کاپیسا ولایتی حصهی اول کوهستان تومنیده ایچکی بیر سوداگر آرقهلی، بیر میلیون ۸۰۰ مینگ افغانی ارزشیگه فوتسال میدانی قوریلگن. کاپیسا سپورت و جسمانی تربیهلش آمری عنایتالله هلالنینگ ایتیشیچه، ۴۰ متر اوزونلیگی و ۲۰ متر کینگلیگی بولگن مذکور میدان، ۸۰۰ مترمربع ییرده ستندرد شکلده قوریلگن.
افغانستان برق یېتکریش شرکت (برشنا)نینگ اجرئیهوی باشلیغی عبدالباری عمر، کاساس-بیرمینگ لایحهسی گه تیگیشیلی ییغیلیشده اشتراک اېتیش اوچون بوگون (۲۴-ثور، چهارشنبه) تاجیکستان گه جونب کېتگن.
بیرلشگن ملتلر تشکیلاتینینگ آزیق-آوقت و ایکینچیلیک دستوری (FAO)، گه کوره، بدخشان ده یوز بیرگن سونگی سوو تاشقینلر، کمیده بیر مینگ ۸۱۰ دهقاننی تاثیرلنتیریب و کوپینچه زیانلرگه سبب بولگن.
اسلام امیرلیگی باش وزیرینینگ اقتصادی اورین باسری عبدالغنی برادر باشچیلیگیده بیر هیئت کازان مقصدی بیلن کابلنی ترک اېتگن. اسلام امیرلیگی باش وزیرینینگ اقتصادی اورین باسرلیگی، بوگون (۲۴-ثور، چهارشنبه) ایکس صحیفهسیده بیر بیانیه ترقهتیب، اوشبو هیئت «کازان خلقارا ۱۶-اقتصادی فورمی ییغیلیشی گه اشتراک اېتیش مقصدی بیلن، تاتارستان گه جونب کېتگنینی معلوم قیلگن.
اقلیم اوزگریشلری دنیانینگ بوگونگی اساسی خواطرلریدن بیری دیر. دنیا بویلب انسانلرنینگ فعالیتلری سبب تیزلنگن اوشبو اوزگریشلر، بو توغریده آزراق حصه قوشگن افغانستاننی جدی قیینچیلیکلر بیلن روپهره قیلگن.
بلخ حاکمیتی مطبوعات ادارهسی بیر بیانیه ترقهتیب، اوشبو مرمر تاش ۲۳-ثور، سهشنبه کونی سرپرست حکومت ییریک رسمیلری حضوری بیلن، اۉزبېکستاننینگ افغانستان اوچون مخصوص وکیلی عصمتالله ایرگشاوف گه تسلیم بیریلگنینی معلوم قیلگن. بیانیه اساسیده، هر موترده ۳۵۰ تخته تاش آرتیلگن جمعی حجمی قریب ۴۰۰۰ متر مربع بولهدی.
هرات ولایتیده علامه سلجوقی سالونیده، بوگون (۲۳-ثور، سهشنبه)، «نقش هری» اسمی آستیده اوچ کونلیک صناعتی کورگزمه آچیلگن.
بلخ ده خوفسیزلیک مسئوللرینینگ ایتیشلریچه، اوشبو ولایت کلدار تومنیدن ۱۷ کیلوگرام «شیشه» توریدهگی بنگیوار مادهنی قاچاق قیلیش عیبی بیلن اوچ کیشینی قولگه آلگنلر.
پنجشیر ده محلی رسمیلرنینگ ایتیشلریچه، اوشبو ولایتده ایکی مینگ ۸۴ قیراط زمرد، ۹۷ مینگ ۵۰۰ دالر گه ساتیلگن. پنجشیر حاکمی سوزلاوچیسی سیفالدین لتون، بوگون (۲۳-ثور، سهشنبه)، زمردنینگ ملی بیر سوداگرگه ساتیلگنینی بیان قیلگن.
هلمند مرکزی لشکرگاه شهری یشاوچیسی بولمیش ۴۵ یاشر رازمحمدنینگ ایتیشیچه، برچه سرمایهسی ایسکیرگن بیرته ریکشاسی دیر. اونگه کوره، اوی ایگهسی اونینگ اویدن چیقیشینی ایتگنی سبب، بیر اتاقلیک اویده یششگه مجبور بولگن.
بیرلشگن ملتلر تشکیلاتی انسانسیورلیک یاردملرنی هماهنگ قیلووچی ادارهسی یا-ده اوچانینگ ایتیشیچه، افغانستان اوچون اجرهتیلگن یاردملر بودجهسی سیزیلرلی درجهده کمهیشی سبب، انسانسیورلیک یاردملرنینگ ترقهتیلیشینی اولویتبندلیک قیلگن.
ننگرهار ایکینچیلیک ریاستیده مسئوللرنینگ ایتیشلریچه، پاکستان دن کیلتیریلگن ۱۴ لاری کچالونینگ تیکشیریلگنیدن کیین، ۱۳ تهسی صفتسیزلیک سبب قیتریلگن.
هرات ایکینچیلیک، سووغاریش و چاروهچیلیک ریاستیده مسئوللر، بو ولایتده گلخانهلردن قوللنیش توغریسیده دهقانلرنینگ قیزیقیشی کوپهیگنیدن خبر بیرگن.
بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، کابل ده ۵۰ مینگ حاملهدار و سوت بیرهدیگن عیالگه ویتامین تابلیتلرینینگ ترقهتیشیدن خبر بیرگن.
ساغلیقنی سقلش وزیرلیگی سرپرستی نورجلال جلالی، افغانستان بوییچه چیگره بیلمس شفاکارلر تشکیلاتی باشلیغی میکایل لیپی بیلن، دوالنیش مرکزلر و طبی خذمتلر یخشیلنیشی، طبیات خادملرینینگ ظرفیتی آشیریلیشی، خذمتلرده شفافلیک تامینلنیشی و هماهنگلیک یرهتیلیشی توغریسیده، صحبت قیلگن.
فلسطین ساغلیقنی سقلش رسمیلرینینگ ایتیشلریچه، اسرائیل آرقهلی غزهنینگ بیر قطار بولیملری جملهدن ساغلیق بیر مرکزگه اویوشتیریلگن هوا هجوملری نتیجهسیده، کمیده ۳۹ کیشی قربان بولگن.
