تخار ولایتی محلی مسئوللری، اوشبو ولایتده قول اوروش (دست کشی) بیلشووی اۉتکزیلگنیدن خبر بیرهدیلر. تخار ولایتی سپورت و جسمانی تربیهلش آمری فیضمحمد انس گه کوره، قول اوروش بیلشوولری ۲۷-قوس، سهشنبه کونی اوشبو ولایت سپورت و جسمانی تربیهلش آمریتینینگ ملی و عنعنوی سپورتلر ادارهسی تامانیدن، ۱۰ سپورتچینینگ اشتراکی بیلن اۉتکزیلگن.
بدخشان ایکینچیلیک، سووغاریش و چاروهچیلیک ریاستی مسئوللری، اوشبو ولایت جرم تومنیگه قیلگنلری سفر جریانیده، ۵ میلیوندن آرتیق افغانیلیک ۱۱ ته ساووقخانهنی آچیب و فایدهلنیش گه تاپشیرگنلر.
سرپرست حکومت عالی اوقوو وزیرلیگی مسئوللری، باشقه مملکتلر گه دولت و شخصی تحصیلی بورسیهلرنینگ توزیع قیلیش جریانینی توختهتگنیدن خبر بیرگنلر؛ داوطلبلر، بورسیه بیریلمسلیگی اولرنی قیینچیلیک بیلن روپهره قیلگنینی اېتهدیلر. چیت ایلده تحصیلی گه دوام بیریش قصدی بولگن ۳۰ یاشنینگ ایتیشلریچه، تحصیلی خذمت کورسهتووچی شرکتلر و عالی اوقوو وزیرلیگی گه مراجعت قیلگندن سۉنگ بو چېکلاو دن خبر بولگنلر.
اسلام امیرلیگی باش وزیری اقتصادی اورینباسرلیگی، دوشنبه کونی اوز اکس صحیفهسیده بیر بیانیه ترقهتیب ایتیشیچه، اقتصادی رواجلنیش بیلن ایچکی تولیدلر، ایکینچیلر و چاروهچیلردن حمایت قیلیش اوچون بیر لایحه تیارلب و اونینگ نهایی بولیش مقصد سرپرست حکومت باش وزیری مقاملیگیگه یوبارگن.
تخنیکی و مسلکی تعلیملر ادارهسی مسئوللری، بوگون (۲۷-قوس، سهشنبه)، قیسقه مدتلی ایش اورگهتیش برنامهلرینی تطبیق قیلیش و مسلکی ایش فرصتلرینی یرهتیش آرقهلی کمبغللیک بیلن قرشی کورهش مقصد، ایچکی ۲۰ موسسه بیلن بیر قطار شرطنامهلرنی امضا قیلگنلر.
اسلام امیرلیگینینگ اوی و شهر توزهتیش وزیرلیگی، کابل ده چیتایللیک دیپلماتلر گه مخصوص بیر شهرچه قوریلیشینی اعلام قیلگن. مذکور نهاد، اوز اکس صحیفهسیده بیر بیانیه آرقهلی یازیشیچه، اوشبو دیپلماتیک شهرچهنینگ سروی و توپوگرافی پروسهسی یکونلنگن. اوی و شهر توزهتیش وزیرلیگینینگ کوپهیتیریشیچه…
افغانستان ده بیرلشگن ملتلر تشکیلاتینینگ خلقارا آزیق-آوقت دستوری، کیلهسی آلتی آیده فعالیتلرینینگ دوام بیریش مقصد، ۷۱۸ میلیون دالرگه احتیاجی بارلیگینی اعلام قیلگن.
اقتصاد وزیرلیگی اوشبو قویاش ییل باشلنگنیدن حاضرگه قدر، ایچکی و تشقی بیرقطار شرکتلر افغانستاننینگ تورلی ساحهلریده ۱۰ میلیارد ۶۵۴ میلیون دالرلیک سرمایه یاتقیزیش گه علاقه کورستگن و بیر قطار سرمایه یاتقیزووچیلر بیلن آلتی میلیارد ۶۰۰ میلیون دالرلیک شرطنامه امضالنگنینی معلوم قیلگن.
