بامیانده قهرتان قیش باشلنیشی بیلن، غارده یشاوچی عایلهلر، قشاقلیک، ایشسیزلیک و برقرار درآمدلری یوقلیگی سببلی، یشش جایلرینی ایسیتیش اوچون یاقیلغی ماده ساتیب آلیشگه قوربلری ییتمهیدی، بو احوال بالهلری، عیاللری و کسل بولگن کیشیلرنی جدی خوف بیلن دوچ قیلگن.
امریکانینگ فیلادلفیا ایالتیده یشاوچی اوزبیکلر تامانیدن بویوک شاعر و عادل سیاستچی امیر علیشیر نوایی و بابریلر امپراتورلیگینینگ اساسچیسی و اولوغ شاعر ظهیرالدین محمد بابر توغیلگن کونلری نشانلندی. تیمور اجتماعی و مدنی انجمنی تشبثی بیلن اوتکزیلگن بو تدبیرده، فرهنگی کیشیلر، اجتماعی فعاللر و یاشلر اشتراک ایتگن ایدیلر. تدبیرده سوزلهگنلر، بو ایکی شخصیتنینگ ادبیات، مدنیت و سیاست بوییچه قیلمیشلرینی کیلهسی اولادلر گه اورگهتیش و ایسدن چیقرمسلیک اوچون بو کبی تدبیرلر اوتکزیلیشیگه تأکیدلهگنلر.
فاریاب ولایتی المار تومنی یشاوچیسی حمیرا ایوبی، میمنه شهریگه کیلگچ آز امکانیت بیلن «کیبابو» تیکوچیلیک ایشخانهسینی آچدی؛ بو ایشخانه حاضر نهفقط اوزی اوچون درآمد منبع، بلکی مستقل بولیشگه بیل باغلهگن قیزلر اوچون هم امید دیرهزهسیگه ایلنگن. مملکت مقیاسیده عیاللرنینگ ایشلشی منع قیلینگنیدن کیین، حمیرا اوزی و عایله اعضالرینینگ احتیاجلرینی تأمینلب، هم اوزی و هم باشقهلر اوچون درآمد منبع یرهتیشگه قرار قیلدی.
افغانستان مرکزی بانکی، مملکت غرب حدودلریدن ییغیلگن ۵۳۷ میلیون ۷۴۷ مینگ افغانی ایسکیرگن پول آلاو بیریلگنینی معلوم قیلدی. اوشبو بانک، ۱۹ دلو / ۸ فبروری، یکشنبه کونی بیر بیانیه ترقهتیب، اوشبو مقدار پول هرات ولایتیده هیئتلر اشتراکی بیلن آلاو بیریلگنینی بیلدیردی. افغانستان مرکزی بانکی، آلاو بیریلگن بو مقدار پول ۱، ۲، ۵، ۱۰، ۲۰، ۵۰، ۱۰۰، ۵۰۰ و ۱۰۰۰ افغانیدن عبارت ایکنلیگینی قوشیمچه قیلگن.
سمنگان مرکزی ایبک شهریده، بوگون (۱۹-دلو، یکشنبه)، خیرلی کیشیلر مالی حمایتی بیلن ۷۵ ییگیتنینگ توپلم توی مراسمی اوتکزیلگن. اوشبو توپلم توی مراسمی تشکیلاتچیلریدن بیری عبدالخالقنینگ ایتیشیچه…
سلاموطندارنینگ کابل، هرات، بدخشان، قندوز، فاریاب، بادغیس، کاپیسا و کنر ولایتلریدن ۳۵ یاش بیلن صحبتی شونی کورستهدی کی، بو یاشلرنینگ یالغیزلیک و جمعیتدن اوزاقلشیش تجربهسی کوپینچه فطری شخصی خصوصیتدن آشیب، بیواسطه اجتماعی، عایلهوی و جمعیت توزیلمهسی شرایطلریده یوز بیرهدی.
بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی (اوچا)، جاری میلادی ییلده افغانستانلیک تورت میلیون ۲۰۰ مینگ کیشینینگ باشپنه قوریش بولیمیده قوللب-قوتلنیشگه محتاجلیگینی معلوم قیلگن.
