سلاموطندارنینگ ینگی دستور و اوسکونهلرنی ایجاد قیلگن ۴۰ نفر یاش بیلن آلیب بارگن صحبتلری شونی کورستهدی کی، اولرنینگ هېچ بیری نادولت یا کی دولت موسسهلری تامانیدن قۉللب-قوتلنمهگن. شو سببلی، اولرنینگ ایجادلری خلق تامانیدن فایدهلنمهی قالگن.
اسلام امیرلیگی تشقی ایشلر وزیرلیگی، سوریهنینگ حمص شهریده جایلشگن مسجدده یوز بیرگن پارتلشنی جدی شکلده قارهلهگن. تشقی ایشلر وزیرلیگی سوزلاوچیسی عبدالقهار بلخی، بوگون بیر بیانیه آرقهلی، سوریه ده بیر قطار کیشینینگ اولیب و یرهلنگنیدن افسوس بیلدیریب و بو مملکت دولتی و خلقی گه قیغوداشلیگینی بیلدیرگن.
اسکاتلند دولتی، افغانستان شرقیده زلزلهدن جبرلنگنلرنینگ قوللب-قوتلش اوچون خلقارا ایکی جمغرمه آرقهلی ۲۵۰ مینگ پوند اجرهتگنینی معلوم قیلگن. اسکاتلند تشقی ایشلر ادارهسی، بوگون ایرتهلب بیر بیانیه آرقهلی یازیشیچه، اوشبو یاردملر کریستین اید و تیرفاند جمغرمهلری آرقهلی زلزلهدن ضرر کورگن منطقهلردهگی یشاوچیلرگه کورسهتیلهدی.
جاپان ده افغانستان ایلچیخانهسی، ۲۰۲۶-ییلده بو مملکتده اوز فعالیتینینگ توختهتیشینی معلوم قیلگن. مذکور ایلچیخانه، بوگون (۵-جدی، جمعه)، بیر بیانیه آرقهلی ایتیشیچه، حاضرگی وضعیت و جاپان تشقی ایشلر وزیرلیگی بیلن اوتکزگن مذاکرهلریگه اعتبار قرهتیش بیلن، کیلهسی ییل ۳۱-جنوریگچه اوز فعالیتینینگ توختهتیشگه مجبور بولگن.
نیوکاسل، قوشلر اینیقسه تاووقلر آرهسیده اینگ خوفلی یوقمه کسللیکلردن بولیب و سونگی ییللرده قندوز ولایتیدهگی تاووق ییتیشتیریلهدیگن فارملرده خواطرلنتیرووچی بیر شکلده ترقهلگن. اوشبو کسللیک تیز بیر شکلده یوقیش بیلن آز مدتده کوپینچه تاووقنینگ تلف بولیشیگه سبب بوله آلهدی.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن جبری شکلده ۳ مینگ ۴۰۱ افغانستانلیکنینگ مملکت گه قیتریلگنینی معلوم قیلگن.
اسلام امیرلیگی قاچقینلر وزیرلیگی، پاکستان قماقخانهلریدن ۵۰ افغانستانلیکنینگ آزاد بولیب و مملکت گه قیتریلگنیدن خبر بیرگن.
بلخ ولایتی مارمل تومنیده قویاش ۱۴۰۴-ییل، ۱۲-عقربده یوز بیرگن زلزلهده جبرلنگنلر، انسان سیورلیک یاردملرنی ترقهتیش جریانی سُستلیگیدن نالیب و بو تومندهگی جبرلنگنلر گه یېترلیچه یاردم کورسهتیلمهگنینی معلوم قیلهدیلر. مارملده زلزلهدن جبرلنگن حامد، قیش موسمیده بو تومننینگ قتناو یوللری توسیلمسدن آلدین انسان سیورلیک یاردملر یېتکزیلمهگن حالده، اولر ایریم معمالر بیلن دوچ بولیشلری حقیده آگاهلنتیرهدی.
