بوگون (دوشنبه، ۸-می) خلق‌ارا تالاسمی کونی گه ماس دیر. اوشبو کوندن ساغلیق نی سقلش وزیرلیگی تامانیدن نشانلندی.
خلق‌ارا تالاسمی کونی‌ده، اوشبو کسل‌لیککه چلینگلردن قطاری افغانستان ده درمانی خذمت‌لردن فایده‌لنیش امکانی یوقلیگی‌دن شکایت قیله‌دیلر.
تالاسمی کسل‌لیگی گه چلینگن توقیز یاشر مهرماه، اوشبو برنامه گه حضور تاپیب، عادی تیریکچیلیک و ساغلیک حسرتی اوچون ییغله‌ب ایتیشیچه: «یالغیز قان و دارو کسل‌لر قیین‌چیلیگی نی حل قیلمه‌یدی و مین هم باشقه‌لر کبی عادی حیات کیچیریش نی ایسته‌یمن.»
حاضر ایسه اوشبو کسل‌لیک مملکت‌ده مینگ‌لرچه باله نینگ حیاتی نی تهدید قیلماقده.
بیزلرنینگ توییترده هم تعقیب قیلینگ!
شونده‌ی بیرحالد، کابل ده‌گی داکترلردن بیری نینگ ایتیشیچه: «اوشبو کسل‌لیک نینگ یالغیز درمان یولی، کسل نینگ بولمیرو قولگه کیلتیریشی کیره‌ک و قیغو بیلن افغانستان ده او یوق.»
کسل گه قان اوتکزیلیشی، تالاسمی کسل‌لیگی نینگ وقتینچه‌لیک شکلده درمان بولیش یول‌لریدن بیری دیر که، افغانستان ده‌گی کسل‌لر اوچون ارایه بوله‌دی؛ بیراق کسل‌لر نینگ ایتیش‌لریچه، بو توغریده کوپینچه قیین‌چیلیک‌لر بیلن روپه‌ره‌لر.
مذکور کسل‌لیککه ایکی کیچیک فرزندلری چلینگن پهلوان نینگ ایتیشیچه، کم‌بغل‌لیک سبب، اولر نی درست شکلده درمان قیله آلمه‌یدی.
اونینگ کوپه‌یتیریشیچه: «کسل‌خانه گه مراجعت قیلیب، تالاسمی دیگنی‌میز پیتده، داکترلر، ایکی کون آلدین قان اوتکزگنی‌میز بیرحالده، ینه باریب قان اوتکز دیه‌دیلر، بو کسل‌لیککه هیچ قنده‌ی توجه صورت تاپمه‌یدی و اهمیت هم بیریلمه‌یدی.»
قان ملی بانکی نینگ آماری اساسیده، حاضر ایسه مملکت ده ۱۲ مینگ‌دن آرتیق کیشی اوشبو کسل‌لیککه چلینگن. بیراق ایتیلیشیچه، تالاسمی کسل‌لیگی گه چلینگنلر رقمی خصوصیده دقیق احصائیه یوقلیگی سبب، مذکور کسل‌لیککه چلینگنلر سانی رقمی نینگ کوپ بولگنی ممکن.
قان ملی بانکی رئیسی محمد‌ناصر صادق، عایله‌لر نینگ درست معلوماتی یوقلیگی و وقتیده درمان قیلینمه‌یشی، مذکور کسل‌لیککه چلینگنلر سانی کوپه‌یگنی اصلی سببی عنوان قیله‌دی.
اونینگ ایتیشیچه: «قیغو بیلن مملکتی‌میزده اوشبو کسل‌لیک رقمی کوپ دیر، چونکه بو توغریده اهالی گه معلومات بیریلمه‌گن. اوشبو کسل‌لیککه چلینگن عایله‌لر هم تشخیصیه تست‌لری نی قیلمه‌گنلر و انه شوو سبب، فرزندلری اوشبو کسل‌لیککه چلینه‌دیلر. قیغو بیلن ۱۲ مینگ ۱۰۳ کیشی قان ملی بانکی‌ده ثبت بولگن.»
شونده‌ی بیرحالده، ساغلیق نی سقلش وزیرلیگی مسئولری و خلق‌ارا تالاسمی کونی‌دن نشانلش برنامه‌سی گه شرکت قیلگنلر، دنیا تشکیلات‌لری و ساغلیق بولیم‌لریده فعالیت قیله‌دیگن نهاد‌لردن، مذکور کسل خصوصیده جدی شکلده توجه قیلیش‌لری نی ایسته‌گنلر.
بیزلرنینگ فیسبوک صحیفه‌میزگه باش اورینگ!
شونینگدیک اولر اهالی اینیقسه یاش ییگیت‌لردن قان بیریش پروسه‌لری توغریسیده کوپراق سهم آلیش‌لری نی ایسته‌یدیلر.
کرکت سپورتچی و تالاسمی کسل‌لری گه قان بیریش پروسه‌سی فعال‌لریدن محمدنبی عیسی‌خیل نینگ ایتیشیچه: «خاص اوشبو کسل‌لیک اوچون بیر کسل‌خانه ایجاد قیلیش خصوصیده سعی و حرکت قیله‌من و شونینگدیک دنیا‌دن بو کبی باله‌لر بیلن همکار‌لیک قیلیش‌لری نی ایسته‌یمن.»
تالاسمی ارثی قان بوزیلیشی و ژنیتیکی کسل‌لیک‌لردن بیری که، اوشبو کسل‌لیککه چلینگنلر بدنی‌ده هموگلوبین‌لر و قرمز گلبول‌‌لر عادی حالتی‌‌دن کم‌راق دیر.
حوصله کم‌لیگی، انرژی کم‌لیگی و کم اشتها‌لیک، اوشبو کسل‌لیک نینگ اصلی علایم‌لریدن حساب‌لنه‌دی.