۉنگ ساعت ۵:۳۰ اطرافی ده، صربستان ملی تیرمه جماعهسی بیلن، دنمارک ساعت ۸:۳۰ اطرافی ده انگلیس تیرمه جماعهسی بیلن و اسپانیا اېسه کیچه ساعت ۱۱:۳۰ اطرافی ده، ایتالیا ملی تیرمه جماعهسی بیلن قرشی لشهدیلر.
روسیه جمهور باشلیغی ولادیمیر پوتین شمالی کوریا گه تشریف بویردی. پوتین جنابلری ۲۹-جوزا، سهشنبه کونی شمالی کوریا گه قیلگن سفری ده اوشبو مملکت نینگ ییریک عملداری کیم جونگ اون تامانیدن کوتیب آلینگن. ولادیمیر پوتین نی اوشبو سفر ده روسیه باش وزیری نینگ بیرینچی اۉرین باسری دینیس منتیراو، مدافعه وزیری اندری بیلاوساو، تشقی ایشلر وزیری سیرگی لبراو و باشقهلر همراهلیک قیلگنلر.
کرواسی فوتبال ملی تیرمه جماعهسی بوگون افغانستان وقتی بیلن توشدن سۉنگ ساعت ۵:۳۰ اطرافی ده، آلبانی ملی تیرمه جماعهسی بیلن، جرمنی ساعت ۸:۳۰ اطرافی ده مجارستان تیرمه جماعهسی بیلن و اسکاتلند اېسه کیچه ساعت ۱۱:۳۰ اطرافی ده، سوئیس ملی تیرمه جماعهسی بیلن قرشی لشهدیلر.