بوگون (پنج‌شنبه، ۲۸-ثور) خلق‌ارا موزیم کونی گه ماس دیر. اوشبو کون معلومات و مدنیت وزیرلیگی، مس عینک کانی‌دن کشف بولگن ۱۰۰ ته قدیمی اثر نینگ کورگزمه گه قوییش بیلن، خلق‌ارا موزیم کونی‌دن نشانله‌گن.
ملی موزیم سرپرستی محمد‌زبیر عبادی نینگ ایتیشیچه، کوشانی‌لر و سامانی‌لر دوره‌لری گه تیگیشلی مذکور قدیمی اثرلر آره‌سیده بودا هیکل‌لری، کییم، اوزوک و سیرغه شامل دیر.
بیزلرنینگ فیسبوک صحیفه‌میزگه باش اورینگ!
عین حالده، اوشبو تاریخی اثر، لوگر نینگ مس عینک کانی‌دن ایچکی و خارجی تدقیقات‌چیلر تامانیدن کشف بولگن.
عبادی، افغانستان قدیمی اثرلری قاچاقی‌دن خواطر بیلدیریب کوپه‌یتیریشیچه: «مملکت‌دن قدیمی اثرلر قاچاق بولیشی خصوصیده خواطرده‌میز. اسلام امیر‌لیگی نینگ قدرت گه ایریشگنی‌دن بویان ۱۰۰۰ قدیمی اثر ملی موزیم گه تاپشیریلدی و اسلام امیر‌لیگی تورلی‌خیل بولیم‌لرده قدیمی اثرلر قاچاقی نینگ آلدی نی آلیش خصوصیده سعی و حرکت قیله‌دی.»
شونده‌ی بیرحالده، معلومات و مدنیت وزیرلیگی مسئوللری دنیا مملکت‌لریدن، افغانستان‌دن قاچاق بولگن قدیمی اثرلر نینگ قیته کیلتیریلیشی نی ایسته‌گنلر.
معلومات و مدنیت وزیرلیگی سرپرستی خیرالله خیرخواه، دنیا جماعه‌دن اوشبو وزیرلیک نی قدیمی اثرلر سقلنیشی بولیمی‌ده مالی یاردم بیریش‌لری نی ایسته‌گن. اونینگ کوپه‌یتیریشیچه: «ایچکی و خارجی‌لر اوچون توریست‌لیک زمینه‌سی یره‌تیلیشی خصوصیده سعی و حرکت قیلماقده‌میز و شونینگدیک قدیمی اثرلر نینگ سقلش برچه‌میز نینگ ایشی‌میز دیر و دنیا مملکت‌لری بو توغریده همکارلیک قیلیش‌لری کیره‌ک.»
بیزلرنینگ توییترده هم تعقیب قیلینگ!
شونده‌ی بیرحالده، قدیمی اثرلر بیلرمان‌لریدن قطاری مملکت یشاوچیلریدن ملی موزیم‌ده قدیمی نرسه‌لر سانی کوپه‌یشی اوچون، اوی‌لریده سقلنه‌یدیگن قدیمی اثرلر نی اوشبو موزیم گه تاپشیریش‌لری نی ایسته‌یدیلر.
قدیمی اثرلر بیلرمانی مجتبا عارفی نینگ ایتیشیچه: «معلومات بیریش برنامه‌لر نینگ یولگه قوییلیشی و شونینگدیک موزیم بولیمی‌ده تدقیقاتی مرکزلر و مملکت‌دن تشقی‌ده قدیمی اثرلر نینگ کورگزمه‌سی یره‌تیلیشی کیره‌ک.»
شونده‌ی بیرحالده، ملی موزیم مسئوللری نینگ ایتیش‌لریچه، قدیمی اثرلردن ۹۵ فایزی درست بیر ییر نینگ یوقلیگی سبب، انبارلرده سقلنه‌دی که، نابود بولیش خوفی بیلن روپه‌ره بولیشی ممکن.
معلومات و مدنیت وزیرلیگی مسئوللری نینگ معلوماتی اساسیده، حاضر ایسه بلخ، هرات، قندهار و خوست ولایت‌لریده موزیم‌لر فعال دیر که، کونده اونلب ایچکی و خارجی توریست اوشبو موزیم‌لر نی کوریب چیقه‌دیلر.