سلاموطندار نینگ معتاد قیلووچی دارولردن استعمال قیلهدیگن ۱۸ ییگیت بیلن اوتکزگن صحبتی نتیجهسیده، بو کبی دارولردن فایدهلنیش آسان و اونینگ قیمتی هم آز دیر. مذکور گزارشده صحبت قیلینگن ییگیتلر گه کوره، اولر معتاد قیلهدیگن دارولرنی…
سلاموطندار نینگ بیلیمدن محروم قالگن ۳۰ عیال بیلن اۉتکزگن صحبتی اساسیده، بو عیاللر تورلی سبب باعث سوادسیز قالگنلر. گزارش ده صحبت قیلگن اوشبو عیاللر نینگ ۱۳ نفری عایلهوی چېکلاولر، توقیز نفری اقتصادی قیینچیلیک، آلتی نفری شرایط مناسب اېمسلیگی و مملکت دهگی اوروش نی بیلیم دن محروم قالیش دلیلی عنوان قیلیب و باشقه ایکّی نفری اېسه سوادسیز قالیش دلیلینی اېتمهگنلر.
سلاموطندار نینگ جمهوریت توزومی سۉنگی اوچ ییلی ده تورموش گه چیققن ۴۰ عیال و افغانستانده سیاسی توزوم اۉزگریشیدن کېین تورموش گه چیققن باشقه ۴۰ عیال بیلن اۉتکزگن صحبتی اساسیده، سۉنگی اوچ ییلده مملکت بویلب جبری تورموش گه چیقیش کوپهیگن.
سلاموطندار نینگ ۲۷ قیز و ییگیت بیلن اۉتکزگن صحبتی اساسیده، افغانستاندهگی یاشلر هوشمند تلفونلردن باشقهلر بیلن علاقه قوریش گه قۉشیمچه کوپراق تعلیمی برنامهلر، آنلاین سودا، آگاهیلیکلرینی آشیریش و گیم اوچون قوللنهدیلر.
سلاموطندار نینگ تورلی ساحهلرده ۱۸ سپورتچی بیلن قیلگن صحبتی اساسیده، افغانستان ده سۉنگی ییللرده سپورت رواجلنگن. بو گزارش ده کابل شهریده ملی تیرمه جماعهلرده سکیز سپورتچی و ۱۰ آزاد مبارزهلر سپورتچی بیلن صحبت قیلینگن. بو سپورتچیلر نینگ ۱۰ نفری، افغانستانده سۉنگی اوچ ییلده سپورت سېزیلرلی درجه ده رواجلنگنینی اېتگنلر.
سلاموطندار، کېکسهلیک بیلن باغلیق کسللیکلر گه چلینگن ۲۹ ییگیت، داخله و قلب متخصصلریدن بیش شفاکار بیلن قیلگن صحبتی اساسیده، کېکسهلیک بیلن باغلیق سویک پوکلیگی، وزن آرتیقچهلیگی، قان چربیسی، ایکّینچی تور دیابت و یورهک کسللیکلری یاشلر اۉرتهسیده کوپهیگن.
افغانستان قلبی کابل شهری «کوتل خیرخانه» حدودیده ۳۰۰ گه یقین جوگی عایلهسی، حیات اوچون کېرهک بولگن اېنگ دستلبکی امکانیتسیز و قیین شرایط ده خیمهلر آستیده تیریکچیلیک قیلیب کېلماقده. جوگیلر نینگ خاتین-قیزلری کمبغللیک، کمسیتیش، طبی و اوقیش امکانیتلردن فایدهلنه آلمسلیک، قانونی یاشنی تولدیرمسدن تورموش گه چیقیش و اجتماعی تورلی خیل قیینچیلیک بیلن دوچ دیر.
سلاموطندار یاشلر نینگ کوپ خاتینلیکّه مناسبتینی تېکشیریش اوچون مملکت نینگ ۲۸ ولایتیده سوراو اۉتکزگن، سوراو گه قتنشگن هر ۱۰ یاش دن سکیزتهسی کوپ خاتینلیکّه قیزیقمسلیکلرینی اېتگنلر. سوراو گه کوپراق کاپیسا و اېنگ آز نورستان ولایتی اهالیسی قتنشگن.
سلاموطندار مملکت ۲۸ ولایتیده یاشلر نینگ کوپ خاتینلیکّه قیزیقیشینی انیقلش اوچون سوراو اۉتکزگن، نتیجه اساسیده هر ۱۰ یاشدن سکیز تهسی کوپ خاتینلیکّه قرشی دیر. بو سوراو ده کاپیسا ۱۳.۳ فایز اېنگ کوپ و نورستان ۰.۱ فایز بیلن اېنگ آز اشتراک اېتگنلردن تانیلگن.
