اسلام امیرلیگی تشقی ایشلر وزیرلیگی، منطقهدهگی سونگی اوزگریشلر مثلی کوریلمهگن درجهده کیسکینلیکنینگ کوچهیتیرگنی و بو وضعیت منطقه اوچون اوزاق مدتلی سلبی عاقبتلرگه آلیب کیلیشینی بیان قیلگن.
اسلام امیرلیگی ملی مدافعه وزیرلیگی سوزلاوچیسی عنایتالله خوارزمی، بوگون (۱۰-حوت، یکشنبه)، اکس صحیفهسیده یازیشیچه، مدافعه کوچلرینینگ قصاص آلیش عملیاتی جریانیده، اوتگن کیچه ینه بیرمرته ننگرهار، پکتیا، خوست و قندهار ده پاکستان کوچلریگه قرشی هجوملر اویوشتیریلگن.
الجزیره خبری ترماغینینگ گزارش بیریشیچه، عراق دولتی ایران رهبری آیتالله علی خامنهاینینگ اولگنی مناسبتی بیلن، اوچ کونلیک عمومی ماتم اعلام قیلگن.
خلقارا قاچقینلر تشکیلاتی افغانستان بولیمینینگ ایتیشیچه، اوتگن میلادی ییلده افغانستان یشاوچیلریدن قریب ۱۰ میلیونی هوا اوزگریشلریدن تاثیرلنگن.
«افغانستان پولیودن بوش» نهادی، فاریاب و بادغیسنینگ تورلی تومنلریده پولیو گه قرشی ایملش کمپاینی باشلنیشینی معلوم قیلگن.
ایران رهبری علی خامنهای اولگنی طفیلی بو مملکتنینگ قصاص آلیش هجوملری دوامی بیلن بیرگه، کویت ده هوا هجوملری توغریسیده خوف قونقیراغلری چلینیب و شونینگدیک قطر ده نیچه پارتلش سیسی ایشیتیلگن.
امریکا جمهور باشلیغی دونالد ترامپنینگ ایتیشیچه، ایران بو مملکت و اسرائیلگه قرشی یامان یاندهشگنی صورتده، اوشبو مملکتگه کوریلمهگن کوچ بیلن هجوم قیلهدی.
اسلام امیرلیگی معلوماتومدنیت وزیرلیگی سوزلاوچیسی خبیب غفران، ۹-حوت شنبهدن یکشنبه گه اوتر کیچه اکس صحیفهسیده، اسلام امیرلیگی «راه فردا» تلویزیونی فعالیتینینگ توختهتگنی و محمد محقق ملکیتلری مصادره قیلینگنینی معلوم قیلگن.
ایران سپاه پاسداران، بوگونگی کینگ قمراولی بویوک آلتینچی تولقین راکته هجوملرده اسرائیلده «تل نوف» هوا قونالغهسی، منطقهده امریکانینگ ۲۷ پایگاهسی نشانگه آلینگنینی بیلدیردی. ایران ییتکرمهلری، بوگون (۱۰ حوت/۱ مارچ، یکشنبه) بو هجوملر امریکا و اسرائیلنینگ ایران گه هجوملریگه جواب عملگه آشیریلگنینی ایتگنلر. سپاه پاسداران، شونینگدیک بو هجوملرده تلآویوده مدافعه صنعتی مجموعهسی هم نشانگه آلینگنینی قوشیمچه قیلگن.
ایران رهبری علی خامنهاینینگ اولگنیدن کیین سپاه پاسداران، اسرائیل و منطقه ده امریکا پایگاهلریگه قرشی تاریخدهگی اینگ شدتلی هجوم عملیاتینینگ باشلشینی اعلام قیلگن.
اسلام امیرلیگی سوزلاوچیسینینگ اورین باسری حمدالله فطرت، میلادی ۲۰۲۵ ییل، ۲۱ فبروریده، پاکستان حربی کوچلری ننگرهار ولایتیده بیر دهقاننینگ یشش اویینی نشانگه آلگنیدن بیری تورلی ولایتلرده قربان بولگنلر سانی ۵۲ کیشی ییتگنینی معلوم قیلدی.
اسلام امیرلیگی تشقی ایشلر وزیری امیرخان متقی، اوزبیکستان تشقی ایشلر وزیری بختیار سعیدوف بیلن تلفون آرقهلی سوزلشدی. تشقی ایشلر وزیرلیگی، بوگون (۹ حوت/۲۸ فبروری، شنبه) ایکس صحیفهسیده بیر بیانیه ترقهتیب، متقی و سعیدوف منطقه اینیقسه پاکستاننینگ افغانستان گه ناقانونی هجوملری حقیده بحث ایتگنلرینی معلوم قیلگن.
اسلام امیرلیگی و پاکستان آرهسیده حربی توقنشوولر کوچهیشی بیلن بیرگه، پاکستان دهگی افغانستانلیک قاچقینلرگه قرشی باسیملر هم کوپهیگن. اولر حاضر ایسه یامان بیر وضعیت بیلن روپهرهلر؛ انیقلش، قولگه آلیش و افغانستانلیک قاچقینلرنینگ چیقریش جریانی کینگ کولملی شکلده دوام قیلیب و اهالی، اویلر، یشش محللر و حتا مسجدلرده هم امنیتگه ایگه ایمسلر.
اسلام امیرلیگی مدافعه وزیرلیگی، پاکستاننینگ میرانشاه و سپین وام حربی مرکزلریگه هوا آرقهلی ینگی هجوم اویوشتیرگنینی اعلان قیلدی. مدافعه وزیرلیگی، بوگون (۹ حوت/۲۸ نومبر، شنبه) ایکس صحیفهسیده بیر بیانیه ترقهتیب، اوشبو هجوملر اوتگن کیچه ساعت ۱۲:۰۰ ده اویوشتیریلگنینی معلوم قیلگن.
امریکا رسمیلریدن بیرینینگ الجزیره گه ایتیشیچه، ایران گه اسرائیل هجوملری امریکا بیلن قوشمه حربی بیر عملیات صفتیده، عملگه آشیریلگن.
اسرائیل اردوسی، فوقالعاده وضعیت اعلام قیلیب و یشاوچیلریدن پناهگاهلری یقینیده قالیشلرینی سورهگن. الجزیره، بوگون (۹-حوت/ ۲۸-فبروری، شنبه)، گزارش بیریشیچه، اسرائیل ایران گه قرشی هجوملرینی باشلهگن.