اسلام امیرلیگی باش وزیرینینگ اقتصادی اورین باسری عبدالغنی برادر، هراتده ۹ بویوک لایحهنی فایدهلنیشگه تاپشیریش تدبیرده، قیسقه مدت ایچیده بویوک و مهم قدملرنی تشلهگنلرینی بیلدیردی. او، بو سۉزلرنی بوگون (۴-جدی/۲۵-دسمبر، پنجشنبه) هراتده ۹ بویوک لایحهنی آچیش و فایدهلنیشگه تاپشیریش مراسمیده بیان قیلدی.
هراتده ۳.۹۸ میلیارد افغانیلیک ۹ بویوک لایحه، اسلام امیرلیگی باش وزیرینینگ اقتصادی اورین باسری عبدالغنی برادر تامانیدن آچیلیب و فایدهلنیشگه تاپشیریلهدی.
قویاش باتیشیدن کیین برق پرچاویلری سایهسی و چاریکار بازاریگه قرانغولیک ترقهلیشی بیلن، قول اوستیده سودا ساتهدیگنلردن کوپ قطاری یخشی بیر درآمد قولگه کیلتیرمهگنلری بیرحالده، یانلریدهگی نرسهلرنی ییغیشگه مجبور بولهدیلر. اوشبو قرانغولیک آرهسیده محمدیاسین، بیر قطار چراغلرنی توزهتگن که هر آخشم اونی قول اوستیده سودا ساتهدیگنلرگه ۲۰ افغانی عوضیگه کرایه بیرهدی.
سلاموطندارنینگ هېچ قچان مسئول موسسهلر تامانیدن رویخط گه آلینمهگن ۱۹ نفر عیال صنعتکار بیلن آلیب بارگن صحبتلری شونی کورستهدی کی، بو عیاللر تیگیشلی رویخط گه آلیش موسسهلری حقیده بیخبر بولگنی سببلی، اوشبو موسسهلرنینگ دستورلری و قۉللب-قوتلاوچی امتیازلریدن محروم قالیشگن.
سۉنگی یوز ییل دوامیده کوزهتیلمهگن درجهده اوزاق دوام ایتهدیگن قویاش توتیلیشی میلادی ۲۰۲۷-ییل ۲ آگست کونی صادر بولهدی. بو حقده «دیلی گلَکسی» نشری ناسا پیشبینلیکلریگه تیهنیب خبر بیردی. معلوماتلر گه کوره، اوشبو نایاب نجومی حادثه پیتیده ایریم مملکتلرده کوندوز وقتی آلتی دقیقهدن سل کوپراق مدت گه دییرلی تولیق تونگه ایلنهدی. آی سایهسی اروپا، شمالی افریقا و یقین شرق حدودلری اوزره حرکتلنهدی. معلوماتلر اساسیده، تولیق قویاش توتیلیشی مراکش و اسپانیا جنوبیدن باشلنیب، جزایر، تونیس و لیبیا آرقهلی اوتیب، مصر حدودینی دییرلی تولیق قمرهب آلهدی. کېین اېسه سایه یقین شرق تامان یونهلهدی.
هرات صناعتی شهرچهسیده جایلشگن باتری ایشلب چیقرووچی بیر فابریکهنینگ باتریلری، بیرینچی مرته سعودی عربستان و بیرلشگن عرب امیرلیگیگه صادر قیلیندی.
جوزجان ولایتی قوشتیپه و درزاب تومنلرینی برق بیلن تأمینلش شرطنامهسی، قریب بیر میلیارد ۸۸۶ میلیون افغانی عوضیگه، اسلام امیرلیگی سوو و برق وزیرلیگی و خصوصی بیرشرکت اورتهسیده امضالندی.
مین آیدا محبی من، ارتباطات یونهلیشی بوییچه تحصیل آلگن من و حاضرده ایرکین ژورنالیست صفتیده فعالیت یوریته من. ینگی تکنالوژیلر چیقیشی دستلبکی دورلریدن باشلب مین اولر گه احتیاطکارانه مناسبتده بولیب کیلگن من.
