افغانستان ۲۰ یاشنی تولدیرمهگن فوتبال ملی تیرمه جماعهسی، کافا ۲۰۲۶ ییل تورنمنتیده، تاجیکستان بیلن بیلللشهدی.
اوشبو بیللشوو، بوگون (۲۵ ثور/۱۵ می، جمعه) کابل وقتی بیلن عصر پیتی ساعت ۴:۳۰ ده دوشنبه شهریده اوتکزیلهدی.
مملکت ملی اویینچیلری بو تورنمنتده حاضرگچه هیچ امتیاز آلالمهگن، بیرینچی اویینده ۳-۱ حسابی بیلن تورکمنستان گه و کیین ایسه ۲-۰ حسابی بیلن اوزبیکستان گه بای بیردی.
بیللشوولر ریتینگیده، تاجیکستان بیر اویین و اوچ امتیاز بیلن ایکینچی اورینده، افغانستان ایسه کیتمه-کیت ایکی مغلوبیت و امتیازسیز ریتینگ آخریده تورگن. افغانستان کیلهسی یکشنبه کونی قرغیزستان بیلن بیللشهدی.
۲۰ یاشنی تولدیرمهگن کافا ۲۰۲۶ ییل تورنمنتی، بیش مملکت تیرمه جماعهسی اشتراکی بیلن ۲۰-۳۰ ثور گچه تاجیکستان میزبانلیگی بیلن اوتکزیلهدی.