سمنگان ده خوفسیزلیک مسئوللرینینگ ایتیشلریچه، اوشبو ولایتده یوز بیرگن ترافیکی حادثه نتیجهسیده، تورت کیشی اولیب و بیش کیشی یرهلنگن.
بیرلشگن ملتلر تشکیلاتینینگ آزیق-آوقت و ایکینچیلیک دستوریگه کوره، افغانستان سویابین ییتیشتیریش بولیمیده یوقاری امکانیتگه ایگه بولیب و بو محصول، اوشبو مملکتنینگ اقتصادی رواجلنیشی، آزیق-آوقت خوفسیزلیگی تامینلنیشی و آزیقلنیشنینگ یخشیلنیشیده مهم رول اوینهشی ممکن.
افغانستانلیک سپورتچی ایکی ایناغه فرید بشارت و جاوید بشارت، آزاد مبارزهلر تشکیلاتیده، برازیل و مکسیکولیک رقیبلریگه غلبه قازاندی. اوشبو بیللشوولر، بوگون (۱۹ دلو / ۸ فبروری، یکشنبه) کابل وقتی بیلن بامداد پیتی، امریکانینگ لاسویگاس شهریده آزاد مبارزهلر (یوافسی) تشکیلاتیده اوتکزیلدی. ۳۰ یاشلی جاوید بشارت، بیش دقیقهلیک اوچ روند دن کیین، نهایتده حکملر تامانیدن بیریلگن امتیاز فرقی بیلن مکسیکولیک جیانی واسکز گه غلبه قازانیب و اوشبو بیللشوولر غالبی اعلان قیلیندی.
اسلام امیرلیگی باش وزیرینینگ اقتصادی اورین باسرلیگی، افغانستانده چیت ایللیک سرمایه کیریتوچیلر گه بیر دن ۱۰ ییلگچه یشش ایزینی بیریلیشینی بیلدیردی. اوشبو اداره، ۱۸ دلو / ۷ فبروری، شنبه کونی ایکس صحیفهسیده بیر بیانیه ترقهتیب، اسلام امیرلیگی باش وزیرینینگ اقتصادی اورین باسری عبدالغنی برادر باشچیلیگیده، اوتگن کونگی اقتصادی کمیسیون ییغیلیشیده بوندهی قرار قبول قیلینگنینی بیلدیردی.
بیرلشگن ملتلر تشکیلاتی ترقیاتی دستورینینگ ایتیشیچه، اوتگن ایکی ییلده افغانستان ده یاردم بیرووچی تشکیلاتلر بودجهسینینگ ۵۰ فایزی، ترقیاتی بولیملرده صرفلنگن.
بدخشان امنیه قوماندانلیگی ییتکرمهلر ادارهسی بیر بیانیه آرقهلی ایتیشیچه، بو ولایتده یوز بیرگن ترافیکی حادثه نتیجهسیده، عیاللر و بالهلر شامل ۱۲ کیشی اولیب و ۳ کیشی یرهلنگن.
اسلام امیرلیگی تشقی ایشلر وزیرلیگینینگ اعلام قیلیشیچه، افغانستانلیک ۱۴ محبوس آذربایجان قماقخانهلریدن قوییب یوباریلگن.
اسلام امیرلیگی ساغلیقنی سقلش وزیرلیگی، اوشبو وزیرلیکنینگ دارو-درمان و ساغلیق محصوللرینی ترتیبگه سالیش بوییچه عمومی باشلیغی نعیمالله ایوبی ییتکچیلیگیده بیر هیئتنینگ رسمی بیر سفرده تورکیه گه کیتگنینی معلوم قیلگن.
افغانستان ییتکرمهلریدن حمایت قیلووچی تشکیلاتینینگ اعلام قیلیشیچه، محلی خبرچی ناظره رشیدی، قماقدن آزاد بولگن. مذکور تشکیلات، جمعه کیچه (۱۷-دلو)، بیر بیانیه آرقهلی یازیشیچه، رشیدینینگ آزاد بولگنی عایلهسی آرقهلی تصدیقلنگن.
