امریکا نینگ ییرشناس‌لیک اداره‌سی گه کوره، بوگون (یکشنبه، ۲۳ میزان)، هرات ده بیر ساعت ایچیده ایکی مرته کوچلی زلزله یوز بیرگن.
بیرینچی زلزله بوگون ایرته‌لب ساعت ۸:۰۰ اطرافی ده، هرات ولایتی کشک تومنی «کاریزنو» منطقه‌سیده یوز بیرگن. اوشبو زلزله ۶.۳ درجه ریشتر دییلگن.
بیزلرنینگ فیسبوک صحیفه‌میزگه باش اورینگ!
هرات حاکمی سوزلاوچیسی نثاراحمد الیاس نینگ سلام‌وطندار گه ایتیشیچه، بیرینچی زلزله ده حاضر گچه بیر کیشی قربان بولیب و باشقه ۳۵ کیشی یره‌لنگن، بیراق او بوتوغریده کوپ ایضاح کیریتمه‌گن.
امریکا نینگ ییرشناس‌لیک اداره‌سی اوز ایکس (تویتری) ده، ایکینچی زلزله هرات شهری شمال_غربی ده یوز بیرگنینی یازگن.
۵.۵ درجه ریشترلیک ایکینچی زلزله، هرات شهری شمال_غربی ۲۸ کیلومترلیگی ده و ییر نینگ ۱۲ کیلومتر چقورلیگیده یوز بیرگن.
ایتیلیشیچه، مذکور زلزله‌لر فراه و بادغیس ولایت‌لری ده هم سیزیلگن.
بیزلرنینگ «ایکس» ترماغی ده هم تعقیب قیلینگ!
هرات ده یوز بیرگن قانلی زلزله دن کیین قریب ایکی هفته اوتگچ، اوشبو ولایت ده انده_سنده زلزله یوز بیریب و مذکور ولایت یشاوچیلری نینگ خواطری گه سبب بولگن.
معلومات‌لر گه بناً، هرات ولایتیده کیتمه_کیت زلزله‌لر باعث کوپ سانده عایله‌لر اوی_جای‌لرینی ترک قیلیب و آچیق فضا ده چادرلر آستیده حیات کیچیریشیب کیلماقده.
