قان ملی بانکی مسئوللری دوشنبه کونی، ۲۸ حمل، کابل شهری ده ساغلیقنی سقلش وزیرلیگی تامانیدن «خلق‌ارا هیموفیلیا» کونی مناسبتی بیلن یولگه قوییلگن ییغیلیش ده ایتیشیچه، حاضر مملکت بویلب اوشبو کسل‌لیککه چلینگنلر سانینی انیقلش اوچون تیکشیرو اوتکزیلمه‌گن، بیراق اوچ مینگ دن آرتیق کیشی مذکور کسل‌لیککه چلینگن.
اوشبو ییغیلیش ده قان ملی بانکی باشلیغی محمد‌ناصر صادق نینگ ایتیشیچه، حاضر کابل ده مذکور بانک ده هیموفیلیا گه چلینگن ۸۵۷ کیشی ثبت دیر.
او نینگ کوپه‌یتیریشیچه: «حاضر یانیمیز‌ده ۸۵۷ کیشی هیموفیلیا گه چیلنگن بار، بو آره‌‌ده ۵۹ موردینی عیال‌لر و قالگنینی ایسه ایرکک‌لر تشکیل بیره‌دی.»
هیموفیلیا ارثی بیر کسل‌لیک دیر، قان فکتورلریدن بعضی‌لری نینگ کم‌لیگی سبب، آنه‌دن باله گه انتقال تاپه‌دی و زمانیده درمان بولمه‌گن صورت ده، کسل نی تنه‌سی نینگ بیر قسمینی فلج یا-ده اونینگ اولیمی گه سبب بوله‌دی.
بیزلرنینگ فیسبوک صحیفه‌میزگه باش اورینگ!
ساغلیقنی سقلش وزیرلیگی مسئوللری نینگ ایتیشلریچه، هیموفیلیا کسل‌لیگینی درمانلش و تشخیصی اوچون امکانیت و متخصص کم‌لیگی بیلن روپه‌ره‌لر.
عین‌حالده، مسئوللر هیموفیلیا حقیده یشاوچیلر نینگ آگاهی‌سیزلیگینی، اوشبو کسل‌لیککه چلینگنلرنی درمانلش اونگیده‌گی باشقه قیینچیلیکلردن عنوان قیله‌دیلر.
ساغلیقنی سقلش وزیرلیگی نینگ معالجوی طب ریاستی باشلیغی احمد‌سیر پاسون نینگ ایتیشیچه: «کسل‌لیک حقیده آگاهی‌لیک‌لری بولمه‌گن ییرده قیینچیلیک بیلن روپه‌ره بوله‌میز. یخشی تشخیص بولمه‌گن تقدیرده کسل‌لیک کوپیه‌دی. خلق‌ارا هیموفیلیا کونیده خیریه موسسه‌لردن بودجه و امکانیت بولیمیده همکارلیک قیلیش‌لرینی ایسته‌یمیز.»
افغانستان ده هیموفیلیانی درمانلش و تشخیص ایتیش یالغیز بیر مرکز موجودلیگی باعث، کسل‌لر تورلی خیل قیینچیلیک بیلن روپه‌ره بولگنلر.
هیموفیلیا گه چلینگن بلخ‌لیک ۲۶ یاشر فرهاد، اوزینی درمانلش اوچون کابل گه کیلگن ایتیشیچه، اوزی گه علاوه عایله اعضالریدن قریب ۲۰ کیشی اوشبو کسل‌لیککه چلینگنلر.
او نینگ کوپه‌یتیریشیچه: «حکومت نی اونچه‌لیک امکانیتی یوق. بو کسل‌لیک دن کوپ عذاب چیکماقده‌میز. هر کون فکتور آلیشی‌میز لازم. فکتور آلمه‌گن تقدیرده قیینچیلیک بیلن روپه‌ره بوله‌میز. بو فکتور نی هم باشقه مملکت‌لردن آله‌میز. قیمتی بیر مینگ یا-ده ایکی مینگ افغانی دیر.»
بیزلرنینگ توییترده هم تعقیب قیلینگ!
ساغلیقنی سقلش وزیرلیگی نینگ ایتیشیچه، افغانستان ده هموفیلیا نینگ سکیز و توقیزینچی فکتوری، طبی امکانیت‌لر کم‌لیگی بیلن روپه‌ره دیر.
مذکور کسل‌لیککه چلینگن ۱۱ یاشر حسنا گه کوره: «کیچیک لیکدن اوشبو کسل‌لیککه چلینگن ایدیم. هر آی بیر مرته فکتور آلیشیم کیره‌ک، تنه‌م نینگ بیر قسمی یره‌لنگن، یره بویوک بولیب و قانی توختمه‌‌یپتی.»
ساغلیق نی سقلش وزیرلیگی، هیموفیلیا کسل‌لیگی گه چلینگن کیشی‌لرنی درمانلش اوچون کوپراق قولی‌لیک یره‌تیلیشیدن ایشانچ بیریب ایتیشیچه، مملکت نینگ برچه زون‌لریده مذکور کسل‌لیک نی درمانلش مقصدیده ساغلیک مرکزلرنی ایجاد ایتیش اوچون سعی‌وحرکت قیلماقده‌لر.