بیرلشگن ملتلر تشکیلاتینینگ اقلیم اوزگریشی ۲۹-ییغیلیشی (کاپ ۲۹)، آذربایجان پایتختی باکو شهریده ایککی هفتهدن سونگ یکونلندی. ییغیلیشده اشتراک ایتگن مملکتلر، ینگی رواجلنهیاتگن و کمبغل مملکتلرگه اقلیم گه قرشی کورهش اوچون همکارلیک قیلیش مقصدیده، میلادی ۲۰۳۵-ییلگه قدر هر ییلی ۳۰۰ میلیارد دالر مالی یاردم بیریش گه کیلیشگنلر.
میکروب گه قرشی کورهش خلقارا هفتهسی کونی یکونیده، سرپرست حکومت ساغلیقنی سقلش وزیرلیگی مسئوللری، مملکتده دارولرنی اۉز باشیمچهلیک و ترتیبسیز استعمال قیلیش کوپهیشی، دارولرنینگ تأثیرسیز بولیشی و میکروبلرنینگ دارولر برابریده چیدهملیگی بولیشی گه سبب بولگنینی اېتهدیلر.
سلاموطندارنینگ، ۱۷ قیز و ۱۳ اوغیل شامل ۳۰ اوقووچی و طلبه بیلن اۉتکزگن صحبتی اساسیده، یاشلر آنلاین اوقیش اوچون کوپ قیینچیلیکلر بیلن دوچ بولگنلر.
سلاموطندارنینگ فابریکهلردهگی ۴۰ ایشچی عیال بیلن اۉتکزگن صحبتی اساسیده، آغیر و مشقتلی ایش، آز معاش و ایش مصوونیتی یوقلیگی، اوشبو عیاللرنینگ اساسی قیینچیلیکلری بولگنیدن درک بیرهدی. بو عیاللر رسمی شرطنامه امضالهگن بولمسهده، بیراق کابلده ایشخانهلر، فیرمهلر و شرکتلرده کوندهلیک ایشلهیدی و برچهسی ایشلریدن ناراض دیر.
شفاکارلردن قطارینینگ سلاموطندار گه ایتیشلریچه، جوانیدانه تشویش، موسومی اوزگریشلر، حیض کوریش، هورمونی اوزگریشلر و توغری آوقتلنمسلیک کبی سببلر طفیلی قیزلرگه چیقهدی. اولرنینگ کوپهیتیریشلریچه، جوانیدانه کوپراق ۹-۲۵ یاش آرهسیده بولگن قیزلرگه چیقهدی.
مملکت صناعت وسودا وزیرلیگی مسئوللری، افغانستانلیک سوداگرلرنینگ چیندن یوکلنگن سودا توارلری اقتصادی قۉشمه دهلیز آرقهلی بلخ ولایتی گه یېتیب کېلگنینی اېتهدیلر. برق، موتر جهازلری، کییم پارچهلریدن عبارت اوشبو سودا توارلری، بوگون (۳-قوس، شنبه) ۵۵ کانتینرده قرغیزستان و اۉزبېکستان یوللری بیلن بلخ گه یېتیب کېلگن.
قندوز ولایتیده کوچلی سوو تاشقینی، اوشبو ولایت بیرقطار یشاوچیلری گه کوپنیچه نقصان یېتکیزگن. قندوز ولایتی دشتارچی تومنی یشاوچیسی ارباب هاشم گه کوره، ۲-قوس، جمعه کونی بامداد پیتی یوز بیرگن دهشتلی سوو تاشقینی، اۉزی شامل اوشبو تومن کوپنیچه یشاوچیلری گه آغیر زیان یېتکیزگن.
تورکمنستان تشقی ایشلر وزیرلیگی بیر بیانیه ترقهتیب، بو مملکت تشقی ایشلر وزیرینینگ اورین باسری سردار محمد دوردیوف و چیننینگ افغانستان اوچون وکیلی یوشیائو یونگ، ایکّی تامانلمه اوچرهشووده افغانستان اقتصادی یخشیلنیشی اوچون بو دولتلر افغانستاندن حمایتلری گه دوام بیریشلریدن ایشانچ بیرگنلر.