هرات ده هوا ساووقلیگی کوپهیگنی بیرحالده، اوشبو ولایت یشاوچیلریدن قطاری برقدن ییترلی شکلده فایدهلنه آلمسلیکلریدن شکایت قیلهدیلر. هرات شهری بکرآباد منطقه یشاوچیسی سیمانینگ سلاموطندار گه ایتیشیچه، سونگی کونلر بیر کیچه و کوندوزده یالغیز اوچ-تورت ساعت برقدن فایدهلنه آلهدیلر.
افغانستان اولاق لیگی آلتینچی باسقیچی فاینلیده، یما پترول اولاق تیرمه جماعهسی اوشبو مسابقهلرنینگ ساورینداری اعلام بولدی. بوگون (۲۶-قوس، دوشنبه) کابل شهری حدودلریگه قرهشلی «یکه توت» منطقهسیده فاریاب یاشلری و بدخشان اولاق تیرمه جماعهلری، اوچینچی و تورتنچی اورین اوچون بیلشدیلر.
اسلام امیرلیگی تشقی ایشلر وزیرلیگی سرپرستی امیرخان متقی و تورکمنستان تشقی ایشلر وزیری رشید مراداوف، افغانستان و تورکمنستان قۉشمه چېگرهسی یقینیده تاپی لایحهسی عملی ایشینی یقیندن باریب کوزهتگنلر.
ایران دهگی افغانستانلیک قاچقینلر و ینگیلیکده مذکور مملکتدن چیقریلگن یشاوچیلردن قطاری، ایران ده قاچقینلر بیلن یامان یاندهشیش و چیقریلیش جریانی کوپهیگنیدن شکایت قیلهدیلر.
افغانستان گه اۉزبېکستاننینگ وارداتی برقی تخنیکی قیینچیلیک و تورکمنستاننینگ وارداتی برقی بوران طفیلی کېسیلگن. افغانستان برق یېتکزیش شرکتی (برشنا)، بوگون (۲۵-قوس، یکشنبه) ایکس صحیفهسیده بیر بیانیه ترقهتیب، مملکت گه اۉزبېکستاننینگ وارداتی برقی تخنیکی قیینچیلیک و تورکمنستاننینگ وارداتی برقی بوران باعث کېسیلگنیدن خبر بیرگن.
سمنگان ولایتی امنیه قوماندانلیگی سۉزلاوچیسی حشمتالله رحمانی گه کوره، دستلبکی معلوماتلر اساسیده، ۲۴-قوس، شنبه کونی توشدن سۉنگ بو ولایتنینگ دره صوف پایین تومنی گوله قیشلاغی «سفید خاک» منطقهسیده، تاش کومیر کانی قولهشی طفیلی کانچیلردن بیرقطاری قمهلیب قالگن و سانلری حاضرگه قدر معلوم اېمس.
افغانستان آزاد مبارزهلر سپورتچیسی حسینبخش صفری، امریکالیک رقیبی میسون هارتشورن برابریده مغلوبیت گه تن بیردی. یېتکرمهلرنینگ معلوماتی اساسیده، حسینبخش صفری بوگون (۲۵-قوس، یکشنبه) امریکانینگ کالیفرنیا ایالتیده «فایت نایت سنخوزه» تشکیلاتیده امریکالیک رقیبی میسون هارتشورن بیلن بیلهشیب و ناکاوت بولگن.
غزنی یشاوچیلری حاضرگچه جاری ییلنینگ ساووق کونلرینی تجربه قیلیشلری بیرحالده، بو ولایت یشاوچیلریدن قطاری بازارلرده ییترلیچه یاغاچ یوقلیگی و اونینگ قیمتی یوقاریلیگی سبب، اویلرینی ایسیتیش اوچون میوهلی درختلرنی کیسیشگه مجبور بولگنلر.
