برازیل شمالشرقیده یولاوچی تاشووچی بیر اوتوبوسنینگ چپه بولگنی عاقبتیده، کمیده ۱۶ کیشی اولیب و اونلب کیشی یرهلنگن.
خلقارا ییتکرمهلرنینگ بوگون (۴-فبروری/ ۱۵-دلو، چهارشنبه)، گزارش بیریشیچه، قریب ۶۰ یولاوچیسی بولگن مذکور اوتوبوس، آلاگواس ایالتیده جایلشگن بیر قیشلاق حدودیده چپه بولگن.
آلاگواس محلی دولتی، بیر بیانیه آرقهلی اعلام قیلیشیچه، اولگنلر آرهسیده ییتی عیال، بیش ایرکک و تورت باله شامل دیر. اوشبو واقعه سببی توغریسیده تدقیقاتنینگ دوامی بار.
برازیل ده بو کبی واقعهلر کوپراق یوز بیرهدی. مذکور مملکت ترانسپورت وزیرلیگینینگ معلوماتی اساسیده، ۲۰۲۴-ییلده برازیل ده یوز بیرگن ترافیکی حادثهلر طفیلی، ۱۰ مینگدن آرتیق کیشی هلاک بولگن.
