بوگون (سه‌شنبه، ۳-میزان)، کابل ده سیلاب جمغرمه‌سی آرقه‌لی ۳۰ ییگیت نینگ توپلم توی مراسمی اوتکزیلگن.
اوشبو جمغرمه مسئولی سیداحمد سیلاب نینگ ایتیشیچه، مذکور مراسم جمعیت‌ده ناتوغری فرهنگ‌لر اورته‌دن کیتیشی و توپلم توی مراسملری رواجلنیشی مقصد، یولگه قوییلگن.
بیزلرنینگ فیسبوک صحیفه‌میزگه باش اورینگ!
جناب سیلاب نینگ کوپه‌یتیریشیچه: «سیلاب جمغرمه‌سی ییل‌لردن بیری تویلرده یوقاری صرف-خره‌جتلر و ناتوغری عادتلر و عنعنه‌لر بیلن مبارزه قیلیش اوچون، عملی شکلده فعالیت قیلیب و ییگیتلر اوچون توپلم توی مراسملری نی یولگه قویه‌دی. بوگون هم افغانستان نینگ تورلی قوم‌لری بولگن ۳۰ ییگیت نینگ توپلم توی مراسمی نی اوتکزگن.»
سیلاب جمغرمه‌سی مسئوللری نینگ کوپه‌یتیریشلریچه، مذکور توی مراسمی خره‌جتی گه علاوه هر بیر ییگیت گه ۱۵۸ اوی وسیله‌لری هم بیریلگن.
شونده‌ی بیرحالده، اقتصادی قیین‌چیلیکلر و کوپینچه صرف-خره‌جت سبب نیچه ییل‌دن بیری توی مراسملری نی اوتکزه آلمه‌گن ییگیتلردن قطاری، عایله‌لردن ناتوغری عادت و عنعنه‌لر آلدی آلینیشی نی ایسته‌گنلر.
نورستان ولایتی یشاوچیسی بولمیش کییاولردن بیری عبدالمنیم نینگ ایتیشیچه، اقتصادی قیین‌چیلیکلر، کوپینچه مَهر و یوقاری صرف-خره‌جت سبب ییتی ییل‌دن بیری توی قیله آلمه‌گن ایکن. «بو فرهنگ سبب بولگن که ییگیتلر نامزد بوله آلمسه‌لر. بیر قطار ییگیت مَهر نی تامین‌لش اوچون تشقی مملکت‌لر گه کیتیش گه مجبور بوله‌دی. بیللی ایمس که او ییردن تیریک قیته‌دی می یا که یولده اوله‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک کییاولردن باشقه بیری مومن، کمبغل‌لیک سبب ییتی ییل‌دن بیری نامزد قالگنی نی بیان قیلیب، عایله‌لردن کوپ مَهر آلمسلیکلرینی ایسته‌گن.
اونینگ ایتیشیچه: «اهالی‌دن ایسته‌گیمیز شو دیر که، عایله‌لر اقتصادی وضعیتی نی نظر گه آلیب و مّهر نی کمه‌یتیرسینلر که ییگیتلر، بیزلر کبی قیین‌چیلیک بیلن روپه‌ره بولمه‌سینلر.»
سیلاب جمغرمه‌سی نینگ معلوماتی اساسیده، اوشبو نهاد اوتگن ۱۵ ییل ایچیده توپلم توی مراسمی آرقه‌لی مینگ‌لرچه ییگیت نینگ تویی نی اوتکزگن.
کمبغل‌لیک گرافی یوقاریلیگی، توی مراسمی صرف-خره‌جتی و عایله‌لر آره‌سیده مَهر کوپلیگی سبب، اوتگن اوچ ییل‌ده ییگیتلردن قطاری توی مراسملرینی توپلم شکلده اوتکزگنلر.
