هرات حوزهوی کسل‌خانه مسئوللری نینگ ایتیشلریچه، بوگون «یکشنبه، ۲۳-میزان» مذکور ولایت‌ده یوز بیرگن زلزله عاقبتیده، حاضرگچه اوشبو کسل‌خانه گه ایکی جسد و ۱۲۵ یره‌دار انتقال بیریلگن.
امریکا ییرشناس‌لیک اداره‌سی نینگ معلوماتی اساسیده، بوگون ایرتنگ چاغی هرات ده بیر ساعت جریانیده ایکی کوچلی زلزله یوز بیرگن و شونینگدیک مذکور زلزله‌لر عاقبتیده، یشاوچیلر گه جانی و مالی زیان ییتیشگنیدن هم گزارش بیریلگن.
بیزلرنینگ «ایکس» ترماغی ده هم تعقیب قیلینگ!
بیرینچی زلزله بوگون ایرته‌لب ساعت ۸:۰۰ اطرافی ده، هرات ولایتی کشک تومنی «کاریزنو» منطقه‌سیده یوز بیرگن. اوشبو زلزله ۶.۳ درجه ریشتر دییلگن.
ایتیش کیره‌ک که، حاضرگچه مذکور ولایت نینگ بیر قطار اوزاق تومن‌لریده زلزله عاقبتیده یره‌لنگنلر، هرات حوزهوی کسل‌خانه‌سی گه انتقال بیریلمه‌گن.
مسئوللر گه کوره، اولر نینگ انتقال بیریلیشی بیلن آمار نینگ اوزگریشی ممکن.
امریکا نینگ ییرشناس‌لیک اداره‌سی اوز ایکس (تویتری) ده، ایکینچی زلزله هرات شهری شمال_غربی ده یوز بیرگنینی یازگن.
بیزلرنینگ فیسبوک صحیفه‌میزگه باش اورینگ!
۵.۵ درجه ریشترلیک ایکینچی زلزله، هرات شهری شمال_غربی ۲۸ کیلومترلیگی ده و ییر نینگ ۱۲ کیلومتر چقورلیگیده یوز بیرگن.
ایتیلیشیچه، مذکور زلزله‌لر فراه و بادغیس ولایتلری ده هم سیزیلگن.