بغلان ولایتی نهرین تومنیده «سیدپادشاه آغا» زیارتگاهیده ۱۰ کیشی اوققه توتیلیب اولدیریلیشیدن سۉنگ، اسلام امیرلیگی سۉزلاوچیسی، مذکور واقعه جنایتچیلری قولگه آلینیش وعدهسینی بیرگن. مجاهد جنابلری، سلاموطندار بیلن اۉتکزگن صحبتیده، اسلام امیرلیگی کوچلری بوندهی «جنایتلر» گه توسیق بولیشیدن ایشانچ بیرگن.
فاریابده افغان قیزیل آی جمعیتی ریاستی، اوشبو ولایتده محتاج و سرپرستسیز، ناگران همده قۉشنی مملکتلردن اولکه گه قیتگن ۷۰۰ عایله گه نقد پول یاردم بیرگن.
بغلان طبیعی آفتلر گه قرشی کورهش ریاست مسئوللری، اوشبو ولایتده سوو تاشقینی عاقبتیده ۵۰ یشش اوی قسمی شکلده بوزیلگنینی تصدیقلهگنلر. بغلان طبیعی آفتلر گه قرشی کورهش ریاست باشلیغی هدایتالله همدردنینگ سلاموطندار گه ایتیشیچه، ۲-قوس، جمعهدن شنبه گه اوتر کیچه، اوشبو ولایتنینگ بغلان مرکزی و دهنه غوری تومنلریده هلاکتلی سوو تاشقینلری یوز بیریشی نتیجهسیده، چمهسی ۵۰ یشش اوی و ایکینچیلیک ییرلر بوزیلگن.
اسلام امیرلیگی صناعت و سودا وزیرلیگی، افغانستان-اۉزبېکستان قۉشمه سودا مرکزینی یقیندن باریب کوزهتگن. صناعت و سودا وزیرلیگی ۲-قوس، جمعه کونی ایکس صحیفهسیده بیر بیانیه ترقهتیب، بو وزیرلیک سرپرستی نورالدین عزیزی، ایکّی مملکتنینگ قۉشمه سودا مرکزینی یقیندن باریب کوزهتگنیدن خبر بیرگن.
بغلان خوفسیزلیک مسئوللری نینگ تصدیق قیلیشلریچه، پنجشنبه کیچه، ۱-قوس، ناتانیش قوراللی کیشیلر اوشبو ولایت نهرین تومنیده جایلشگن بیر زیارتده، نماز اوقووچیلرگه هجوم اویوشتیریب، «ذکر» بیلن مشغول بولگن ۱۰ ته نماز اوقووچینی اولدیرگن.
خلقارا بالهلر کونی دنیا بویلب نشانلنگنی بیرحالده، بیراق افغانستان ده مینگلرچه باله آچلیک، قحطچیلیک و باشقه بیر قطار قیینچیلیکلر بیلن روپهرهلر.
کمبغللیک، ایشسیزلیک و سرپرستسیزلیک، کوپینچه باله نینگ کابل سرکلریده ایشلش و عایله خرهجتینی تامینلش گه مجبور قیلگن. ۱۱ یاشر شاداب و ۱۲ یاشر شعیب، کابل سرکلریدن بیریده تورت ییلدن بیری بوت رنگ قیلهدیگن بالهلردن دیر. اوشبو بالهلر بوت رنگ قیلیش بیلن عایلهلرینینگ دستلبکی نیازلرینی تامین قیلهدیلر.
فراه ده دهقانلردن قطارینینگ ایتیشلریچه، جاری قویاش ییلده بو ولایتده پخته ایکیلیشی و اونینگ حاصلاتی کوپهیگن. فراه دهگی دهقانلردن محمدنبی نینگ ایتیشیچه، جاری ییلده ییرلریدن یخشی پخته قولگه کیلتیرگن.
ایکّی قۉشنی افغانستان و ایران، بیر-بیری بیلن مناسبتی بولیشی گه قرهمسدن انده-سنده چېگره قیینچیلیکلری بیلن روپهره بولهدیلر و اسلام امیرلیگی حاکمیتیده ایکّی مملکتنینگ چېگرهچیلری نیچه مراتبه توقنشگن.
