افغانستاننینگ آزاد مبارزهلر سپورتچیسی (MMA) اسماعیل حیدری، جرمنی MFC تشکیلاتی رقابتلریده، روسیهلیک رقیبی آندره هوداکاوسکی گه غلبه قازانگن. اوشبو مسابقه، ۲۷-ثور، شنبهدن یکشنبه گه اوتر کیچه، جرمنی فرانکفورت شهری «سواگ انرژی آرنا» سپورت میدانیده اۉتکزیلگن. ۳۲ یاشر افغانستانلیک سپورتچی بوندن اول، ۱۴ مسابقهده ییتّی مرته غالب و ییتّی مرته مغلوب بولگندی.
اسلام امیرلیگی تشقی ایشلر وزیرلیگی سرپرستی امیرخان متقی و ایران تشقی ایشلر وزیری سیدعباس عراقچی، بیر بیری بیلن اوچرهشیب و ایکی تامان ایکی تامانلمه مناسبتلر، خوفسیزلیک مسئلهلر، سوو مسئلهسی و ایران ده افغانستانلیک قاچقینلر وضعیتی حقیده صحبت قیلگنلر.
فراه معلومات و مدنیت ریاستی آرقهلی، اوتگن کون (۲۷-ثور، شنبه)، اوشبو ولایتده بیش کونلیک کتاب کورگزمهسی آچیلگن. فراه معلومات و مدنیت باشلیغی محمدعبدالحی سباووننینگ ایتیشیچه، «کتاب و کتاب اوقیش هفتهسی» اسمی آستیدهگی مذکور کورگزمهده، سکیز مینگ کتاب نمایشگه قوییلگن.
بیرلشگن ملتلر تشکیلاتینینگ یشش محیط دستوری، (UN-Habitat)، پکتیا مرکزی گردیز شهریده سوو ییتکزیش بیر ترماقنینگ قوریلیش ایشینی باشلهگن.
غور معارف ریاستیده مسئوللرنینگ ایتیشلریچه، اوشبو ولایت مرکزی فیروزکوه شهری شمالیده جایلشگن «غلمین» منطقهسی یشاوچیلری آرقهلی، بیر مکتب بناسینینگ قوریلیش ایشی باشلنگن.
بیرلشگن ملتلر تشکیلاتی باشکاتبی آنتونیو گوترش، اسرائیل آرقهلی غزهنینگ محاصره بولگنی و انسانی بحران دوام قیلگنیگه قرشی عکسالعمل بیلدیریب، حاضرگی وضعیتنی «وحشیلیک و انسانیت گه قرشی» دیگن.
جوزجان ده محلی مسئوللر، اوشبو ولایت خواجه دوکوه تومنینینگ «باشکوت دشتلیلی» قیشلاغیده، ۲ کیلومتردن آرتیق سرکنینگ جغل توشش ایشی باشلنگنیدن خبر بیرگنلر.
ایرتنگلر، غزنی شهرینینگ کوچهلری خصوصی مکتبلرده اوقهدیگن اوقووچیلرنینگ سیس و شاوقینی بیلن باشقه بیر سیمانی اوزیگه آلهدی. حاضرگچه تعلیم آلیشدن محروم بولمهگن اوقووچیلر، مکتبلرینینگ بیللی یونیفرمینی کییب، تبسملی سیمالری و اوتو بولگن کییملری بیلن، خوش-خوشحال مکتب تامان حرکت قیلماقدهلر.
شهر و اوی-جای قوریش وزیرلیگی، جوزجان ولایتیده بیر مینگ ۵۹۸ مهاجر عایله گه یشش نمرهلری توزیع قیلینیشیدن خبر بیرگن. شهر و اوی-جای قوریش وزیرلیگینینگ مطبوعات ادارهسی، بیر بیانیه ترقهتیب، حاضرگه قدر ۲۵ ولایتده ۳۵ شهرچه پلانی طرح و ترتیب بولگنینی معلوم قیلگن.
اسلام امیرلیگی تشقی ایشلر وزیری امیرخان متقی، ایران تشقی ایشلر وزیری سیدعباس عراقچینینگ رسمی تکلیفی بیلن تهران گه کیتگن.
دلشاد شوندهی دیه اورنیدن سپچیب توردی-یو، دیرهزهدن تشقریگه تیرمیلدی. او اول حاولیسیدهگی قاوجیرب قالگن درختلر گه، سۉنگ تیپهلیک یانبغریدهگی یالغیز یولده چیلک (سطل)نینگ آغیرلیگیدن زورگه آدیملهیاتگن قۉشنی بالهلر گه قرهدی. شرقیرهب آقهیاتگن ساینینگ تاشلاق ساحلی بویلب یورگن نگاهی نهایت بیشتوت قیشلاغیگه توشدی-یو، تغین دردی ینگیلندی.
فاریاب ولایتی امنیه قوماندانلیگی مسئوللری، اوشبو ولایتنینگ خواجهسبزپوش تومنیده، بیر کیشی «نبیرهسی» تامانیدن آتیب اولدیریلگنیدن خبر بیرهدیلر. فاریاب ولایتی امنیه قوماندانلیگی سۉزلاوچیسی عبدالله مرادی گه کوره، ۱۹ یاشر منهاجالدین اسملی ییگیت، خواجهسبزپوش تومنیده ۶۰ یاشر باباسینی دکانی ایچیده آتیب اولدیرگن. مرادی، عایلهوی جنجل طفیلی بو واقعه یوز بیرگنینی اېتهدی.
بدخشانده، مملکتنینگ شمال و شمالشرق ۹ ولایت رسمیلری قۉشمه ییغیلیش اۉتکزدی. ۲۶-ثور، جمعه کونی اۉتکزیلگن بو ییغیلیشده، امنیت، بنگیوار مادهلر گه قرشی کورهش و ولایتلر اورتهسیده هماهنگلیکنی مستحکملش حقیده بحث اېتیلگن. ونینگدیک بو ییغیلیشده، کانلر امنیتی تأمین اېتیلیشی، قراردادلرده تینیقلیک کېریتیلیشی، امرمعروف قانونی عملگه آشیریلیشی و باشقه مسئلهلر محاکمه قیلینگن.
اسلام امیرلیگی باش وزیری اقتصادی اورین باسرلیگینینگ ایتیشیچه، قازان شهریده اوتکزیلگن «افغانستان-روسیه سوداگرلیک فرمی» ییغیلیشی یکونیده، افغانستان و روسیه آرهسیده تورلی بولیملرده بیشته همکارلیک شرطنامهلر امضالنگن.
فاریاب ولایتی محلی مسئوللری، اوشبو ولایتنینگ قیصار تومنیده یول حادثهسی عاقبتیده بیر کیشی هلاک بولیب و باشقه تورت کیشی یرهلنگنینی معلوم قیلهدیلر.
کاپیسا امنیه قوماندانلیگی سۉزلاوچیسی عبدالفتاح فایز، اوشبو ولایتنینگ صیاد دریاسیده ۱۷ یاشر بیر ییگیت سوو گه سوزیش چاغیده چوکیب هلاک بولگنیدن خبر بیرگن.
