افغانستان مرکزی بانکی ۱۷ میلیون دالر نی لیلام قیلهدی
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده، چهارشنبه کونی ۲۴ حوت، ۱۷ میلیون امریکالیک دالرنی داوطلبلیک آرقهلی لیلام شکلده ساتهدی.
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده، چهارشنبه کونی ۲۴ حوت، ۱۷ میلیون امریکالیک دالرنی داوطلبلیک آرقهلی لیلام شکلده ساتهدی.
چین جمهور باشلیغی کیلهسی هفته روسیه گه سفر قیلیب و اوشبو مملکت جمهور باشلیغی بیلن ملاقات قیلیشی کوتیلهدی. رویترز آژانسی آگاه منبعلردن نقل قیلیب، چین جمهور باشلیغی شی جینپینگ روسیه جمهور باشلیغی ولادیمیر پوتین بیلن اوچرهشیش مقصدیده، کیلهسی هفته روسیه گه سفر قیلیشی ممکن دیب یازگن.
تشقی ایشلر وزیرلیگی نینگ مطبوعاتی دفتری، اوشبو وزیرلیک سرپرستی کابل ده قزاقستان ایلچیسی بیلن اوچرهشگنیدن خبر بیرگن. کابل ده، قزاقستان ایلچیسی علیمخان یاسین گیلدیاوف بیلن اوچرهشگن مملکت تشقی ایشلر وزیرلیگی نینگ سرپرستی امیرخان متقی، ایکی مملکت نینگ دیپلوماتیک مناسبتلری مستحکملهنیشی اوستیگه تأکید ایتگن.
کابل بلدیه ریاستی مسئوللری، بوگون (دوشنبه، ۲۲ حوت) کابل شهری نینگ ۱۳_ناحیهسیده کوچت (نهال) ایکیش کمپاینینی یولگه قوییب ایتیشلریچه، اوشبو ناحیه ده ۲۰۰۰ دن آرتیق کوچت ایکیلیشی ممکن.
کابل شهری ۱۵_ناحیه حدودلری گه قرهشلی «پنجصدفامیلی» منطقهسی یشاوچیلریدن بیرقطاری، ایچیملیک سوو پولینی توللش اوچون اوشبو منطقه دهگی خصوصی سوو ییتکیزیش شرکتلردن بیری گه کیلگنلر، مذکور شرکت تامانیدن ییترلی سوو ییتکیزیب بیریلمسلیگیدن شکایت قیلهدیلر.
بوگون (دوشنبه، ۲۲ حوت) مملکت نینگ ۳۲ ولایتیده بالهلر فلجی (پولیو) کسللیگیگه قرشی ایملش کمپاینی باشلندی. اوشبو کمپاین تورت کونگچه دوام تاپیب و بیش یاشنی تولدیرمهگن ۹ میلیون ۲۰۰ باله ایملهنیشی ممکن.
بغلان ولایتی جلگهی تومنی یشاوچیلری، اوشبو تومن ده ساغلیک مرکزلر و قابله یوقلیگی دن نالیب ایتیشلریچه، طبی خذمتلردن فایدهلنیش اوچون کوپ قیینچیلیکلر بیلن روپهرهلر.
داعش گروهی، بلخ مرکزی مزارشریف شهری ده خبرچیلر ییغیلیشی اوستیگه اویوشتیریلگن پارتلش مسئولیتینی تن آلگن. العربیه نینگ گزارشی اساسیده، داعش گروهی یکشنبه، ۲۱ حوت، اوز تلگرام کانالی ده شنبه کونی مزارشریف شهری ده اویوشتیریلگن پارتلش اولر نینگ ایشی دیه یازگن.
فاریاب محلی مسئوللری، اوشبو ولایت ده بیر باله نینگ جسدی بیر هفته دن کیین تاپیلگنیدن خبر بیرهدیلر. فاریاب امنیه قوماندانلیگی سوزلاوچیسی حمیدالله بتشکن نینگ سلاموطندار گه ایتیشیچه، «بسمالله» اسملی آلتی یاشر بیر باله، بیر هفته آلدین اوغیرلنگن ایدی جسدی تاپیلگن.
دولتی بیر منبع اسمی سر قالش شرطی بیلن سلاموطندار گه ایتیشیچه، مذکور قیز یکشنبه کونی، ۲۱ حوت، پروان ولایتی شیخعلی تومنی «تورج» قیشلاغی ده آو قورالی بیلن اوزینی اولدیرگن.
افغان قیزیل آی جمعیتی مسئوللری نینگ ایتیشلریچه، اوشبو ییل ده مملکت بویلب توغمه یورهک کسللیگیگه (سوراخقلب) چلینگن قریب ۷۰۰ باله درمانلنگن یا ده درمانلنماقده دیر.
سرپل ده بیر آنه آهونالیه بیلن ایتیشیچه، چهارشنبه کیچه، ۹ حوت، قوراللی ایکی کیشی اوزی، ۱۲ و ۱۳ یاشلی قیزلرینی جنسی زورلهگنلر. مذکور عیال سرپل ولایتی سوزمهقلعه تومنی «خانقاه» قیشلاغی یشاوچیسی دیر بیر ویدیو ده ایتیشیچه، محمدنادر و محمدطاهر اسملریده قوراللی ایکی کیشی، کیچه یریمی اویی گه کیریب، اوزی و قیزلری نینگ کلتکلش گه قوشیمچه، اولرنی جنسی زورلشگن.
اسلام امیرلیگی حاکمیتیدن کیین، اولکه ده قالین ایشلب چیقریش گه مراجعتچیلر سانی کوپهیگن و وظیفهلرینی قولدن بیرگن کوپ سانده یشاوچیلر، اوشبو صناعت گه یوز کیلتیرگنلر.
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده، دوشنبه کونی ۲۲ حوت، ۱۶ میلیون امریکالیک دالرنی داوطلبلیک آرقهلی لیلام شکلده ساتهدی.
ایران تشقی ایشلر وزیرلیگی شنبه کیچه کیچ قورون، ۲۰ حوت، بیر بیانیه ترقهتیب ایتیشیچه، اوشبو اوچرهشووده مذکور ایکی مملکت نینگ همکارلیکلری کینگهیشی و افغانستان ده دایمی صلح و ثبات برقرار ایتیلیشی اوستیگه تأکید ایتیلگن.
افغانستان اوچون بیرلشگن ملتلر تشکیلاتی انسان حقلری کینگشی نینگ مخصوص گزارشگری، شنبه کیچه، ۲۰ حوت، اوز تویتیری ده، بلخ مرکزی مزارشریف شهری ده تبیان فرهنگی مرکزی ده خبرچیلر ییغیلیشیده اویوشتیریلگن پارتلش، افغانستان ده ایرکین سوز گه ینه بیر زیان دیب یازگن.