سلاموطندار نینگ مملکتده ۲۲ ایشچی عیال بیلن اۉتکزگن صحبتی اساسیده، بو عیاللر باشقهلر نینگ اویی ده قیین و آغیر ایشلرنی تحمل قیلماقده اېکن، بیراق حقوقلری آزلیگی و ایش بویروچیلر نینگ اولر بیلن یخشی یاندهشمسلیگیدن نالیدیلر. اولردن بیرقطاری اقتصادی قیینچیلیک طفیلی شاقه ایشلرنی قیلیش گه مجبور؛ لېکن عایله اعضالری نینگ حتا دستلبکی احتیاجلرینی تأمینلش اوچون یېترلی بولمهگنینی اېتهدیلر.
حیات، بیز یوریدیگن، یوگورهدیگن، ییتیب کېلهدیگن و بعضن ییقیلیب توشهدیگن پست-بلند یول دیر. بو یولده، مغلوبیت گه تن بیرهدیگنلر هم بار و کوپینچه کیشیلر هم آلغه باریشنی اویلب و اونگیلریدهگی توسیقلردن اوتیب و موفقیت گه ایریشیش اوچون قدم قویهدیلر. بو گزارش ده، سلاموطندار حیاتلریده کوپ قیینچیلیکلرنی باشدن کیچیریب و مقصدلری گه ایریشیش اوچون سعی-حرکتدن واز کیچمهگن ییگیتلر بیلن صحبت اوتکزگن.
سلاموطندار نینگ افغانستانده ۲۵ عیال بیلن اۉتکزگن صحبتی اساسیده، عیاللر سرکلر و عمومی مکانلرده ایرککلر تامانیدن جسمانی و کلامی بیزاوته بولگنلرینی اېتگنلر.
سلاموطندار اجتماع دهگی داوطلبلیک فعالیتلرده یاشلر نینگ اشتراکینی تېکشیریش اوچون ۱۶ ولایتده ۷۰ قیز و ییگیت بیلن صحبت اۉتکزگن، اولر نینگ ایتیشلری گه قرهگنده یاشلر نینگ اجتماع دهگی برنامهلرده اشتراک اېتیش رقمی کمهیگن و سۉنگی اوچ ییلده یالغیز بیر کیشی بو گَل برنامه ده قتنشگن.
سلاموطندار اوشبو گزارش ده مملکت نینگ ییتّی ولایتیده ۲۸ عیال بیلن صحبت اۉتکزگن و اولر نینگ کوپینچهسی امرمعروف و نهی منکر قانونی تصدیقلنیشیدن خواطر بیلدیرگنلر. ادارهلرده ایشلهیدیگن اوشبو عیاللردن بیرقطاری، بو قانون عملگه آشیریلگن حالده اولر و عایله اعضالرینی اقتصادی قیینچیلیک بیلن روپهره قیلیشینی معلوم قیلگنلر.
سلاموطندار نینگ ۲۲ ایر-خاتین بیلن اۉتکزگن صحبتی اساسید، اولر ارا ۱۵ ایر-خاتین قۉشمه حیاتلریده عایله اعضالری نینگ ارهلشووی قرهمه-قرشیلیک، وقتینچهلیک اجرهلیش و حتا ایر و خاتین اۉرتهسیده زورهوانلیکّه سبب بولگنلرینی اېتگنلر. اوشبو ۱۵ ایر-خاتین نینگ کوپهیتیریشیچه، اوی ایشلری، قرار قبول قیلیش، دمآلیش، کییم-کیچک، تعلیم، سودا، یشش جای و حتا باله نینگ تربیهلش ایشلریده عایله اعضالری ارهلشگن.
سلاموطندار مملکت نینگ ۱۴ ولایتیده ۴۰ محنتکار و چاروهچی عیال بیلن سوراو اۉتکزگن، اوشبو سوراو اساسیده اوشبو عیاللر نینگ هېچ بیری ایکینچیلیک، سوغاریش و چاروهچیلیک وزیرلیگی همده ایکینچیلیک سکتورینی قۉللب-قوتلاوچی نهادلر تامانیدن حمایت بولمهگنلرینی اېتگنلر. بو عیاللر سنتی طرزده ایرککلری بیلن محنتچیلیک و چاروهچیلیک ایشلر بیلن شغللنماقدهلیکلرینی معلوم قیلگنلر.
